Sawltak 21:20 - Tedim Bible

²⁰ Amaute in a zak uh ciangin Pasian’ min a phat uh hi. Paul kiangah zong, “Sanggam aw, thu-um Judah mi then bangzah a om na thei hi. Tua mite khempeuh in Thukham hahkatin a zui uh hi.

Tedim Bible Revision 2017

²⁰ Ama thugen teng a zak khit uh ciangin a vekpi-un Pasian a phat uh hi. Tua ciangin Paul kiangah, “Sanggam aw, hih lai ah na theih ding thu khat om hi. Hih lai ah thu um Jew mi tampi tak om a, amaute in thukham nak zuih mahmah uh hi.

Sawltak 21:20 Referans Kwoze

ROM (Romans) 10:2

Amaute in Pasian lamah lungsim lian a neih uh hangin, lungpilna man ahi kei hi ci-in amaute ading teci ka pang hi.

Galati 1:14

ka pu ka pate’ khut tung pan ka ngah ngeina siamin ka zuih zawk thu ahi zongin note in na thei uh hi.

Sawltak 22:3

Paul in a gen-inah: “Kilikia gam, Tarsas khua-a suak, Judah mi ka hi hi. Ahih hangin hih khua sungah Gamaliel’ khe kiangah anvaakna ngahin, i pu i pate’ thukhamte sinin a siamsa ka hi a, tuni-a note khatpeuh peuh zahin Pasian’ ading a hahkat mipa ka hi hi.

Sawltak 15:1

Judah gam panin mi kimkhatte hong pai uh a, “Note in Moses’ Thukham bangin vun na at kei uh leh, gupna na ngah kei ding uh hi,” ci-in ute naute kiangah a gen uh hi.

Sawltak 11:18

Amaute in hih thu a zak uh ciangin nial loin, “Pasian in Gentailte zong a nuntak nadingin kisikkikna thu a pia hi,” ci-in Pasian a phat uh hi.

Sawltak 15:5

Farisai pawl lakah a um kimkhat in a ding uh a, “Gentailte in vun at a, Moses’ Thukham a zuih na’ng uh thu hilh ding a kilawm hi,” a ci uh hi.

Sawltak 15:24

Mi kimkhatte in ko thupiak lohin kote kiang panin a paikhia uh a, note lungsim uh hong lumletin, hong gimsak zo cih thu ka za uh hi.

Sawltak 6:7

Pasian’ thu kizel-in, Jerusalem khua-ah thu-um mi hong tam semsem a, siampite tampi in zong upna thu hong mang ta uh hi.

Sawltak 4:21

Amaute in mihonpi hangin Piter leh Johan mawhna daan piak na’ng thu a ngah loh uh ciangin, khatvei a tawn’ kik khit uh ciangin a khah uh hi. Bang hang hiam i cih leh, hih bawlna thu hangin mi khempeuh in Pasian’ min a phat uh hi.

Sawltak 4:4

Ahih hangin thuhilhna a za mi tampite in um uh a, pasal teng tulnga bang a pha uh hi.

Sawltak 2:41

Tua thu a mang mite in kibaptaiz uh a, tua ni-in mi tulthum bang a kibehlap uh hi.

Johan 12:24

Ke’n aman takpi kong cih-inah, buhhum khat in lei tungah kia-a a sih kei leh, amah bek a om ding hi. Ahih hangin a sih leh, tampi a gah thei ding hi.

Luka 15:32

Ahih hangin, na nau ahih leh tuma-in a si hi, tu-in a nungta kik hi. Tuma-in a mang hi, tu-in a kimu kik ahih man-inah nopna leh lungdamna bawl tuak hi,’ ci-in a gen hi,” ci-in a hilh hi.

Luka 12:1

Tua lai takin khat leh khat khe kisik kha dongin mi tul tampite a kikhawm uh hi. Zeisu in a nungzuite kiangah a gen masak pen-inah: “Mi simtatna ahi Farisaite’ silngo kikem un la, na tang un.

Late 22:27

Leimong khempeuh in phawkin Topa’ lamah kihei ding uh a, minamte’ innkuan khempeuh in ama mai-ah bia ding uh hi.

Late 22:23

Topa a zahtak note in amah phat un! Jakob tapate khempeuh aw, amah minthangsak un, Israel tapate khempeuh aw, amah lamdangsakna tawh om un!

Galati 1:24

keimah hangin Pasian’ min a phat uh hi.

Mattiu 9:8

Mihonte in a muh uh ciangin a lau uh a, hih bang bawl theih nading thu mi tungah a pia Pasian a phat uh hi.