Sawltak 22:16 - Tedim Bible

¹⁶ Tu-in zong bang ngak na hi hiam? Tho in, kibaptaiz in la, Pasian kiangah thugenin, na mawhna na kisawpsiang ding hi,’ hong ci hi.

Tedim Bible Revision 2017

¹⁶ Tu-in bang ngak lai ding na hi hiam? Tho inla, Pasian kiangah thu ngenin kituiphum inla, na mawhnate silsiangsak in,’ hong ci hi.

Sawltak 22:16 Referans Kwoze

Sawltak 2:38

Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.

Sawltak 2:21

Tua lai takin Topa’ min tawh thu a ngen peuhmahte in Gupna a ngah ding uh hi, ci-in Pasian in a gen hi,’ a ci hi.

Hebru 10:22

eite in lungsim kisuan’na om loh nadingin kitheh a, tui siangtho tawh i pumpi i kisil khit ciangin up khialhna om lo, upna kipin dikna tawh a dim lungsim nei-in Pasian kiangah nai ni.

Titu 3:5

eite gamtatna pha hang hi loin ama hehpihna bangin nihvei suahna tawh kipawl sawp siangna tawh ahi zongin, Kha Siangtho’ hong bawlphat thakna tawh hong gum hi.

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

1 PETER MASA 3:21

Tu-in baptaizna ahi tua tui in lim bangin, Zeisu Khazih’ thawhkikna hangin note hong gum hi. Tua note a hong gum baptaizna ka cih ciangin pumpi nin a kihhuaina sawp siang a cihnopna hi lo hi; lungsim kisuan’ lohna siangtho tawh Pasian mai-ah a mang ka cihnopna hi.

Galati 3:27

Bang hang hiam na cih uh leh, Khazih sungah bataizna a ngah mi khempeuh in Khazih a silh uh hi.

1 KORIN MASA 12:13

Bang hang hiam na cih uh leh, Judah mi hi taleh, Grik mi hi taleh, sila hi taleh, to nei lo hi taleh, eite khempeuh in Kha Siangtho khat bek tawh pumpi khat sungah baptaizna i ngah a, eite khempeuh in Kha Siangtho khat sung pan i dawn hi.

Late 119:60

kei kinawhin, nangma thupiaknate zuih ding ka zekai kei hi.

Sawltak 9:14

Hi san takah zong na min tawh thungen khempeuh khau tawh hen nadingin siampi liante kiangah thu a ngah hi,” a ci hi.

1 KORIN MASA 1:2

Khazih Zeisu hangin mawhna tawh kipelh, misiangtho dinga hong koih ahi Korin khua ah a om Pasian’ pawlpite akipan, mun khempeuh ah eite Topa bek hi lo amau Topa zong ahi, Topa Zeisu Khazih kiangah thu a ngen mi khempeuhte kiangah thu kong zasak uh hi.

Sawltak 9:18

Tua lai takin thakhatin Saul’ mit tungah ngasa lip bangin na khat kia pah a, khua mu thei a,

Jeremiah 8:14

“Tua ciangin mite in, ‘Bang hangin tutu lai i hi hiam? Kikai khawm un la, khuapi muanhuaite va beel ni, tua laiah va si ni; bang hang hiam cih leh Topa tungah i mawh manin Topa i Pasian in eite a si dingin hong koih khin zo hi, i dawn dingin gutui hong piakhin zo hi.

Late 51:2

Ka khialhna panin kei hong silsiang kiuhkeuh in la, ka mawhna panin hong siangsak in!

Johan 13:8

Piter in “Ka khe cikmah hunin na sil kei ding hi,” a cih ciangin Zeisu in, “Nang kong sil kei leh, kei tawh na kipawl thei kei ding hi,” ci-in a gen hi.

Sawltak 7:59

Suang tawh a den’ lai takun Stefen in Pasian kiangah thungenin, “Topa aw, ka kha hong la ta’n,” a cih khit ciangin,

Efesa 5:26

Tua pawlpi in siangtho-in mawhsakna om lo ahih ciangin,