Sawltak 21:19 - Tedim Bible

¹⁹ Paul in tua mite a hopih khit ciangin ama thuhilh nasepna hanga Pasian in Gentailte tungah ahihna thu khempeuh khat nungah khat a gen hi.

Tedim Bible Revision 2017

¹⁹ Paul in amaute hopih a, Pasian in amah Paul tungtawnin Gentail mite lakah na a sepna khempeuh a banbanin a cing takin a gen hi.

Sawltak 21:19 Referans Kwoze

Sawltak 14:27

A tun’ uh ciangin pawlpite kikhawmsak uh a, amaute tungah Pasian’ bawlna leh Gentailte ading thu upna kong kihon’na thu teng a zasak uh hi.

1 KORIN MASA 15:10

Ahih hangin Pasian’ hehpihna thupha hangin ka hi bangin ka hi hi. Ka ngahsa hehpihna thupha a mawkna ahi kei hi, sawltakte khempeuh sangin hahkat zaw-in ka sem hi. Tua bang ka cih hangin kei a hahkat ka hi kei hi; keimah tawh a omkhawm Pasian’ hehpihna thupha in a hahkat hi.

Sawltak 20:24

Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

Kolose 1:29

Tua bang deihna-in kei in hahkatin keima tungah, vanglianpi tawh hong bawlphatna bangin semin, demin ka om hi.

2 KORIN NIHNA 12:12

Ahi takpi-in na khempeuh ah thuakna tawh nalamdangte leh dipkuat huaite, vangliatnate tawh, sawltakte’ lim note lakah a kilang khinzo hi.

2 KORIN NIHNA 6:1

Note in Pasian’ hehpihna thupha na ngah uh a mawkna na suaksak kei un ci-in kote in Topa tawh nasem khawm mi ka hih ciangun note hong hansuahin kong zol uh hi.

Sawltak 15:12

Barnabas leh Paul in amaute tungah Gentailte kiangah Pasian in nalamdang leh lim a bawlna thu a zaksak lai takun mihonpite in pau loin a ngai uh hi.

Sawltak 15:4

Amaute Jerusalem khua a tun’ uh ciangin pawlpi leh sawltakte leh upate in a tungsak uh a, amau tungah Pasian hihna thu khempeuh a zasak uh hi.

Mattiu 23:7

sumbukah zahtakna tawh hopih ahi zongin, ‘Rabbi aw,’ cihna ahi zongin a deih uh hi.