Sawltak 23:21 - Tedim Bible

²¹ Tua ahih ciangin amau deihna bangin zui kei in. Bang hang hiam na cih leh, Paul a thah khit matengun an ne lo, tui dawn lo ding ci-in a kiciam mi sawmli val lampi gei-ah a ding uh hi. Tu-in tuate in amau thu na man’ ding a ngak uh hi,” a ci hi.

Tedim Bible Revision 2017

²¹ Ahi zongin lamkal ah Paul a pangsim dingin mihing sawm li val bang om uh ahih manin amauteʼ hong ngetna pia kei in. Tua mihing sawm lite in Paul a thah khit mateng uh anletui a nek loh nadingun kiciamna khat bawl khin uh hi. Amaute a kithawi sa-in om uh a, nangma thupiak ding bek a ngak uh ahi hi,” a ci hi.

Sawltak 23:21 Referans Kwoze

2 KORIN NIHNA 11:26

Tam veipi thuhilhin ka zin hi, gun galkah kihtakna, mi suamte kihtakna, ka mi pawlte’ hong bawlsiatna launa, Gentailte’ bawlsiatna launa, khuapi sungah a tung launa, gam lakah a tung launa, tuipi launa, u leh nau banga kibawl mite’ bawlsiatna launa, hih gimna khempeuh ka thuak zo hi.

ROM (Romans) 9:3

Bang hang hiam na cih uh leh, ci leh sa lamsang ah ka pawl ahi ka u ka naute tang ding Khazih tawh kikhenin hamsiatna thuak dingin lungsim ka nei hi.

Sawltak 25:3

Lampi-ah bukin thah ding a vaihawm uh a, Jerusalem khua-ah a paisak nadingin a thuum uh hi.

Sawltak 20:19

Lungsim kiniamsakin, khitui luangin Judah mite’ hanciamna hoih lo bawlsiatna thuakin, Topa’ na ka sem hi.

Paikhiatna 23:2

Siatna bawl dingin mihon na zui kei ding uh hi; thutang a heikhia dingin mi honpi' nungah kihei-in thu neihna-ah teci na pang kei ding uh hi;

Luka 11:54

ama kam pan mat nading a pang uh a, kam tampi a gen nadingin thu tampi a dong kawikawi uh hi.

Sawltak 23:22

Tua ahih ciangin galkap mangpa in, “Nang in kei kiangah hih thu nong gen kuamah na gen kei in,” ci-in tangvalpa thu pia-in a khah hi.