Sawltak 24:14 - Tedim Bible

¹⁴ Ahih hangin amaute in biakna pawl tuam a cih uh Lampi thu bangin ka pute ka pate’ Pasian ka bia hi ci-in kong pulak hi. Thukham lai leh Pasian’ kamsangte’ Lai Siangtho sungah a kigelh khempeuhte ka um hi.

Tedim Bible Revision 2017

¹⁴ Ahi zongin nangma kiangah kong pulak nop thu in: Amaute in man lo hi, a cih uh tua Thu zui-in koteʼ pu le pateʼ Pasian ka bia hi. Mosesʼ Thukham laibu sunga a kigelh thu khempeuh le kamsangteʼ laibu sunga a kigelh khempeuh zong ka um hi.

Sawltak 24:14 Referans Kwoze

Sawltak 9:2

hih Lampi a zui numeite ahi zongin, pasalte ahi zongin a muh ciangin, khau tawh a khih khit ciangin Jerusalem khua-ah paipih dingin Damaskas khua kikhopna inn ukte kiangah vaikhakna lai piak nading siampi ukpa kiangah a ngen hi.

ROM (Romans) 3:21

Tu-in Thukhamna leh kamsangte in teci a pan’ uh mah bangin, thukham loin Zeisu Khazih sungah thu-um mite khempeuh tungah upna hangin hong tung Pasian’ dikna kilang hi.

Sawltak 28:23

Kimuh nading ni a seh uh ciangin mi tampite in Paul’ omna-ah hong pai uh a, Paul in Pasian’ Gam thu teci pang a, tuate in Zeisu thu a up nadingun Moses’ Thukham lai leh Pasian’ kamsangte lai paulamin thu hilhin, zingsang akipan nitum dongin a zol hi.

Sawltak 3:13

Abraham, Isaak leh Jakob’ Pasian, i pu i pate’ Pasian in ama Sila Zeisu a min thangsak zo hi. Note in tua Topa pen gam vaihawmte tungah pia-in, Pilat in khah ding a sawm hangin ama maitang ah tua pa na nial uh hi.

Sawltak 26:22

Tua ahih ciangin Pasian kiang panin huhna ka ngah khit ciangin tuni dongin ka om a,

Sawltak 24:5

Bang hang hiam na cih leh, Nazareth mipawl ukpa ahi, leitung mun khempeuh ah Judah mi khempeuh misuam dingin a hansuah, hih mi gilo kote’n ka mu zo uh hi.

2 TIMOTI NIHNA 1:3

Keimah in na khitui luang phawk kikin, ka lungdamna a kicin’ nadingin nangmah kong mu nuam a, na pi Lois leh na nu Eunis sungah a masa-in kip-a, a om upna ahi zongin, ka lungkim mah bangin nangma sungah kiphatsakna hi loin a om upna ahi zongin ka phawk a, sun tawh zan tawh thu ka nget ciangin, nangmah hong mangngilh loin hong ngaihsunin, ka pute ka pate in a biak uh bangin ka lungsim kisuan’na om lo siangthona tawh ka biak Pasian’ hehpihna ka phat hi.

Sawltak 26:27

Kumpipa Agrippa aw, nang in kamsangte thu um na hi hiam? Na um cih ka thei hi,” a ci hi.

Mangmuhna 19:10

kei in tua vantungmi’ khe kiangah bokin bia dingin ka kisak leh, amah in, “Kei hong bia kei in! Kei in nang tawh ahi zongin, Zeisu’ teci pan’na a sang na sanggamte tawh ahi zongin sila ka hi khawm hi, Pasian bia in! Bang hang hiam na cih leh, Zeisu’ teci pan’na thu in kamsangte lungsim ahi hi,” ci-in kei kiangah hong gen hi.

1 PETER MASA 1:11

Khazih’ thuak gimnate ahi zongin, tua gimna a thuak khit ciangin a kilang ding minthan’na ahi zongin, amaute sungah a om Khazih’ Kha Siangtho in teci a pan’ kholh ciangin a bang ci, a bang hun a cihnopna ci-in a zong uh hi.

Titu 3:10

Thu nial a, kikhenthang mi, khatvei, nihvei bang taai-in na hilh khit ciangin,

Galati 5:20

milim biakna, mibumna, kitot na’ng bawlna, kitotna, kidemna, hehna, kiseelna, kithutuah lohna, kipawl khenna

1 KORIN MASA 11:19

Note lakah miphate a kilat nadingin pawlpi sungah kikhenna a om ding hi.

Sawltak 26:6

Tu-in Pasian in i pute i pate kiangah a piak thu kiciamna lametna hanginah thukhenna thuakin ka om hi.

Sawltak 24:22

Mangpipa in, “Galkap mangpa Lisias hong paisuk ciangin note ka hong dong ding hi,” ci-in tua Lampi thu thei zo ahih ciangin thu khen loin, amaute a khahkhia hi.

Sawltak 22:14

Amah in zong, ‘I pu i pate’ Pasian in ama deihna na theih ding ahi zongin, ama Mi Siangtho na muh ding ahi zongin, ama kam sung pan aw na zak ding ahi zongin, nangmah hong koih zo hi.

Sawltak 19:9

Mi kimkhat in lungkhauh a, um loin a om uh a, Lampi thu mite mai-ah a kosia uh ahih ciangin Paul in amaute kiang pan paikhia a, nungzuite atuamin a khen khit ciangin Tirannas laihilhna sanginn ah ni simin thu a kikum uh hi.

Sawltak 13:15

Thukhamna Lai leh Pasian’ kamsangte’ lai a sim khit ciangin kikhopna inn ukpa in amaute kiangah paisakin, “Ute naute aw, mite thu hilh ding na neih uh leh, thu hong gen un,” a ci hi.

Sawltak 10:43

Amah a um mi khempeuh in ama min hangin mawhna maisakna a ngah ding hi ci-in Pasian’ kamsangte khempeuh in teci a pang zo uh hi,” ci-in thu a hilh hi.

Sawltak 7:32

A en cian dinga a naih ciangin, ‘Keimah in na pute na pate’ Pasian, Abraham’ Pasian, Isaak’ Pasian, Jakob’ Pasian ka hi hi,’ ci-in Topa’ aw a za hi. Tua lai takin Moses liingin a en ngam kei hi.

Sawltak 5:30

Note in singlamteh tungah khai-in na thah uh Zeisu, i pu i pate’ Pasian in hong thokiksak zo hi.

Johan 1:45

Filip in Nathanael zong a, “Moses in Pasian’ Thukhamna Lai Siangtho sung leh kamsangte in lai sungah a gelhkholhsa Nazareth mi Josef’ tapa Zeisu ka mu zo uh hi,” a ci hi.

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

Luka 24:27

Moses leh kamsangte khempeuh pan akipan, Lai Siangtho sungah amah a cihnopna thute tel takin a hilh hi.

Luka 16:29

Abraham in, ‘Amaute in Moses leh Pasian’ kamsangte a nei uh hi.

Luka 16:16

‘Johan hong pai dongin Pasian’ Thukham leh Pasian’ kamsangte thu akipanin Pasian’ Gam Lungdamna Thu kihilh a, mi khempeuh in tua gam sungah zawhthawh bawlin a lut nuam uh hi.

Luka 1:70

Eite in i galte’ khut sung pan i kikhahkhiat khit ciangin, Ama mai-ah i khan’ tawntung sian’thona leh thumanna in,

Mattiu 22:40

Hih thukham nih in, Thukhamna khempeuh leh Pasian’ kamsangte thuhilhna khempeuh a meen’na bulpi hi,” a ci hi.

Mattiu 10:32

“Mite mai-ah kei hong mang hong ngai peuhmah, vantungah ka Pa mai-ah zong ka ngai ding hi.

Mattiu 7:12

Tua ahih ciangin, nang tungah hong kibawl ding na deih bangin, midangte tungah na bawl in. Hih thu in Pasian’ Thukham leh Pasian’ kamsangte thu sung pan a bulpi ahi hi.”

Micah 4:2

Minam tampite hong pai-in, “Jakob’ Pasian’ biakinn, Topa’ mualah va paito ni. Tua lai-ah ama deihna hong hilh ding a, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong ging khia a, Jerusalem panin Topa’ thu hong pai khia hi.

Amos 8:14

Samariah milim pasian Ashimah min tawh kiciam a, ‘Dan khuapi pasian a nungta ahih mah bangin,’ a ci mite leh ‘Beersheba khuapi pasian a nungta ahih mah bangin,’ a ci mite pukin thokik nawn lo ding uh hi,” ci hi.

Late 119:46

Kumpite’ mai-ah nangma thute ka gen ding a, maizumna ka thuak kei ding hi;

1 KHANG TANGTHU MASATE 29:18

Ka pute uh Abraham, Isaak, leh Israel Pasian, Topa aw, na mite’ lungsim sungah tua bang ngimnate leh ngaihsutnate omsak tawntung in la, amaute’ lungsim nangma lamah kai in.

Paikhiatna 3:15

Pasian in zong Moses' kiangah, “'Hih thu Israel mihingte' tungah gen in, "Topa, na pate’ Pasian, Abraham’ Pasian, Isaak’ Pasian, leh Jokob’ Pasian in note' kiangah kei hong sawl hi," ci in: hih in keima' min hi tawntung a, tua ahih manin keimah in khang tawntunga phawk ding ka hi hi.

Sawltak 19:23

Tua lai takin Lampi thu hangin thusia a piang hi.

Sawltak 15:5

Farisai pawl lakah a um kimkhat in a ding uh a, “Gentailte in vun at a, Moses’ Thukham a zuih na’ng uh thu hilh ding a kilawm hi,” a ci uh hi.

Sawltak 25:8

Paul in, “Keimah in Judah ngeina Thukham ahi zongin amau biakna innpi tungah ahi zongin, Kaisar Kumpipa tungah ahi zongin ka khial kei hi,” a ci hi.

Sawltak 26:4

“Jerusalem khua sungah ka mipawlte lakah ka om lai takin, ka neu lai pan akipan ka omzia leh ka hihnate Judah mi khempeuh in a thei uh hi.

Sawltak 28:22

Ahih hangin hih biakna in gam khempeuh ah kosiatna a thuak cih thei ka hih manun, na upna thu nangma kiang pan ka ngai nuam uh hi,” a ci uh hi.

ROM (Romans) 1:9

Keimah in thu ka nget ciangin, note thu tawh zomin thu ka ngen niloh hi ci-in a Tapa’ Lungdamna Thu hilhin ka lungsim sungah a na ka sep Pasian in keima lamah teci ahi hi.