Sawltak 21:18 - Tedim Bible

¹⁸ A zing ciangin Paul tawh Jeim kiangah ka tumkhawm uh a, upate khempeuh a kikhawm uh hi.

Tedim Bible Revision 2017

¹⁸ A zing ciangin James kiangah Paul tawh ka hawh uh a, tua lai ah pawlpi upa khempeuh a na om uh hi.

Sawltak 21:18 Referans Kwoze

Galati 1:19

Amah leh Topa’ nau Jeim longal adang sawltakte khat beek ka mu kei hi.

Galati 2:9

ka ngah hehpihna thupha a theih uh ciangin, amaute in vunatte kiangah pai nadingin leh kote in Gentailte kiangah pai nadingin, amaute in Barnabas leh kei tungah kilawmtatna tawh a khut taklam uh hong pia uh hi.

Sawltak 15:13

Amaute in a gen khit uh ciangin Jeim in a gen-inah:

Sawltak 11:30

Tua mah bangin a bawl uh a, upate kiangah Barnabas leh Saul te’ khut tawh a khak uh hi.

Jeim 1:1

Pasian leh Topa Zeisu Khazih’ sila ahi keimah Jeim in mun khempeuh ah kikhen thangin a om, pawl sawm leh pawl nihte kong hopih hi.

Sawltak 20:17

Miletas khua panin Paul in Efesa khua-ah mi paisakin pawlpi upate a sam hi.

Sawltak 15:23

Amaute in lai khat gelh uh a, tuate’ khut tawh hih bangin a khak uh hi: “Sawltakte leh upate ahi uh ute naute in Antiok khua akipan Siria gam leh Kilikia gamah a om Gentail ute naute kiangah itna lai tawh kong zasak uh hi.

Sawltak 15:6

Sawltakte leh upate in tua thu vaihawm dingun a kikhawm uh hi.

Sawltak 15:2

Paul leh Barnabas in tua mite tawh tampi a kinial, a kiseel khit uh ciangin Paul, Barnabas leh adang thu-um kimkhatte tua thu kikum dingin Jerusalem khua-ah a om sawltakte leh pawlpi upate’ kiangah a paisak uh hi.

Sawltak 12:17

Amah in amaute pau lo-a a om na’ngun a khut a vaan khit ciangin Topa in amah thong sung pan bang ci-a lakhia hiam cih thu a gen hi. “Tua thu Jeim leh sawltakte kiangah va gen un,” a cih khit ciangin tua mun pan paikhia a, a mun dangah a pai hi.

Mattiu 10:2

Sawltak sawm leh nihte a min un: a masa bel Piter kici, Simon leh a naupa Andru, Zebedi’ tapate Jakob leh Johan,

Sawltak 24:11

Keimah in bia dingin Jerusalem khua-ah ka paitoh tuni-in nisawm-le-nih bek pha cih na thei zo hi.