Sawltak 21:40 - Tedim Bible

⁴⁰ Galkap mangpa in thu a piak ciangin Paul in kahlei tungah ding-in a khut zanin mite kham a, amaute in a daih khit uh ciangin Hebru pau-in:

Tedim Bible Revision 2017

⁴⁰ Galkap mangpa in zong thu a gen ding phal ahih manin kahlei cial tungah Paul dinga, mite a gamdaih nadingin a khut a van hi. Mite a gamdaih khit ciangin Paul in Hebru pau-in mite tungah thu gen a,

Sawltak 21:40 Referans Kwoze

Sawltak 12:17

Amah in amaute pau lo-a a om na’ngun a khut a vaan khit ciangin Topa in amah thong sung pan bang ci-a lakhia hiam cih thu a gen hi. “Tua thu Jeim leh sawltakte kiangah va gen un,” a cih khit ciangin tua mun pan paikhia a, a mun dangah a pai hi.

Sawltak 26:14

Kote khempeuh in lei tungah ka puk lai takun, ‘Saul aw, Saul aw, bang hangin hong bawlsia na hi hiam? Ciang hiam na khe tawh peek leteh a haksa hi,’ ci-in Hebru kamin a hong ci aw khat ka za hi.

Sawltak 22:2

Hebru pau-in a gen mite in a zak uh ciangin pau lo semsemin a om uh hi.

Johan 5:2

Jerusalem khua-ah Tuu Kongkhak tawh kinai, Hebru pau-in Bethzatha kici bual khat a om hi. Tua bual kimkot ah buk nga a om hi.

Sawltak 21:35

Kahlei-ah a tun’ ciangin mite heh mahmah uh ahih ciangin, galkapte in Paul domin a pua uh hi.

Sawltak 19:33

Judah mite in Alekzander sawlin, mihonpi lak pan a sam uh a, mite mai-ah a paisak uh hi. Alekzander in a khut zanin kham a, mite mai-ah mawh kiphelna thu a gen nop hangin,

Mangmuhna 16:16

Dawigilo khate in kumpite, Hebru kamin Armageddon a kici munah a kikhawmsak uh hi.

Mangmuhna 9:11

Amau tunga kumpipa in Hebru kam-in Abaddon kici, ahi zongin, Grik kam in Apollion kici ahi zongin kiphuak a, kuam thukpi’ sawltak ahi hi.

Sawltak 13:16

Tua lai takin Paul ding a, a khut vaanin thu a hilh inah: “Israel mite leh Pasian kihta-te aw, ngai un.

Sawltak 6:1

Tua lai takin nungzui mite a tam tektek uh a, Grik Judah mi meigongte in nisim kivakna a ngah loh manun ah Grik Judah mite in Hebru mite tungah a phun uh hi.

Johan 19:20

Hih lai Judah mi tampite in a sim uh hi. Bang hang hiam i cih leh, Zeisu singlamteh tungah a kithahna mun in khuapi tawh kinai a; Hebru kam, Latin kam leh Grik kam tawh a kigelh hi.

Johan 19:17

Tua lai takin amaute in Zeisu la-in a paipih uh hi. Zeisu in ama singlamteh pua a, Hebru kamin ‘Golgotha’ kici ‘Lutangguh Mun’ kicihna ah pai dingin a paikhia hi.

Johan 19:13

Tua thu a zak ciangin Pilat in Zeisu paikhiatpih a, Hebru kamin ‘Gabbatha’ kici ‘Suangphah’ a cihna munah thukhenna tokhom tungah a tu hi.

Luka 23:38

“HIHPA IN JUDAHTE’ KUMPIPA HI,” ci-in kigelhna lai a tungah a om hi.

2 KUMPI NIHNATE 9:13

Tua ciangin nawhsa-in mi khempeuh in a puan uh la-in ama din’ nadingin kahlei tungah koih uh a, tua ciangin amaute in peengkul tumin, “Jehu in kumpi hi,” ci-in tangko uh hi.

Sawltak 1:19

Tua thute Jerusalem khua-ah mite in a zak uh ciangin amau kam in tua lo “Akeldama” ci uh a, tua in “Sisan’ Lo” a cihnopna hi).