Sawltak 22:15 - Tedim Bible

¹⁵ Bang hang hiam na cih leh, na muh teng, na zak teng, mi khempeuh mai-ah amah ading teci na hi ding hi.

Tedim Bible Revision 2017

¹⁵ Tua ahih manin na muh sa le na zak sa thu khempeuh, mi khempeuh tungah genin teci a pang ding na hi hi.

Sawltak 22:15 Referans Kwoze

Sawltak 23:11

Zing nitak ciangin Topa in Paul kiangah ding a, “Paul aw, lunghimawh kei in. Keima thu Jerusalem khua-ah na gen zo hi. Tua mah bangin Rom khua-ah zong ka teci thu na pang lai ding hi,” a ci hi.

Sawltak 4:20

Kote ka hih uh leh, ka muhsa uh, ka theihsa uh thute gen loin ka om thei kei ding uh hi,” ci-in a dawng uh hi.

Johan 15:27

Note in zong a cil pan akipan kei tawh omkhawm na hih uh ciangin, teci na pang ding uh hi.”

Sawltak 27:24

‘Paul aw, nang lunghimawh kei in. Kaisar kumpipa mai-ah na ding ding hi. Nangmah tawh teembaw sungah a omkhawm mi khempeuhte Pasian in nang hong pia zo hi,’ hong ci hi.

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Sawltak 26:20

Amaute kisikkik a, kisikkikna tawh kilawm gamtatna bawlin Pasian kiangah a kihei na’ngun Damaskas khua-ah ka gen masak khit ciangin Jerusalem khua akipan Judah gamah a om mi khempeuh kiangah ahi zongin, Gentailte kiangah ahi zongin ka hilh hi.

Sawltak 22:14

Amah in zong, ‘I pu i pate’ Pasian in ama deihna na theih ding ahi zongin, ama Mi Siangtho na muh ding ahi zongin, ama kam sung pan aw na zak ding ahi zongin, nangmah hong koih zo hi.

Sawltak 1:22

kote tawh a tawntung a kikhawl mite sung panin khat in kote tawh Zeisu’ thawhkikna thu teci a suak ding hi,” a ci hi.