Sawltak 22:6 - Tedim Bible

⁶ “Lampi ka pai lai takin Damaskas khua ka naih ciangin, sun lai takin vantung panin khuavak a taang mahmah ka kimkot ah thakhatin hong taang hi.

Tedim Bible Revision 2017

⁶ “Damaskas khua a zuan dingin pai-in ka tun dektak sunkim pawl laitakin, thakhat thu-in van panin ka kimkot hong taangzaih hi.

Sawltak 22:6 Referans Kwoze

Mangmuhna 1:16

A khut tak lamah aksi sagih a tawi hi. A kam sungpan a lang nih a hiam namsau a pusuak hi. A maitang meel in a tang pha mahmah ni tawh kibang hi.

Mattiu 17:2

amaute mai-ah a meel kilamdang a, a maitang ni bang tang a, a puan in khuavak tawh kibangin a ngo hi.

Isaiah 24:23

Tua ciangin khapi mial ding a, ni taang nawn lo ding hi; bang hang hiam cih leh Vanglianpen Topa in Zion Mual tung leh Jerusalem khua sungah uk ding a, ama upate’ mai-ah ama minthan’na kilangsak ding hi.

2 SAMUEL NIHNA 8:6

Tua ciangin David in Damaskas gam Aram ah khuacingte koih hi; Siria mite David’ nasem suak uh a, siah puak uh hi. Topa in David a paina peuhpeuh ah gualzawhna pia hi.

Piancilna 15:2

Ahih hangin Abram in, “Topa PASIAN aw, bang hong pia ding na hi hiam? Ta nei loin ka om lai hi, ka inn a luah dingpa in Damaskas mi Eliezer ahi hi.

Piancilna 14:15

Amah in amaute do dingin zan hunin ama' pawlte, amah leh a nasemte khenin amaute zo a, Damaskas leilu lam Hobah ciang dong delh uh hi.

Sawltak 22:7

Lei tungah ka puk ciangin, ‘Saul aw, Saul aw, bang hangin kei hong bawlsia na hi hiam?’ ci-in hong ci aw ka za hi.

Sawltak 23:9

Tua ciangin gamlumna piang a, Farisai-te laka laitheite kimkhat ding-in nakpi-in a nial uh a, “Hih pa tungah bangmah mawhna ka mu kei uh hi. Kha ahi zongin, vantungmi ahi zongin ama kiangah a gen leh, bang phamawh ahi hiam?” a ci uh hi.

1 KORIN MASA 15:8

A nunung belin a hun cing lopi-a suak keima kiangah hong kilang hi.