Sawltak 20:4 - Tedim Bible

⁴ Paul tawh Asia gam a zin dingin a paikhawm mite in Bera khua mi Pirras’ tapa Sopater, Thesalonika khua mi Aristarkhus leh Sekundus, Derbe mi Gaia, Listra mi Timoti, Asia gam mi Tikhikas leh Trofimas-te ahi uh hi.

Tedim Bible Revision 2017

⁴ Berea khuami Pirrasʼ tapa Sopater, Thesalonika khuami Aristarkhas le Sekundus, Derbe khuami Gaias, Timoti le Asia gam sung panin Tikhikas le Trofimas te in zong a zui uh hi.

Sawltak 20:4 Referans Kwoze

Sawltak 19:29

Khua sung khempeuh gamlumna tawh kidim hi. Amaute in Makedonia pana Paul’ khualzinpihte, Gaias leh Aristarkhus a mat khit uh ciangin, pawikhamna inn sungah lungsim kikhatin a tai uh hi.

2 TIMOTI NIHNA 4:20

Erastas in Korin khua-ah a om lai hi. Trofimas in cina ahih ciangin Miletas khua-ah ka nusia hi.

Efesa 6:21

Note in keima tungah thu hong piang khempeuh na theih nadingun Topa sungah lungsim nei a, sawltak na a sem Tikhikas in nomau kiangah thu a vekpi-in hong gen ding hi.

Titu 3:12

Artemas ahi zongin, Tikhikas ahi zongin, na kiangah kong sawl ciangin Nikopolis khua keima kiangah na hong pai nading na hahkat in. Bang hang hiam na cih leh, tua khua-ah phalbi hun sung teng khawl ning ci-in ka hanciam zo hi.

2 TIMOTI NIHNA 4:12

Tikhikas ahih leh, Efesa khua-ah ka sawl zo hi.

Kolose 4:7

Topa sungah dikna nei-in nasem khawm sila ka hihpih, a it huai mi ahi sanggampa Tikhikas in keima thu a om khempeuh note kiangah a hong gen ding hi.

Sawltak 21:29

Bang hangin hih bangin ahih uh hiam i cih leh, a beisa hun lai-inah Paul leh Trofimas min nei Efesa khua mipa khua sungah a omkhawm a mu zo uh a, Paul in tua mipa biakna innpi sungah a tumsak hi ci-in a um uh hi.

Sawltak 16:1

Paul in Derbe khua leh Listra khua-ah a tung hi. Tua Listra khua-ah Timoti min nei nungzui khat a om hi. A nu in thu-um Judah numei ahi hi.

Sawltak 14:6

amaute in a theihkholh uh ciangin Likaonia khua, Listra khua leh Derbe khua akipan,

Kolose 4:10

Kei tawh thong a kia khawm mi Aristarkhas akipan Barnabas’ nau Marka leh Justas a kici Zeisu te in note a hong hopih uh hi. Marka thu tawh kipawl note kiangah ka hong khak zo hi. Amah note kiangah a hong tun’ ciangin dawnin na tungsak un.

3 JOHAN THUMNA 1:1

Upa in a man takin ka it Gaias kong zasak hi.

2 TIMOTI NIHNA 1:2

Ka it ka tapa Timoti kong zasak hi. Pa Pasian leh i Topa Khazih Zeisu kiangpan hehpihna thupha, hehpihna leh nopna nang tungah om ta hen.

1 TIMOTI MASA 1:1

Eite Honpa Pasian leh i lametna Khazih Zeisu thupiakna tawh Khazih Zeisu sawltak keimah Paul in:

Filippi 2:19

Ahih hangin note thu thei-in ka lungnop tuam nadingin, note kiangah Timoti ka hong sawl ding hi ci-in Zeisu sungah ka lamen hi.

2 KORIN NIHNA 1:19

Bang hang hiam na cih uh leh, keimah-a kipan Silvanas leh Timoti-te in note kiangah kong hilh uh Pasian’ Tapa Zeisu Khazih in, “Ahi hi,” ci ding ahi zongin, “Ahi kei hi,” ci ding ahi zongin ahi kei hi; “Ahi hi,” a cihna bek ahi den hi.

2 KORIN NIHNA 1:1

Pasian’ deihna hangin Khazih Zeisu’ sawltak keimah Paul leh i sanggampa Timoti in Korin khua-ah a om Pasian’ pawlpi akipan Akhaia gam tengah a om misiangthote khempeuh thu kong zasak uh hi.

ROM (Romans) 16:23

Kei ahi zongin, pawlpi khempeuh ahi zongin, zin hong do thei Gaias in note hong hopih hi. Khuapi dangka keem Erastas leh i sanggampa Kuartas-te in note hong hopih uh hi. (

ROM (Romans) 16:21

Kei tawh na a semkhawm Timoti akipan ka behte ahi uh Lukias, Jason leh Sosipater-te in note hong hopih uh hi.

Sawltak 27:2

Asia gam tuipi gei-ah a om khuate ah pai dinga kisa Adramittium teembaw tungah tuangin ka pai uh hi. Makedonia gam Thesalonika khua mi Aristarkhas kote tawh a omkhawm hi.

Sawltak 17:1

Amaute in Amfipolis khua leh Apollonia khua-ah a ban’ khit uh ciangin, Thesalonika khua-ah a tung uh hi. Tua khua-ah Judah mi kikhopna inn a om hi.

Sawltak 14:20

Ahih hangin nungzuite in ama kimkot ah a om lai takun tho a, khua sungah a tum kik hi. Zingsang ciangin Barnabas tawh taikhia a, Derbe khua-ah a tung uh hi.

Sawltak 2:9

Parthia mi a kipan Media mi, Elam mi, Mesopotamia gam, Judah gam, Kappadokia gam, Pontas gam, Asia gam,

Sawltak 16:6

Frigia gam leh Galati gamah a paisuak khit uh ciangun Asia gamah Pasian thu hilh lo dingin Kha Siangtho in a kham hi.

Sawltak 17:13

Ahih hangin Paul in Berea khua-ah Pasian’ thu a hilh thu Thesalonika khua Judah mite in a zak uh ciangin, Berea khua-ah hong pai uh a, mihonpi a hansuah khit uh ciangin, a nawngkai sak uh hi.

Sawltak 20:16

Bang hang hiam i cih leh, Paul in Pentekost pawikham ni a tun’ ma-in Jerusalem khua a tun’ zawh man khak leh ci-in hahkat a, Asia gamah sawtpi om nuam lo ahih ciangin, Efesa khua-ah khawl loin pai ding a hanciam zo hi.

Sawltak 20:18

Amaute a tun’ uh ciangin Paul in a gen-inah: “Asia gam ka tun’ ni-a kipan tu dongin nomau tawh bang ci gamtat-in a tawntungin ka omkhawm nong thei uh hi.