Sawltak 23:18 - Tedim Bible

¹⁸ Galkap bupa in tangvalpa pen galkap mangpa kiangah paipih a, “A kikhum Paul in kei hong sam a, ‘Mangpa kiangah koh nop a nei hih tangvalpa nang kiangah va paipih in,’ hong ci hi,” a ci hi.

Tedim Bible Revision 2017

¹⁸ Galkap bupa in zong galkap mangpa kiangah va paipih a, “Hih tangvalpa in nang tungah gen nop khat hong nei ahih manin nang kiangah kong paipih nadingin thong kia Paul in a hong sawl hi,” a ci hi.

Sawltak 23:18 Referans Kwoze

Efesa 3:1

Tua thu hangin note phattuam nadingin ngaihsunin, keimah a hong piak Pasian’ hehpihna thupha note in na zak uh leh, Gentail mi ahi note hangin Khazih Zeisu’ thongkiapa kei Paul in,

Efesa 4:1

Tua ahih ciangin a hong sapna thupha note in na ngah uh tawh kituakin na zuih nadingun, Topa hanga thongkia keimah in hansuahin kong zol hi.

Sawltak 28:17

Ni thum khit ciangin Paul in Judah mi upate a kikhopsak khit ciangin, “Ute naute aw, kei in Judah mite tung ahi zongin, i pute i pate’ ngeina tung ahi zongin, ka khial lo napi-in, Jerusalem khua mite in hong man uh a, Rom mite’ khut sungah hong pia uh hi.

Sawltak 27:1

Italy gam teembaw-ah tuangin ka pai ding uh a kitel khit ciangin, Julias min nei Augustus pawl galkap mangpa’ khut tungah Paul leh thong sunga kikhum midangte a pai uh hi.

Sawltak 16:25

Zan kim lai takin Paul leh Silas in thungenin Pasian’ min phatna la a sa uh a, thongkia mite in a ngaih lai takun,

Luka 7:40

Zeisu in zong, “Simon aw, nangma kiangah kong gen ding khat a om hi,” a cih ciangin amah in, “Sia aw, hong gen in,” a ci hi.

Johan 18:12

Tua lai takin galkapte akipan galkap mangpa leh Judah upa nasemte in Zeisu a man uh a; khau tawh a hen khit uh ciangin,

Sawltak 23:17

Paul in galkap khat sam a, “Hih tangval galkap mangpa kiangah va kha in. Bang hang hiam na cih leh, thugen ding khat a nei hi,” a ci hi.

Sawltak 23:19

Galkap mangpa in tangvalpa’ khut lenin, a kilang lona-ah paipih a, “Bang thu hong ko nuam na hi hiam? ci-in a dong sim hi.