Sawltak 21:11 - Tedim Bible

¹¹ Tua pa in kote kiangah hong tung a, Paul’ kawnggak la-in, a khut a khe a hen khit ciangin, “Hih kawnggak neipa Jerusalem khua-ah a om Judah mite in hih bangin henin, Gentailte’ khut tungah a pia ding uh hi,’ ci-in Kha Siangtho in hong ci hi,” a ci hi.

Tedim Bible Revision 2017

¹¹ Koteʼ kiangah amah hong pai-in Paulʼ kawnggak hong laksak a, tua kawnggak tawh ama khut le a khete a gakcip khit ciangin, “Kha Siangtho in, ‘Jerusalem khua sungah hih bangin Jew mite in hih kawnggak nei pa hencip dinga, Gentail miteʼ khut sungah pia ding hi,’ ci hi,” a hong ci hi.

Sawltak 21:11 Referans Kwoze

Sawltak 21:33

Tua ciangin galkap mangpa in va nai a, Paul a mat khit ciangin sikkhau nih tawh hen ding thu a piak khit ciangin, “Hih mi kua mi ahi hiam? Bang hih khial ahi hiam?” ci-in a dong hi.

Sawltak 20:23

Ahih hangin kihenna leh thong sung khiat nadingte in kei hong ngak hi ci-in Kha Siangtho in khua khempeuh ah kei hong hilh hi.

1 KUMPI MASATE 22:11

Tua ciangin Khene-anah’ tapa Zedekiah in ama adingin sik kite bawl a, “Topa in hih bangin ci hi: ‘Amaute a kisuksiat matengin hihte tawh Siria mite na nawt ding hi,’ ci hi,” a ci hi.

1 PETER MASA 1:12

Amaute’ thuhilh nasepnate in amaute ading hi lo, note ading ahi ci-in amaute kiangah a kilang hi. Vantung pan hong sawl Kha Siangtho tawh note kiangah Lungdamna Thu hong hilh mite in tua nate note kiangah tu-in hong hilh uh hi. Tua nate vantungmite in zong a en nuam uh hi.

Hebru 10:34

Tua lai-in note in khihna a thuak mite na khasiat uh tham loin, neihsa a phazaw a kip tawntung sum a om hi ci-in thei-in na sum na paite uh hong kisuh ciangin na lungdam uh a, na mang uh hi.

Hebru 3:7

Tua ahih ciangin Kha Siangtho in a gen mah bangin “Tuni-in ama aw na zak uh leh, na lungsim uh na khuahsak kei un. Keimah hong dong hong ze-etin, Keima hih theih nate, kum sawmli tawntung mu-in, gampa lakah kei tawh kilem lohna bawlin, hong hehsak huna a om bangin om kei un.

2 TIMOTI NIHNA 2:9

Tua Lungdamna Thu hangin keimah in mi gilo bangin khau kikhihna dongin gimna ka thuak hi. Ahih hangin Pasian’ thu ahih leh, a kikhihna om lo hi.

Efesa 4:1

Tua ahih ciangin a hong sapna thupha note in na ngah uh tawh kituakin na zuih nadingun, Topa hanga thongkia keimah in hansuahin kong zol hi.

Efesa 3:1

Tua thu hangin note phattuam nadingin ngaihsunin, keimah a hong piak Pasian’ hehpihna thupha note in na zak uh leh, Gentail mi ahi note hangin Khazih Zeisu’ thongkiapa kei Paul in,

Sawltak 28:25

Tua mah bangin khat leh khat thu kituak loin, Paul in thu khat a gen khit ciangin a paikhia uh hi. Paul in, “Kha Siangtho in kamsangpa Isaiah tungah na pute na pate kiang uh ah a kituakin a gen hi.

Sawltak 28:20

Tua ahih ciangin note mu-in, hong hopih dingin kong sam hi. Bang hang hiam na cih uh leh, Israel pawlte’ lametna thu hangin hih sikkhau khihna ka thuak hi,” a ci hi.

Sawltak 28:17

Ni thum khit ciangin Paul in Judah mi upate a kikhopsak khit ciangin, “Ute naute aw, kei in Judah mite tung ahi zongin, i pute i pate’ ngeina tung ahi zongin, ka khial lo napi-in, Jerusalem khua mite in hong man uh a, Rom mite’ khut sungah hong pia uh hi.

Sawltak 26:29

Paul in, “Nang akipan tuni-in ka thu a za khempeuh in hih sikkol sim lohin, thu tam tawh ahi zongin, thu tawm tawh ahi zongin, kei tawh kibang na suah theih nadingun Pasian kiangah thu ka ngen hi!” a ci hi.

Sawltak 24:27

Kum nih a cin’ ciangin Porsias Festas in Feliks za a laih hi. Tua Feliks in Judah mite lungdamsak nuamin Paul thong sungah a omsak lai hi.

Sawltak 22:25

Amaute in Paul savun khau tawh a hen khit uh ciangin Paul in a kiangah a ding bupa kiangah, “Thukhenna thuak loin Rom mi sat ding a kilawm hiam?” ci-in a dong hi.

Sawltak 16:6

Frigia gam leh Galati gamah a paisuak khit uh ciangun Asia gamah Pasian thu hilh lo dingin Kha Siangtho in a kham hi.

Sawltak 13:2

Topa’ na sem uh a, an a tan’ lai takun Kha Siangtho in “Barnabas leh Saul keima nasem ding ka sapsa bangin hong khenkhiat un,” a ci hi.

Sawltak 9:16

Keima min hangah bangzah takin a thuak nading ke’n ka lak ding hi,” ci-in a gen hi.

Hosea 12:10

Kamsangte tungah thu ka gen hi. Mangmuhna a ban banin pia-in, kamsangte tungah thugentehna tawh thu a genpa in keimah ka hi hi.

Isaiah 20:2

Tua hun ma kum thum lai takin Topa in Amoz’ tapa Isaiah tung tawnin thu genin, “Na puanhampi suah in la, na khe panin na khedapte suah in,” a ci hi. Amah zong tua mah bangin gamta-in, tangguak leh kheguak tawh lam pai hi.

Jeremiah 19:1

Topa in hong hopih a, “Beel sekpa’ kiangah pai in la, leibeel khat va lei in. Mite’ lakah upa pawlkhat leh siampi upa pawlkhat tonpih in la,

Johan 18:1

Zeisu in hih bangin thu a nget khit ciangin, a nungzuite tawh tua mun nusia-in Kidron Kuam a kantan uh hi. Tua kuam galkhat ah Oliv huan khat a om hi; tua huan sungah amah leh a nungzuite a lut uh hi.

Sawltak 8:29

Kha Siangtho in, “Tua leeng va nai in la, beel in,” ci-in Filip kiangah thu a piak ciangin Filip in ama kiangah tai a,

Sawltak 21:4

Tua lai-ah nungzuite ka muh uh ciangin ni sagih tawntung ka tam uh hi. Paul in Jerusalem khua ah pai lo dingin amaute in Kha Siangtho theihsakna tawh a gen uh hi.

1 TIMOTI MASA 4:1

Kha Siangtho in a tel taka a genkholh inah, a tawpna hun ciangin,