Sawltak 22:22 - Tedim Bible

²² Hih thute a gen khit dongin amaute in a ngai uh hi. Tua ciangin, “Hih bang mipa, leitung pan paaikhia mang un’. Amah a hing dingin a kilawm kei hi!” ci-in nakpi-in a kiko uh hi.

Tedim Bible Revision 2017

²² Paul in Gentail mite kiang a pai nading thu a gen matengin mite in limtakin a ngai uh hi. Ahi zongin tu-a thu a pulak ciangin a aw neihzah uh tawh mite kiko-in, “Leitungah hih bang mi omsak kei un! That un! A hing dingin kilawm lo!” ci-in a awng uh hi.

Sawltak 22:22 Referans Kwoze

Sawltak 25:24

Festas in, “Kumpipa Agrippa akipan kote tawh a omkhawm mite aw, hih pa na mu uh hi. Jerusalem khua leh hi lai-ah Judah mite khempeuh in ama thu kei hong ko uh a, ‘Amah in tomkha nangawn nungta ding a kilawm kei hi,’ hong ci uh hi.

Sawltak 21:36

Bang hang hiam i cih leh, mi honpite in a nung zui-in, “Amah that ni,” ci-in a kiko uh hi.

Johan 19:15

amaute in, “Tua pa that in, tua pa that in, singlamteh tungah that in!” ci-in a kiko uh hi. Pilat in, “Note’ Kumpipa singlamteh tungah that ding ka hi hiam?” ci-in a dot ciangin, “Kaisar kumpipa longal adang kumpipa ka nei kei uh hi,” ci-in siampi liante in a dawng kik uh hi.

Luka 23:18

Ahih hangin mite in, “Tua pa that in la, ko kiangah Barabbas hong khah in,” ci-in aw khatin a kiko uh hi.

1 THESALONIKA MASA 2:16

Tua mite in amau mawhna a dimsak tawntung nadingun Gentailte in gupna sungah a tun’ nadingun kote thuhilh hong khaam uh hi. Amau tungah hehna a vekpi-in a tung zo hi!