Sawltak 22:14 - Tedim Bible

¹⁴ Amah in zong, ‘I pu i pate’ Pasian in ama deihna na theih ding ahi zongin, ama Mi Siangtho na muh ding ahi zongin, ama kam sung pan aw na zak ding ahi zongin, nangmah hong koih zo hi.

Tedim Bible Revision 2017

¹⁴ Tua ciangin amah in, ‘I pu i pateʼ Pasian in ama deihna a thei ding, a thuman a Nasem pa a mu ding le ama kam mahmah tawh a thugen a za dingin nang hong teel khinzo hi.

Sawltak 22:14 Referans Kwoze

Galati 1:12

mite kiang pan ka ngah ahi kei hi, mite kiangah ka sin zong ahi kei hi. Zeisu Khazih’ thupiakna hang bekin ka ngahna thu note kiangah ka hong zasak hi.

1 KORIN MASA 15:8

A nunung belin a hun cing lopi-a suak keima kiangah hong kilang hi.

1 KORIN MASA 9:1

To nei lo mi hilo ka hi hiam? Sawltakpa hilo ka hi hiam? I Topa Zeisu a mu mi hilo ka hi hiam? Note in Pasian sungah ka nasepna gah hilo na hi uh hiam?

Sawltak 26:16

Ahih hangin tho in ding in, Judah mite leh Gentail mite khut sung pan nang hong gumkhia a, nang in na muhsa thute leh a nung ciangin kei in nang kiangah kong kilatsak ding thute,

Sawltak 9:15

Topa in, “Pai ta in. Bang hang hiam na cih leh, amah in Gentailte mai-ah ahi zongin, kumpite mai-ah ahi zongin, Israelte mai-ah ahi zongin, ka min a puak dingin ka teelsa beel ahi hi.

1 JOHAN MASA 2:1

Ka ta neute aw, note in na mawh loh nadingun hih thute lai sungah kong gelh hi. Mi khat peuhmah in a mawh leh, midik Zeisu Khazih ahi, eite hong huhpa Pasian kiangah i nei hi.

ROM (Romans) 1:1

Mipawl lamsang ah David’ suan ahi, sihna pan a thawhkikna hangin a siangtho Kha lamsang ah vangliatna a nei, Pasian’ Ta kici i Topa Zeisu Khazih ahi,

Sawltak 9:17

Ananias pai a, inn sungah lutin Saul tungah a khut nga a, “Ka nau Saul aw, na paina lampi-ah na kiangah hong kilang Topa Zeisu in khua na muhkik theih nading ahi zongin, Kha Siangtho tawh na dim nading ahi zongin, kei hong sawl hi,” a ci hi.

Sawltak 7:52

No na pute na pate un a bawlsiat loh kamsang kua ahi hiam? ‘Midik Pa hong pai ding ci-a a genkholh mite a that uh hi. Tu-in tua Midik Pa a heekte, a thatte na suak zo uh hi.

1 KORIN MASA 11:23

Bang hang hiam na cih uh leh, note kiangah ka hong piak thu in Topa kianga ka ngahsa hi. Ka ngahna in: Topa Zeisu a galte’ khut sungah a kipiak ding nitakin khomun la a,

Sawltak 24:14

Ahih hangin amaute in biakna pawl tuam a cih uh Lampi thu bangin ka pute ka pate’ Pasian ka bia hi ci-in kong pulak hi. Thukham lai leh Pasian’ kamsangte’ Lai Siangtho sungah a kigelh khempeuhte ka um hi.

Sawltak 22:18

‘Nang thakhatin Jerusalem khua pan a manlangin na paikhia in. Bang hang hiam na cih leh, keima thu na genna amaute in hong sang kei ding uh hi,’ ci-in Pasian in hong gen ka mu hi.

Sawltak 13:17

Hih Israel mipawlte Pasian in i pu i pate teel a, Izipt gamah a om lai takun, tua mite pahtawi a, tua san tak panin a khut tawh a paikhiatpih hi.

Sawltak 5:30

Note in singlamteh tungah khai-in na thah uh Zeisu, i pu i pate’ Pasian in hong thokiksak zo hi.

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Daniel 2:23

Nang ka pu ka pate’ Pasian na hi a, Ka hong phat a, ka hong zahtak hi. Nangmah in pilna leh thahatna na hong pia zo hi; thungetna zong za a, kumpipa kianga ka gen ding thu nong lak zo hi,” a ci hi.

Jeremiah 1:5

“Gil sungah kong bawl ma-in nang kong thei khin zo hi; na suah ma-in kong teelkhia khin zo a, minam dangte’ tungah kamsang dingin kong koih khin zo hi,” hong ci hi.

Ezra 7:27

Tua ciangin Ezra in, “Jerusalem a, om Topa’ inn tua bangin a minthangsak thuah dingin kumpipa lungsim ah suak sak a, kumpipa leh a thulamlakte leh a uliante kei tungah a thunuam dingin a bawl i pu i pate’ Pasian ahi Topa in thupha ngah ta hen!” a ci hi. Tua hi a, Topa ka Pasian in kei hong ompihna thei ka hih manin ka lungsim hong hang a, kei hong zui dingin Israel makaite ka khawm hi.

1 KHANG TANGTHU MASATE 29:18

Ka pute uh Abraham, Isaak, leh Israel Pasian, Topa aw, na mite’ lungsim sungah tua bang ngimnate leh ngaihsutnate omsak tawntung in la, amaute’ lungsim nangma lamah kai in.

Paikhiatna 15:2

Topa in ka hatna leh ka lungdamna hi a, amah in keima' kihotkhiatna suak khin hi; hih in keima' Pasian hi, amah ka phat ding hi, ka pa’ Pasian hi, amah ka liansak ding hi.

Titu 1:1

Zuauthu a gen thei lo Pasian in tanglai hun a tun’ ma-in thuciam a, eite Honpa Pasian’ thukham bangin kei hong piak thuhilhna tawh a kilawm hunte-ah, Pasian thu a latsakna tawh a kipawl, nuntak tawntungna lamenin, Pasian biakna lamah nopsakna tawh a kipawl thuman thutak theih nading ahi zongin, Pasian’ teel mite’ up nading ahi zongin, Pasian’ sila ahi Zeisu Khazih’ sawltak keimah Paul in:

2 TIMOTI NIHNA 1:1

Khazih Zeisu sungah a om nuntakna hong pia ning ci-in a thuciamna mah bangin, Pasian’ deihna hangin Khazih Zeisu sawltak keimah Paul in:

Galati 1:15

Ahih hangin ka nu’ gil sung pan hong teelkhia a, ama hehpihna thupha tawh hong sam Pasian in,

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

1 KORIN MASA 15:3

Ka ngah bangin note kiangah ka hong gen masak thu in: Lai Siangtho sungah a kigelh mah bangin Khazih in eite mawhna taang ding sihna a thuak hi.

2 KHANG TANGTHU NIHNATE 30:19

biakinn siangthona ngeina om bangin a sian’ loh uh hangin lungsim tak tawh nang hong biate khempeuh’ mawhna maisak in,” a ci hi.

2 KHANG TANGTHU NIHNATE 28:25

Amah in pasian dangte tungah paknamtui hal nadingin Judah khuapi khempeuh ah mual dawn a, biak piaknate bawl a, a pu a pate’ Pasian, Topa a heh nadingin phin hi.

1 KHANG TANGTHU MASATE 12:17

Amaute dawntuah dingin David pai khia-in amaute kiangah, “Kei kiangah kilawmtatna tawh keimah huh dingin hong pai na hih uh leh note tawh ka lungsim kihual khawm ding hi; ahih hangin keimah in bangmah khialhna nei lo napi-in ka langte tungah kei a lehhek dingin hong pai na hih uh leh, i pu i pate’ Pasian in thei hen la, note hong tai hen,” a ci hi.

2 KUMPI NIHNATE 21:22

amah in a pu a pate’ Pasian, Topa nusia a, Topa’ lampi tawn lo hi.

1 PETER MASA 2:22

Amah in mawhna ahih kei hi, a kam panin zong thu zuau a kimu kei hi.

Sawltak 22:15

Bang hang hiam na cih leh, na muh teng, na zak teng, mi khempeuh mai-ah amah ading teci na hi ding hi.