Sawltak 22:25 - Tedim Bible

²⁵ Amaute in Paul savun khau tawh a hen khit uh ciangin Paul in a kiangah a ding bupa kiangah, “Thukhenna thuak loin Rom mi sat ding a kilawm hiam?” ci-in a dong hi.

Tedim Bible Revision 2017

²⁵ Amaute in sat dingin a hen khit uh ciangin Paul in a gei-a ding galkap bupa kiangah, “Khial hi, ci-in thu nangawn a kisit nai lo Rom mi khat na sat ding uh ngeina ahi hiam?” a ci hi.

Sawltak 22:25 Referans Kwoze

Sawltak 16:37

Ahih hangin Paul in, “Rom mi ahi kote thukhen loin a kilangin a hong sat khit uh ciangin, thong sungah a hong khum zo uh hi. Tu-in hong khahkhia sim ding ahi uh hiam? Hi lo hi! Amaute hong pai hen la, a kilangin komau hong lakhia uh hen,” ci-in palik bute kiangah a gen hi.

Sawltak 25:16

keimah in zong, ‘Mawhsakna a thuak mi in a mawhsak mite tawh kimaituah sak a, a tungah a koih mawhna a phelna thu a gen khit matengin kuamah kiangah piak ding Rom ngeina ahi kei hi,’ ci-in ka gen hi.

Sawltak 27:43

Ahih hangin galkap mangpa in Paul a suahtaksak nop maninah galkapte’ hihna kham a, “Tui peek siamte in peek masa uh a, lei tungah a tung masa ding uh hi.

Sawltak 23:17

Paul in galkap khat sam a, “Hih tangval galkap mangpa kiangah va kha in. Bang hang hiam na cih leh, thugen ding khat a nei hi,” a ci hi.

Sawltak 27:3

A zing ciangin Sidon khua ka tun’ uh ciangin, ama lawmte kiangah pai-in an vakna a ngah theih nadingin Julias in Paul hehpihin thu a pia hi.

Sawltak 27:1

Italy gam teembaw-ah tuangin ka pai ding uh a kitel khit ciangin, Julias min nei Augustus pawl galkap mangpa’ khut tungah Paul leh thong sunga kikhum midangte a pai uh hi.

Sawltak 10:1

Kaisaria khua-ah Italy kici galkap kuan khat a uk, galkapbu Kornelias kici mi khat a om hi.

Mattiu 27:54

Zeisu a cing galkap mangpa akipan amah tawh a omkhawmte in ziin liing a muh uh ciangin lau mahmah uh a, “Hih pa in Pasian’ Tapa taktak ahi hi,” a ci uh hi.

Mattiu 8:8

Galkap mangpa in, “Topa aw, keima inn khum nuaiah nong lut dingin ka kilawm kei hi. Na kam bekin thupia lecin zong ka nasempa a dam ding hi.

Mattiu 10:17

Mite na kikeem un. Bang hang hiam na cih uh leh, amau in upa vaihawmte thukhenna inn sungah kikhopna inn sungah note hong sat ding uh hi.

Sawltak 22:26

Galkap bupa in tua thu a zak ciangin galkap mangpa kiangah pai a, “Bang na cih ding hiam? Hih mi in Rom mi ahi hi,” a ci hi.

Sawltak 23:27

Judah mite in hih pa a man uh a, a that ding a kisak lai takun, amah in Rom mi ahih thu ka theih ciangin galkapte tawh pai-in, amah ka honkhia hi.