Sawltak 21:3 - Tedim Bible

³ Saipras tuikulh ka muh uh ciangin a tak lamah pai-in Siria gam galkahin Tai-ar khua-ah ka khawl uh hi. Bang hang hiam i cih leh, teembaw in tua khua-ah a van puak teng suahkhia ding ahi hi.

Tedim Bible Revision 2017

³ Saipras tuikulh a kigal muhna mun ka tun uh ciangin tua tuikulh leitaw lam pang kantanin Syria gam lam manawhin ka paisuak uh a, Taia khua ka tun uh ciangin teembaw in a van puakte suah ahih manin teembaw tung pan ka tuak khia uh hi.

Sawltak 21:3 Referans Kwoze

Sawltak 27:4

Tua khua pan ka paikhia uh a, huih kituak lo ahih ciangin Saipras lam gam huih dalsakin pai-in,

Sawltak 21:16

Kote Kaisaria khua nungzuite kimkhat in hong zui uh hi. Kote zin tun’ nading Manason min nei Saipras gam mi, nungzui a suah zawh a sawt zo, thu-um mipa’ innah hong kha uh hi.

Sawltak 12:20

Herod kumpipa in Tai-ar leh Sidon khuapihte tungah heh a, amaute in a lungsim kikhatin ama kiangah a pai uh a, mangpa’ thu vaihawmpipa Blatas amau lawma a mat khit uh ciangin kilemna thu a gen uh hi. Bang hang hiam i cih leh, amaute gam in kumpipa gam panin an a ngah uh hi.

Sawltak 4:36

Josef kici, “Hehnem’ Ta” cihnopna ahi sawltakte in Barnabas min a phuah thak uh,

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

Sawltak 18:18

Paul in ni tampi a tam khit ciangin ute naute tawh kikhen a, nidang lai-a a kiciamsa bangin Kenkhrea khua-ah a sam a met khit ciangin, Prisilla leh Akuila tawh teembaw tuangin Siria gamah a pai hi.

Sawltak 15:41

Amaute in pawlpi omsate kipsakin Siria gam leh Kilikia gam sungah a pai uh hi.

Sawltak 15:39

Tua thu hangin amaute khat leh khat a kinial ciangun a kikhen uh a, Barnabas in Marka a sap khit ciangin teembaw tungah tuangin Saipras gamah a pai hi.

Sawltak 15:23

Amaute in lai khat gelh uh a, tuate’ khut tawh hih bangin a khak uh hi: “Sawltakte leh upate ahi uh ute naute in Antiok khua akipan Siria gam leh Kilikia gamah a om Gentail ute naute kiangah itna lai tawh kong zasak uh hi.

Sawltak 13:4

Tua bangin Kha Siangtho in amaute pai sak a, Seleukia khua-ah a paisuk uh hi. Tua khua panin teembaw tuangin Saipras gamah a tung uh hi.

Sawltak 11:19

Stefen tungah kibawlsiatna thu hangin a kithehthang mite in Foenisia gam leh Saipras gam leh Antiok khua dongin a pai uh a, Judah mite kiang bekah Pasian’ thu a hilh uh hi.

Luka 10:13

“Khorazin khuapi aw, nangmah in gimna na thuak ding hi. Bethsaida khuapi aw, nangmah in gimna na thuak ding hi. Bang hang hiam na cih uh leh, note sungah hong kilak vangliatna in Tai-ar khuapi leh Sidon khuapi sungah kilak ngei hi leh, amau in sawtpekin khautang puan silhin, vut tawh kibuakin a kisik kik zo ding uh hi.

Luka 2:2

Kurinias in Siria gam menzi ahih lai takin hih kisimna a masa pen ahi hi.

Mattiu 11:21

“Khorazin khuapi aw, nangmah in gimna na thuak ding hi. Bethsaida khuapi aw, nangmah in gimna na thuak ding hi. Bang hang hiam na cih uh leh, note sungah hong kilak vangliatnate in Tai-ar khuapi leh Sidon khuapi sungah kilak ngei leh, amau in sawtpi pekin khautang puan silhin, vut tawh kibuakin a kisik kik zo ding uh hi.

Isaiah 7:2

“Siriate pen Efraim mite tawh kikop,” ci-a David’ innkuante’ tungah a kigen ciangin, huih in gamlak-a singte a mut bangin amah leh a mihingte’ lungsim kiliing hi.

Late 87:4

Kei hong theite lakah Izipt leh Babilon ka hel hi; Filistia, Tai-ar leh Ethiopia-te zong—“Hihte pen hua lai mah pan-a piang ahi hi,” amaute in ci ding uh hi.

Late 45:12

mihau pente ahi Tai-ar mite in na manpha namkim letsong tawh nang hong maivil ding uh hi. Kumpi tanu a inndei sungah kham kigan puantualpi tawh kizem a,

2 SAMUEL NIHNA 8:6

Tua ciangin David in Damaskas gam Aram ah khuacingte koih hi; Siria mite David’ nasem suak uh a, siah puak uh hi. Topa in David a paina peuhpeuh ah gualzawhna pia hi.

Thukhente 10:6

Tua ciangin Israel mite in Topa’ muhna-ah a sia gamta kik uh a, Siria mite pasiante, Sidon mite pasiante, Moab mite pasiante, Ammon mite pasiante, leh Filistia gam mite’ pasiante ahi Baalte leh Ashtaroth’ na sem uh hi; amaute in Topa nusia-in ama’ na sem lo uh hi.

Sawltak 21:2

Foenisia gamah a pai ding teembaw khat ka muh uh ciangin tuangin ka pai uh hi.

Sawltak 21:7

Tai-ar khua pan Tolemias khua-ah ka tun’ uh ciangin teembaw tawh paina a om nawn kei hi. Tua khua-a om u leh naute ka hopih uh a, ni khat ka tam khit uh ciangin,