Sawltak 22:1 - Tedim Bible

¹ “Ute naute leh pate aw, tu-ni ka mawhna kiphelh nading kong genna thu hong ngai ta un,” a ci hi.

Tedim Bible Revision 2017

¹ “Pate, ute, khangualte aw, hih thu ah bangmah ka mawh lohna thu kong gen laitakin na ngai un,” a ci hi.

Sawltak 22:1 Referans Kwoze

Sawltak 7:2

“Ute naute, pate aw, na ngai ta un. Eite i pa Abraham in Haran gamah a om ma-in Mesopotamia gamah a teen’ lai takin minthan’na Pasian kilang a,

2 TIMOTI NIHNA 4:16

Amasa-a ka kihutna thu ka gen lai takin keima lamah kuamah a om kei hi, mi khempeuh in kei hong taisan uh hi. Tua thu hangin amaute tungah mawhsakna om kei hen.

1 PETER MASA 3:15

Na lungsim sung uhah Khazih in Topa ahi ci-in zahtakna nei un. Note’ lametna thu hong dong mi khempeuh kiangah lungnemna tawh, thusimna lungsim tawh na genkik theih nadingun, a kigingsa-in om tawntung un.

Filippi 1:17

Kimkhat ahih uh leh, lungsim siangtho nei lo uh a, kihenna ka thuak lai takin hong gimsak behlap nuamin hanciam uh a, kitotna lungsim tawh Khazih’ thu a hilh uh hi.

Filippi 1:7

Note khempeuh ading tua bang lungsim ka neih ding a kilawm hi. Bang hang hiam na cih uh leh, note khempeuh in keimah tawh thupha na ngah khawm uh a, keima thongkiatna-ah ahi zongin, Lungdamna Thu lamah hutna leh kipsakna-ah ahi zongin nong huh uh a, tua thu hangin note kong phawk tawntung hi.

2 KORIN NIHNA 12:19

Kote in note mai-ah tu dongin kisuan’takna kampau hi ci-in nong um uh hiam? Khazih sungah kipin Pasian mai-ah ka gen uh hi. Ahih hangin ka itte aw, ko ka hihna uh na khempeuh note kipsak nadingin ka hih uh hi.

2 KORIN NIHNA 7:11

Pasian’ deihna tawh kituak note dahna in note sungah bang ci bang phawkna, bang ci bang mawh kiphelna, bang ci bang hehna, bang ci bang launa, bang ci bang lunggulhna, bang ci bang deihna lungsim, bang ci bang thuman tawh daan piak thu-a bawlphatna ci-in en ta un. Note in hih thu sung pan mawhsakna tawh na kipelh uh hi ci-in na khempeuh hangin na lak zo uh hi.

1 KORIN MASA 9:3

Keimah hong teldotte kiangah ka mawh phel nading hih thu-in ka dawng thei hi.

ROM (Romans) 2:15

Bang hang hiam na cih uh leh, amau kitheihna lungsim un teci pangin, amau kingaihsutnate in khat leh khat kikumin, kimawhsakin ahi zongin, kimaisakin ahi zongin, amaute lungsim sungah Thukham deihna tawh kituak ciamtehna a om cih a kilangsak hi.

Sawltak 28:17

Ni thum khit ciangin Paul in Judah mi upate a kikhopsak khit ciangin, “Ute naute aw, kei in Judah mite tung ahi zongin, i pute i pate’ ngeina tung ahi zongin, ka khial lo napi-in, Jerusalem khua mite in hong man uh a, Rom mite’ khut sungah hong pia uh hi.

Sawltak 26:24

Tua mah bangin Paul in mawhna kiphelhna thu a gen lai takin Festas in, “Paul aw, nang mihai bang na hi hi! Lungpilna tam sinin, mihai na suak zo hi,” ci-in nakpi-in a kiko hi.

Sawltak 25:16

keimah in zong, ‘Mawhsakna a thuak mi in a mawhsak mite tawh kimaituah sak a, a tungah a koih mawhna a phelna thu a gen khit matengin kuamah kiangah piak ding Rom ngeina ahi kei hi,’ ci-in ka gen hi.

Sawltak 25:8

Paul in, “Keimah in Judah ngeina Thukham ahi zongin amau biakna innpi tungah ahi zongin, Kaisar Kumpipa tungah ahi zongin ka khial kei hi,” a ci hi.

Sawltak 24:10

Mangpipa in a khut vanin Paul in a gen dingin thu a piak ciangin Paul in, “Nang in hih pawlte sawtpi sung na uk ka thei ahih ciangin, lungdamin ka mawh kiphelna thu kong gen ding hi.

Sawltak 23:6

Upa kimkhat Farisai-te, kimkhat Saddusi-te ahih uh Paul in a theih ciangin, “Ute naute aw, Farisai mi ka hi hi. Farisai’ ta ka hi hi. Mi sisate hong thokik ding hi ci-in ka lamet hangin thu dotna ka thuak hi,” ci-in upate kiangah a ko hi.

Sawltak 23:1

Paul in upate a tel takpi-in en a, “Ute naute aw, tuni dongin Pasian mai-ah keimah pumpi ka kimawhsak nading om loin ka om hi,” a cih ciangin

Sawltak 19:33

Judah mite in Alekzander sawlin, mihonpi lak pan a sam uh a, mite mai-ah a paisak uh hi. Alekzander in a khut zanin kham a, mite mai-ah mawh kiphelna thu a gen nop hangin,

Sawltak 13:26

“Abraham’ suan akipan ute naute leh no lakah Pasian a kihtate aw, hih gupna thu eite kiangah hong khak zo hi.

Luka 21:14

Tua ahih ciangin, ‘Bang ka ci thukkik ding hiam?’ ci-in na ngaihsut kholh loh nadingun, na lungsim sung uh ah na ciamteh un.

Luka 12:11

Amaute in kikhopna inn mai-ah ahi zongin, upate mai-ah ahi zongin, thukhente mai-ah ahi zongin, note hong paipih uh ciangin bangci ka thukkik ding hiam, bang thu ka gen ding hiam ci-in lunghimawh kei un.