Sawltak 22:5 - Tedim Bible

⁵ Hih thu ah siampi liante leh upate khempeuh in kei lamah teci ahi uh hi. Amaute kiang panin zong ute naute kiangah vaikhakna lai ka ngah khit ciangin Damaskas khua-ah a omte zong daantat dingin, henin, Jerusalem khua-ah paipih dingin ka pai hi.

Tedim Bible Revision 2017

⁵ Hih ka thugente a man ahihna thu, siampi lianpen pa le upa khempeuh in hong gen thei ding uh hi. Damaskas khua-a om i Jew mipihte ka lah dingin amaute in lai hong pia uh ahih manin, upate in gim a piak theih nadingun tua khua-a om thu um mite manin sikkhau khihin Jerusalem khua ah a ciahpih dingin ka va pai hi.

Sawltak 22:5 Referans Kwoze

Luka 22:66

Khua a vak ciangin mite lakah upate, siampi liante leh laitheite kikhawm uh a, Zeisu amau zumah a paipih uh hi.

Sawltak 5:21

Amaute in tua thu a zak uh ciangin a zingsang tungin biakna innpi sungah a lut uh a, thu a hilh uh hi. Pasian’ siampi ukpa leh amah tawh kipawlte hong pai uh a, upa vaihawmte akipan Israel upate khempeuh a kikhopsak khit uh ciangin, sawltakte hong paipih dingin thong sungah mi a sawl uh hi.

1 TIMOTI MASA 4:14

Genkholhna tawh, pawlpi upate’ khutngakna tawh nang hong kipia thupha letsong zang loin om kei in.

Sawltak 28:21

Tua mite in “Nang thu zaksakna lai Judah gam panin ka ngah kei uh hi. Tua gam pan a hong tung a, nangmah hong mawhsak ute naute kuamah a om kei hi.

Sawltak 26:12

“Tua ahih ciangin siampi liante thupiakna leh lai pua-in Damaskas khua lampi ka pai lai takin,

Sawltak 26:10

Jerusalem khua-ah tua bangin ka hih zo hi. Siampi liante kiang pan thu ka ngah khit ciangin misiangthote thong sungah ka khia hi. Amaute in sihna a thuak uh ciangin ka thukim hi.

Sawltak 22:1

“Ute naute leh pate aw, tu-ni ka mawhna kiphelh nading kong genna thu hong ngai ta un,” a ci hi.

Sawltak 13:26

“Abraham’ suan akipan ute naute leh no lakah Pasian a kihtate aw, hih gupna thu eite kiangah hong khak zo hi.

Sawltak 9:14

Hi san takah zong na min tawh thungen khempeuh khau tawh hen nadingin siampi liante kiangah thu a ngah hi,” a ci hi.

Sawltak 4:5

A zingsang ciangin amaute ukte, laitheite, siampi ukpa Annas, Kai-afas, Johan Alekzander akipan siampi ukpa’ suante khempeuh tawh Jerusalem khua-ah a kikhawm uh hi.

Sawltak 1:15

Tua lai takin mi za leh sawmnihte a kikhop lai takun, Piter in amau laizang ah ding-a

Sawltak 2:29

“Ute naute aw, pian’na pu David thu a tel takin note kiangah kong gen-inah, tua David si a, a kivuina han in tuni dongin eite kiangah a om hi.

Sawltak 3:17

“Tu-in ute naute aw, note akipan no hong ukte in thei loin ahih uh ka thei hi.

Sawltak 23:1

Paul in upate a tel takpi-in en a, “Ute naute aw, tuni dongin Pasian mai-ah keimah pumpi ka kimawhsak nading om loin ka om hi,” a cih ciangin

Sawltak 23:6

Upa kimkhat Farisai-te, kimkhat Saddusi-te ahih uh Paul in a theih ciangin, “Ute naute aw, Farisai mi ka hi hi. Farisai’ ta ka hi hi. Mi sisate hong thokik ding hi ci-in ka lamet hangin thu dotna ka thuak hi,” ci-in upate kiangah a ko hi.

Sawltak 26:11

Mite in Pasian tungah a pau khialh nadingin thatang hat thu-in hanciamin, kikhopna inn khat pan khat ah tamveipi ka pai hi. Nakpi-in ka heh maninah gamdangte khua dongin amaute ka bawlsia hi.

Sawltak 28:17

Ni thum khit ciangin Paul in Judah mi upate a kikhopsak khit ciangin, “Ute naute aw, kei in Judah mite tung ahi zongin, i pute i pate’ ngeina tung ahi zongin, ka khial lo napi-in, Jerusalem khua mite in hong man uh a, Rom mite’ khut sungah hong pia uh hi.

Galati 1:13

Bang hang hiam na cih uh leh, nidang lai-in Judah ngeina zui-in ka om a, ka gamtat ahi Pasian’ pawlpi a kigen thei loin ka bawlsiat a, ka sukgawp thu ahi zongin,

Filippi 3:6

Lungsim khauhna pan ci leeng pawlpi bawlsiapa ka hi hi. Thukham hangin kingah dikna lam pan ci leeng mawhsak nading om lo mi ka hi hi.