Sawltak 21:24 - Tedim Bible

²⁴ Tua mite la in la, amaute tawh na kisiangtho sak in la, amaute a sam met nadingin dangka na sik ding hi. Tua bang na hih leh, mi khempeuh in nangma thu a zak uh ahi lo thu hi a, Thukham thu tangin khial loin na om hi cih a thei ding uh hi.

Tedim Bible Revision 2017

²⁴ Tua mite tawh va kipawl inla, a kisiansuahna uh ah nang zong va kihelin, a sum bei teng khempeuh nangmah in sik in. A kisiansuah khit uh ciangin amaute in a sam uh met thei ta ding uh hi. Hih bangin gamta lecin a beisa huna nangma thu a kigente khempeuh a man khat zong om loin, nang mahmah zong Moses Thukham a zui na hihna thu mi khempeuh in hong thei ding uh hi.

Sawltak 21:24 Referans Kwoze

Sawltak 21:26

Tua ciangin Paul in tua mite paipih a, zingsang ciangin amaute tawh a kisian’thosak khit ciangin biakna innpi sungah pai-in, tuate khempeuh ading biakna a piak khit dongin, kisian’thosakna ni a cing sak hi.

Sawltak 24:18

Tua hehpihna ka piak lai takin biakna innpi sungah mi kikhawm lo, gamlum lo, siangtho takin ka bawl Asia gam panin a hong pai Judah mi kimkhatte in hong mu uh hi.

Sawltak 18:18

Paul in ni tampi a tam khit ciangin ute naute tawh kikhen a, nidang lai-a a kiciamsa bangin Kenkhrea khua-ah a sam a met khit ciangin, Prisilla leh Akuila tawh teembaw tuangin Siria gamah a pai hi.

1 KORIN MASA 9:20

Judah mite ka ngah nadingin Judah mite ading Judah mi bang ka hi hi. Thukham zui lo mi ka hi napi-in Thukham a zuite ka ngah nadingin Thukham a zuite ading Thukham zui mi ka hi hi.

Paikhiatna 19:14

Tua ahih ciangin Moses mual tung panin mite' kiangah paisuk a, mite siangthosak hi; amaute in a puante uh sawp uh hi.

Galati 2:12

Bang hang hiam na cih uh leh, mi kim khat in Jeim kiang pan a hong tun’ ma-in Gentailte tawh an a ne khawm hi. Ahih hangin tuate hong tun’ khit uh ciangin amah in vunatte a kihtak maninah nungkinin a tuam om hi.

Johan 11:55

Judah mite’ Paisan pawikham ding nai a, mi tampi in a kisian’thosak nadingun Paisan pawi ma-in gam khempeuh panin Jerusalem khua-ah a paito uh hi.

Johan 3:25

Tua ahih ciangin Johan’ nungzuite in siangtho biakna thu Judah mi khat tawh a kiseel uh ciangin,

JOB (Job) 41:25

Amah hong kithawi ciangin mi thahat pente nangawn lau a, kihta in cih nading thei loin om uh hi.

JOB (Job) 1:5

Tua banga a pawi bawl uh vial khat a kikhit ciangin Job in a tapate samin amaute sian’suah a, zingsangin tho baihin a ta phazah tawh kizui-in meihal biakna pia hi; bang hang hiam cih leh Job in, “Ka tate khialin, a lungsim sung uh ah Pasian samsia kha thei ding uh hi,” a ci hi. Hih bangin Job in hih tawntung hi.

Thukhente 13:5

bang hang hiam cih leh nang gai-in tapa khat na nei ding hi. Ama lu tungah mulkiatna kitah lo ding hi; bang hang hiam cih leh naupang in a suah a, kipanin Pasian tungah Nazir mi hi ding hi; amah in Filistia mite’ khut sung panin Israelte hotkhiat ding kipan ding hi,” a ci hi.

Gamlak-vakna 6:18

Tua Nazir mipa in kikhopna buk kongah a ki-ap a sam met ding a, a ki-ap ama lutang panin a samte la-in a thunuam-a biak piakna nuai-ah a om mei sungah hal ding hi.

Gamlak-vakna 6:13

“A tuam om hun a cin’ ciangin zuih ding Nazir ngeina in hih ahi hi: kikhopna buk kongah amah kipaipih ding a,

Gamlak-vakna 6:9

“Mi khatpeuh ama gei-ah thakhatin si-in, amah in a ki-ap ama sam a nitsak leh, a kisian’suah ni-in a sam met ding hi; a ni sagih ni-in met ding hi.

Gamlak-vakna 6:5

“Tuam om dingin a kiciam hun sung teng ama lu tungah mul kiatna kitah lo ding hi; Topa adingin a tuam om hun a cin’ mateng amah a siangtho hi ding hi; amah in a sam a sau-in khawi ding hi.

Paikhiatna 19:10

Topa in Moses' kiangah, “Mite' kiangah pai in la tu ni leh zingciang sung teng amaute siangthosakin, amau’ puante amau mah sawp sakin,