Sawltak 22:18 - Tedim Bible

¹⁸ ‘Nang thakhatin Jerusalem khua pan a manlangin na paikhia in. Bang hang hiam na cih leh, keima thu na genna amaute in hong sang kei ding uh hi,’ ci-in Pasian in hong gen ka mu hi.

Tedim Bible Revision 2017

¹⁸ Tua ka maang sungah Topa in kei kiangah, ‘Hih lai-a om mite in keima thu na gennate hong um lo ding uh ahih manin Jerusalem khua panin kuan khia mengmeng in,’ hong ci hi.

Sawltak 22:18 Referans Kwoze

Luka 21:21

Tua lai takin Judah gamah a omte in mual tungah tai ta hen. Jerusalem khuapi sungah a omte in paikhia ta hen. Gampa lakah a omte in a sungah lut loin om ta hen.

Mattiu 10:23

Khua khatah note hong bawlsiat uh leh, khua khatah na tai un. Ke’n aman takpi kong cih-inah, Israel khua khempeuh na vak kim khit ma-un Mihing Tapa hong pai ding hi.”

Mattiu 10:14

Mi khatpeuh mah in no hong nolh a, na thu uh a ngaih nop kei leh, tuapa’ inn pan ahi zongin, a khua pan ahi zongin na paikhiat uh ciangin, na khepeek uhah leivuite na singkhia un.

Sawltak 9:29

lau loin Zeisu’ min tawh thu hilh a, Grik Judah mite tawh thu kinialin a om hi. Tuate in Saul thah nading a zong uh hi.

Sawltak 3:19

Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.

1 KORIN MASA 9:1

To nei lo mi hilo ka hi hiam? Sawltakpa hilo ka hi hiam? I Topa Zeisu a mu mi hilo ka hi hiam? Note in Pasian sungah ka nasepna gah hilo na hi uh hiam?