Sawltak 23:1 - Tedim Bible

¹ Paul in upate a tel takpi-in en a, “Ute naute aw, tuni dongin Pasian mai-ah keimah pumpi ka kimawhsak nading om loin ka om hi,” a cih ciangin

Tedim Bible Revision 2017

¹ Paul in ulian kikhawmte limtakin enin, “Lawmte aw, tu ni ciang dong ka nuntak sung tawntung, Pasian mai ah kisuanna ka nei het kei hi,” a cih leh

Sawltak 23:1 Referans Kwoze

Sawltak 24:16

Tua ahih ciangin Pasian tungah ahi zongin, mite tungah ahi zongin, ka lungsim sungah kimawhsakna a om lohna dingin, a tawntungin ka hahkat hi.

2 TIMOTI NIHNA 1:3

Keimah in na khitui luang phawk kikin, ka lungdamna a kicin’ nadingin nangmah kong mu nuam a, na pi Lois leh na nu Eunis sungah a masa-in kip-a, a om upna ahi zongin, ka lungkim mah bangin nangma sungah kiphatsakna hi loin a om upna ahi zongin ka phawk a, sun tawh zan tawh thu ka nget ciangin, nangmah hong mangngilh loin hong ngaihsunin, ka pute ka pate in a biak uh bangin ka lungsim kisuan’na om lo siangthona tawh ka biak Pasian’ hehpihna ka phat hi.

2 KORIN NIHNA 1:12

Kote kisaktheihna in leitung pilna suang loin, Pasian’ hehpihna thupha suangin Pasian hong piak lungsim siangthona leh dikna tawh, a lian belin gen lehang, kote in note lakah ahi zongin, leitungah ahi zongin gamta-in ka bawl uh hi ci-in ka theihna lungsim un teci hong pang hi.

Hebru 13:18

Kote ading thu hong ngetsak un. Bang hang na cih uh leh, kote in komau pumpi theihna lungsim a pha nei-in, na khempeuh ah a hoihin gamtat nadingin a deih mi ka hi uh hi ci-in ka lungkim uh hi.

1 KORIN MASA 4:4

Bang hang hiam na cih uh leh, mawhsak nadingin ka pumpi tungah bangmah ka mu kei hi. Ahi zongin tua thu hangin kei in thukhenna tawh kipelh mi ka hi kei hi. Kei thu hong khen mi in Topa ahi hi.

Sawltak 22:5

Hih thu ah siampi liante leh upate khempeuh in kei lamah teci ahi uh hi. Amaute kiang panin zong ute naute kiangah vaikhakna lai ka ngah khit ciangin Damaskas khua-ah a omte zong daantat dingin, henin, Jerusalem khua-ah paipih dingin ka pai hi.

2 KORIN NIHNA 4:2

Zumhuaina tawh kipawl a kiseel nate ka paaikhia zo uh hi. Kikheemna zang loin Pasian’ thu im loin, lumlet loin, thuman a tel takin hilhin Pasian mai-ah mi khempeuh in a kitheihna lungsim tawh hong phat nading phathuaina ka gamta uh hi.

Sawltak 23:6

Upa kimkhat Farisai-te, kimkhat Saddusi-te ahih uh Paul in a theih ciangin, “Ute naute aw, Farisai mi ka hi hi. Farisai’ ta ka hi hi. Mi sisate hong thokik ding hi ci-in ka lamet hangin thu dotna ka thuak hi,” ci-in upate kiangah a ko hi.

Paunak 28:1

Kuama delh lopi-in migilote taimang a, mi thumante ahih leh humpinelkai bangin hang uh hi.

1 PETER MASA 3:16

Khazih-ah note gamtat hoih uh a simmawhte in hong kosiat ciangin, note pumpi uh a maizum loh nadingun note lungsim kisuan’na om lo, siangtho-in na om un.

Sawltak 22:30

A zing ciangin bang hangin Judah mite in Paul a mawhsak uh hiam cih galkap mangpa in tel takpi thei nuamin Paul khahkhia a, siampi liante leh upate a kikhopsak khit ciangin paipihsuk a, amaute mai-ah a koih hi.

Sawltak 6:15

Vaihawmna sungah a tu mi khempeuh in Stefen a tel takpi a et uh ciangin ama maitang in vantungmi’ maitang tawh a kibat lam a mu uh hi.

Sawltak 22:1

“Ute naute leh pate aw, tu-ni ka mawhna kiphelh nading kong genna thu hong ngai ta un,” a ci hi.

Mattiu 5:22

Ke’n kong cih-inah, a sanggamte tungah a hehte khempeuh in zum innah thukhenna a thuak ding uh hi. A sanggam a gensiate in upa vaihawmna pan thukhenna a thuak ding uh hi. A sanggam a phuisamte in meikuang sungah kikhulna a thuak ding uh hi.

Sawltak 23:15

Tua ahih ciangin note in upa vaihawmte tawh Paul thu a pha takpi khen ding bangin a hong paipihsuk nadingun galkap mangpa kiangah na ngen un. Paul in note kiangah hong tun’ ma-in lam kalah that dingin ka omkhol ding uh hi,” ci-in a gen uh hi.

Sawltak 23:20

Tangvalpa in, “Zing ciangin upa kikhopna-ah Paul hong paipihsuk a, Judah mite in ama thu tel takin a dong ding bangin, nang kiangah hong ngen dingin a vaihawm zo uh hi.

Sawltak 23:28

Amaute in bang hangin a mawhsak uh hiam cih ka thei nuam a, amaute upa vaihawmte kiangah ka paipihsuk hi.