Sawltak 23:16 - Tedim Bible

¹⁶ Paul’ sanggamnu’ tapa in tuate lampi kiangah pangin a om uh cih a theih ciangin, galkap inn sungah lut a, Paul kiangah a zasak hi.

Tedim Bible Revision 2017

¹⁶ Ahi zongin hih a thahsawmna thu uh, Paul sanggamnuʼ tapa in za ahih manin galkap inn ah va pai-in Paul kiangah a va gen hi.

Sawltak 23:16 Referans Kwoze

Sawltak 23:10

Kiseelna a tam ciangin amaute in Paul a sukgawp khak ding uh galkap mangpa lunghimawh ahih ciangin, galkapte paisakin Paul amaute lak pan zawhthawh thu-in la a, galkap innah a paipih dingun a sawl hi.

1 KORIN MASA 3:19

Bang hang hiam na cih uh leh, leitungmi’ pilna in Pasian mai-ah haina ahi hi. Bang hang hiam na cih uh leh, Lai Siangtho sungah, “Pasian in mi pilte amaute’ zuauthu tawh a man hi,” ci-in a kigelh hi.

Sawltak 23:32

A zing ciangin sakol galkapte in Paul paipih uh a, galkapte a ciah uh hi.

Sawltak 21:34

Mi kimkhat in kam khat a kiko uh hi, kimkhat in kam khat a kiko uh hi. Mangpa in gamlumna hangin a tel takpi-in thei zo lo ahih ciangin galkap innah Paul a kipaipih nading thu a pia hi.

Kah la 3:37

Topa deihna bang bekin na khempeuh a piang hi.

Paunak 21:30

Pilna, theihna, thugennate in, Topa’ mai-ah bangmah man lo hi.

JOB (Job) 5:13

Amah in migilote amau’ gitlohna mah-ah awk sak a, ngian a zangte’ geelna lumlet sak hi.

2 SAMUEL NIHNA 17:17

Tu-in Jonathan leh Ahima-az in Enrogel-ah ngak uh hi; nasem numei khat pai-in amaute kiangah genin, amaute pai-in Kumpi David kiangah gen zel uh hi; bang hiam cih leh amaute khuapi sungah a lut uh a kimu lo ding ahi hi.

Sawltak 21:37

Paul in galkap’ inn sungah a tum lai takin, “Kam khat kong gen thei ding hiam?” ci-in galkap mangpa kiangah a dot ciangin, “Nang Grik pau siam na hi hiam?

Sawltak 23:17

Paul in galkap khat sam a, “Hih tangval galkap mangpa kiangah va kha in. Bang hang hiam na cih leh, thugen ding khat a nei hi,” a ci hi.

Sawltak 24:23

“Paul thong sungah khum loin, kicingin om hen. Ama lawmte in ama kiangah pai-in, an a piak nop uh leh, na kham kei un,” ci-in galkap bupa kiangah a vaikhak hi.

Paunak 24:15

Migilote’ gamtat bangin, thuman mite’ omna sugawp kei in la, amau’ teen’na inn luhgawp kei in.