Sawltak 23:3 - Tedim Bible

³ Tua ciangin Paul in, “Leikang tawh kizut suangcian’ aw, Pasian in nang hong sat ding hi. Nang in Thukham tawh kei tungah thukhen dingin na tu napi-in, Thukham tawh kibang loin hong sat ding thu na pia hiam?” a ci hi.

Tedim Bible Revision 2017

³ Paul in, “Leikang tawh a kizut kulh tawh a kibang pa aw, Pasian in nang hong beeng gawp taktak ding hi. Keimah thusitna ah Thukham a zui ding pa hi napi-in Thukham zui loin kei hong kibet nadingin thu na pia hi,” a ci hi.

Sawltak 23:3 Referans Kwoze

Johan 7:51

“Eite Thukhamna in mi thu za a, a gamtatna thu a theih ma-in a thu khen thei hiam?” a ci hi.

Amos 5:7

Thutang lumletin thuman mite lei a den’na, note’ adingin bangzahin nasia ding ahi hiam?

Thuhilh-sia 3:16

Tua tham loin, hih leitungah gitlohna in thuman thutang a suankhiatna zong ka mu hi.

Late 94:20

Sih nadinga ngeina a bawl, a gilo gam ukte, nang tawh kipawl thei ding ahi hiam?

Siampi Laibu 19:35

“Note in thukhenna, asau tehna, agik tehna, atam tehnate ah a man loin na gamta kei ding uh hi.

Siampi Laibu 19:15

“Note in thukhenna ah thuman lo na hih kei ding uh hi; note in mizawngte langgen loin, a liante thu zui loin, thumanna tawh na vengte thu na khen ding uh hi.

Johan 18:24

Tua ciangin Annas in siampi ukpa Kai-afas kiangah kihensa-in Zeisu a paisak hi.

1 KUMPI MASATE 22:24

Tua ciangin Khena-anah’ tapa Zedekiah a nai-ah hong pai-in Mikaiah a paang bengin, “Nang tungah thu a gen dingin keima tung panin Topa’ Kha hong bangci pai hiam?” a ci hi.

Sawltak 23:4

A kiangah a ding mite in zong, “Nang in Pasian’ siampi mangpa zahko na hi hiam?” a cih uh ciangin,