Sawltak 24:12 - Tedim Bible

¹² Biakna innpi sungah kuamah tawh ka kinialna hong mu kei uh hi. Kikhopna inn sung ahi zongin, khua sung ahi zongin, mihonpite ka hansuahna amaute in hong mu kei uh hi.

Tedim Bible Revision 2017

¹² Biakinn sung ahi a, kikhopna inn sung ahi a, khua sung mun khat peuhpeuh ah ahi zongin mi khat peuhpeuh tawh ka kitotna ahi a, mihon in thusia a bawl nadingin ka hanthotna ahi zongin, hih Jew mite in hong mu het lo ding uh hi.

Sawltak 24:12 Referans Kwoze

Sawltak 25:8

Paul in, “Keimah in Judah ngeina Thukham ahi zongin amau biakna innpi tungah ahi zongin, Kaisar Kumpipa tungah ahi zongin ka khial kei hi,” a ci hi.

Sawltak 28:17

Ni thum khit ciangin Paul in Judah mi upate a kikhopsak khit ciangin, “Ute naute aw, kei in Judah mite tung ahi zongin, i pute i pate’ ngeina tung ahi zongin, ka khial lo napi-in, Jerusalem khua mite in hong man uh a, Rom mite’ khut sungah hong pia uh hi.

Sawltak 24:18

Tua hehpihna ka piak lai takin biakna innpi sungah mi kikhawm lo, gamlum lo, siangtho takin ka bawl Asia gam panin a hong pai Judah mi kimkhatte in hong mu uh hi.

Sawltak 24:5

Bang hang hiam na cih leh, Nazareth mipawl ukpa ahi, leitung mun khempeuh ah Judah mi khempeuh misuam dingin a hansuah, hih mi gilo kote’n ka mu zo uh hi.

Marka 9:14

A nungzuite omna-ah a tun’ uh ciangin, mi tampite in amaute uum uh a, laitheite in amaute tawh thu kikum kidongin a om uh a mu hi.

Johan 18:21

Bang dingin kei hong dong na hi hiam? Ka thu hong zate kiangah bang thu ka gen cih na dong in. Ka thugenna amaute in a thei ding uh hi,” ci-in a dawng hi.