Sawltak 21:39 - Tedim Bible

³⁹ Paul in zong, “Kilikia gam Tarsus khua-a suak, Judah mi ka hi hi. Kei teen’na in khua gina lo ahi kei hi. Hih mite kiangah thu ka gen theih na’ngin thu hong pia in cih kong thuum hi,” a ci hi.

Tedim Bible Revision 2017

³⁹ Paul in, “Kei pen Silisia gam Tarsas khua-a suak Jew mi ka hi a, khua thupi sungah a teeng mi ka hi hi. Nong hehpihna-in hih mihonte tungah thu hong gensak in,” a ci hi.

Sawltak 21:39 Referans Kwoze

Sawltak 22:3

Paul in a gen-inah: “Kilikia gam, Tarsas khua-a suak, Judah mi ka hi hi. Ahih hangin hih khua sungah Gamaliel’ khe kiangah anvaakna ngahin, i pu i pate’ thukhamte sinin a siamsa ka hi a, tuni-a note khatpeuh peuh zahin Pasian’ ading a hahkat mipa ka hi hi.

Sawltak 9:11

Topa in “Tho in la, Tang a kici lampi-ah pai in; Saul kici Tarsas mi, Judah innah va zong in.

Sawltak 6:9

Tua lai takin Sal Suakta a kici mipawlte akipan Sairin mi leh Alekzandria mi leh Kilikia mi leh Asia mi kimkhatte in a ding uh a, Stefen tawh a kiseel uh hi.

1 PETER MASA 3:15

Na lungsim sung uhah Khazih in Topa ahi ci-in zahtakna nei un. Note’ lametna thu hong dong mi khempeuh kiangah lungnemna tawh, thusimna lungsim tawh na genkik theih nadingun, a kigingsa-in om tawntung un.

Sawltak 23:34

Mangpipa in lai a sim ciangin, “Kua gam mi na hi hiam?” ci-in a dot leh, Kilikia gam mi ahih a theih ciangin,

Sawltak 23:27

Judah mite in hih pa a man uh a, a that ding a kisak lai takun, amah in Rom mi ahih thu ka theih ciangin galkapte tawh pai-in, amah ka honkhia hi.

Sawltak 21:37

Paul in galkap’ inn sungah a tum lai takin, “Kam khat kong gen thei ding hiam?” ci-in galkap mangpa kiangah a dot ciangin, “Nang Grik pau siam na hi hiam?

Sawltak 16:37

Ahih hangin Paul in, “Rom mi ahi kote thukhen loin a kilangin a hong sat khit uh ciangin, thong sungah a hong khum zo uh hi. Tu-in hong khahkhia sim ding ahi uh hiam? Hi lo hi! Amaute hong pai hen la, a kilangin komau hong lakhia uh hen,” ci-in palik bute kiangah a gen hi.

Sawltak 15:41

Amaute in pawlpi omsate kipsakin Siria gam leh Kilikia gam sungah a pai uh hi.

Sawltak 15:23

Amaute in lai khat gelh uh a, tuate’ khut tawh hih bangin a khak uh hi: “Sawltakte leh upate ahi uh ute naute in Antiok khua akipan Siria gam leh Kilikia gamah a om Gentail ute naute kiangah itna lai tawh kong zasak uh hi.

Sawltak 9:30

Ute naute in tua thu a zak uh ciangin Saul Kaisaria khua-ah a kha uh a, Tarsas khua-ah a paisak uh hi.