Sawltak 21:5 - Tedim Bible

⁵ Ni sagih khit ciangin ka paikik uh a, nungzuite khempeuh in, a zite a tate uh tawh khua nawlah kote hong kha uh a, tuipi gei-ah khukdin’in thu ka nget khit uh ciangin,

Tedim Bible Revision 2017

⁵ Amaute kiang panin ka ciahkhiat ding uh hun hong tun ciangin ka ding khia uh a, a zite a tate uh tawh a vekpi-un khua nawl ciang hong zui uh hi. Tuipi gei ka tun uh ciangin khukdinin thu ka ngen uh hi.

Sawltak 21:5 Referans Kwoze

Sawltak 20:36

Paul in tua bang a gen khit ciangin khukdin’ a, amaute tawh thu a ngen hi.

Sawltak 9:40

Piter in tua mi khempeuh a paikhiatsak khit ciangin khukdin’in thungen a, si-luang lam kihei-in, “Tabitha aw, tho in,” a ci hi.

Sawltak 20:38

Tu nung ciangin ama maitang a mu nawn kei ding uh hi a cihna kammal hangin a dah pen uh hi. Amaute in Paul teembaw ah a kha uh hi.

Sawltak 15:3

Pawlpite in amau lampi-ah kha-in, Paul leh Barnabas in Foenisia leh Samaria gam lam a tawn uh a, Gentailte kiheina thu a zaksak uh ciangin ute naute in nakpi-in a lungdam uh hi.

Late 95:6

Hong pai un, bia-in kun ni, eite hong Bawl Topa mai-ah khukdin’ ni!

Sawltak 17:10

Ute naute in Paul leh Silas zan lai takin Berea khua-ah thakhatin a paisak uh hi. Tua khua-ah a tun’ uh ciangin Judah mi kikhopna innah a tum uh hi.

Marka 1:40

Tua lai takin miphak khat Zeisu kiangah pai a, a mai-ah khukdin’in, “Topa aw, nong hih nop leh, nong damsak zo ding hi,” ci-in a thuum hi.

Mattiu 14:21

An ne mite in numei leh naupang sim loh pasal tul nga bang pha hi.

2 KHANG TANGTHU NIHNATE 20:13

Tua lai takin Topa mai-ah Judah mi khempeuh a taneute, a zite, leh a naupangte uh tawh ding uh hi.

1 KUMPI MASATE 8:54

Tu-in Solomon in hih thungetna leh thuumnate khempeuh Topa tungah a bawl khit ciangin, vantung lamah a khutte zan sa-in a khukdin’na mun Topa’ biakna tau mai panin amah ding to hi;

Nehemiah 12:43

Pasian in nakpi takin amaute lungdamsak ahih manin amaute in tua ni-in biak piakna lian tampi pia-in lungdam uh hi; numei naupangte zong lungdam uh hi. Tua hi a, Jerusalem khua sungah lungdamna awging gamlapi pek pan nangawnin kiza hi.

Joshua 24:15

Topa’ na nasep nop kei uh leh, Gungal khat-a a na a kisepsak na pu na pate uh pasian ahi a, note’ teen’na gam Amor mite’ pasiante ahi zongin, a na nasep sak ding peuhpeuh uh tu ni-in teel un; ahih hangin kei leh ka innkuanpihte in ahih leh Topa’ na ka sem ding uh hi,” a ci hi.

Luka 22:41

a nungzuite tawh suang lot khat tan bang kikhen a,

Joshua 8:35

Moses in a thupiak kammalte khempeuh Israel mi honpite, leh numeite, leh naupangte, leh amau lakah a teeng peemtate mai-ah Joshua in a sim loh khat zong om lo hi.