Sawltak 20:7 - Tedim Bible

⁷ Ni sagih sung pan ni masa bel ni-in khomun balnen dingin ka kikhop lai takun, Paul in zingsang cianga pai sawm ahih manin amaute tawh kihopih a, zankim dongin thu a hilh hi.

Tedim Bible Revision 2017

⁷ Sani nitakin an nekhawm dingin ka kikhawm uh a, a zing ciangin a ding khia ding ahih manin Paul in a thuhilh zankim ciang dong a zomsuak hi.

Sawltak 20:7 Referans Kwoze

1 KORIN MASA 16:2

Ka hong tun’ ciangin kaihkhop tawm a kul nawn loh nadingin nisagih laka ni masa bel ni-in mi a vekpi in na ngah bangun na khia khol ciat un.

Sawltak 2:42

Amaute in sawltakte’ thuhilhna a mang uh a, kipawl khawmna, khomun balnenna leh thungetna a bawl tawntung uh hi.

Johan 20:19

Ni sagih lakah ni kipat ni, a nitak ciangin Judah mite a kihtak man-unah a nungzuite in kikhopna-ah kongkhakte khakin a om uh a, tua sungah Zeisu hong lut a, amau lai zangah ding-in, “Nopna na ngah ta un!” a ci hi.

Johan 20:1

Ni sagih lakah a kipat ni, khuavak ma zingtungin Magdala khua Mari hanah pai a, han kong khakna suang kilakhia zo-a om a mu hi.

Mangmuhna 1:10

Topa’ ni-in Kha Siangtho sungah ka om lai takin ka nung lam pan peengkul aw bangin nakpi gingin,

Sawltak 20:11

Paul paito kik a, khomun balnenin a neek khit uh ciangin, amaute tawh khuavak dongin sawtveipi a kihopih khit uh ciangin paikhia hi.

Sawltak 28:23

Kimuh nading ni a seh uh ciangin mi tampite in Paul’ omna-ah hong pai uh a, Paul in Pasian’ Gam thu teci pang a, tuate in Zeisu thu a up nadingun Moses’ Thukham lai leh Pasian’ kamsangte lai paulamin thu hilhin, zingsang akipan nitum dongin a zol hi.

Sawltak 20:9

Eutikhas min nei tangval khat in kongvangneu gei-ah a tut lai takin lusu-in, a ihmu hi. Paul in sawtveipi thu hilh ahih ciangin tua tangval ihmu a, inn thuap thum tung pan kiasuk a, a si hi.

Luka 24:35

amaute in zong lampi-ah thu piang khempeuh leh khomun a balnen lai takin a kilakna thu a gen uh hi.

1 KORIN MASA 15:10

Ahih hangin Pasian’ hehpihna thupha hangin ka hi bangin ka hi hi. Ka ngahsa hehpihna thupha a mawkna ahi kei hi, sawltakte khempeuh sangin hahkat zaw-in ka sem hi. Tua bang ka cih hangin kei a hahkat ka hi kei hi; keimah tawh a omkhawm Pasian’ hehpihna thupha in a hahkat hi.

1 KORIN MASA 10:16

Eite in hehpihna i phatna thupha’ hai in Khazih’ si tawh kizopna hilo ahi hiam? Eite balnen khomun in Khazih’ pumpi tawh kizopna hilo ahi hiam?

Sawltak 20:31

Tua ahih ciangin kikem un. Keimah in kum thum tawntung sun tawh zan tawh pelh loin mi khempeuh khitui tawh hilhin, ka om na mangngilh kei un.

Sawltak 2:46

Amaute in biakna innpi sungah ni simin lungsim kituakin a om uh a, amau innah anlum balnenin, a siangtho lungdamna tawh anne tuidawn uh a, Pasian a phat uh hi.

Johan 20:26

Tua nung ni giat ni ciangin, a nungzuite inn sungah khatvei kikhawm kik uh a, Thomas zong a om hi. Kongkhakte a kikhak lai takin Zeisu zong hong pai a, amau laizang ah ding-a “Nopna na ngah ta un,” a ci hi.

Luka 22:19

Amah in khomun la a, hehpihna a phat khit ciangin, khomun balnenin, “Hih khomun in note ading a kipia ka pumpi ahi hi. Kei nong ngaihsut nadingun hih bangin na hih un,” ci-in a nungzuite a pia hi.

Nehemiah 9:3

Tua ciangin amau’ omna mun ciat uhah ding-in Topa amau’ Pasian’ thukham laibu nai thum sung sim uh a, a dang nai thum sung amaute in mawhna pulakin Topa a Pasian uh zahtakna bawl uh hi.

Nehemiah 8:3

Tua ciangin amah in Tui Kongpi mai-a om tualpi lam mai ngatin zingsang tung-a kipan sun ciang dong, numei pasal leh thu a telthei ding mite’ zakin tua laibu sunga thute sim a, mi khempeuh in tua thukham laibu sunga thu kisimte lim takin ngai uh hi.

2 TIMOTI NIHNA 4:2

Pasian thu hilh in, a hun a om zongin a om kei zongin hahkatin mawhna lakin, taai in; lungnemna khempeuh tawh thu hilhin hansuah in.

Marka 16:9

Zeisu in ni sagih lakah ni kipat ni, zingtuungin a thawhkik khit ciangin, a sung pan dawi sagih a hawlkhiat Magdala khua Mari kiangah a masa penin a kilak hi.

Sawltak 16:10

Paul in mang a muh khit ciangin Makedonia gamah pai-in, amaute kiangah Lungdamna Thu hilh dingin Pasian in kote hong sawl zo hi ci-in ka ciamteh ka ngaihsun uh ahih ciangin, tua gamah thakhatin pai na’ng ka hanciam uh hi.

Sawltak 20:5

Hih mite a pai masa uh a, Troas khua-ah kote hong ngak uh hi.