Sawltak 20:33 - Tedim Bible

³³ Kuama kham ahi zongin, ngun ahi zongin, puan ahi zongin ka deihgawh kei hi.

Tedim Bible Revision 2017

³³ Kuama neihsa, ngun, kham le puante en dingin ka ngaihsun ngei kei hi.

Sawltak 20:33 Referans Kwoze

2 KORIN NIHNA 11:9

No tawh ka omkhawm lai takin na khat peuhpeuh ka deih ciangin kuamah tungah vangik ka guan’ kei hi. Bang hang hiam na cih uh leh, Makedonia gam pan a hong pai ute naute in ka deihna khempeuh hong pia hi. Note tungah gimna khat ka suah loh nadingin kei in na khempeuhah ka kikem hi. A nung ciangin zong ka kikem lai ding hi.

1 KORIN MASA 9:12

Midangte in note tungah hih bang thu a ngah theih uh leh, kote in ka ngah ding uh kilawmzaw hilo ahi hiam? Ahih hangin kote in tua thu ka zang kei uh hi. Khazih’ Lungdamna Thu ka khaktan khak loh nadingun na khempeuh ka thuak uh hi.

1 KORIN MASA 9:18

Tua ahih leh, ka noptuamna bang ahi hiam? Lungdamna Thu ka hilh ciangin thuhilhte ngah ding nate zang loin, Lungdamna Thu a ngaite sum beisak lo dingin ka sep leh, noptuamna a om ding hi.

2 KORIN NIHNA 7:2

Kote ading na lungsim uh na za sak un. Kote in kuamah tungah ka khial kei uh hi. Kuamah ka bawlsia kei uh hi. Kuamah kheemin a sum ka la kei uh hi.

1 THESALONIKA MASA 2:5

Bang hang hiam na cih uh leh, note in na theih uh mah bangin, kote in mi phatna kam khat beek ka zang kei uh a, a kiseel huaihamna lungsim neu kha beek a om loh thu, Pasian in kote ading teci a pang hi.

1 KORIN MASA 9:15

Ahih hangin ka zat theih nate ka zang kei hi. Note in kei tungah tua bang nong bawl nadingun hih lai ka gelh kei hi. Bang hang hiam na cih uh leh, ka kisaktheihna mikhat in hong sukgawp sangin si leng a phazaw tham hi.

1 PETER MASA 5:2

Note lakah a om Pasian’ tuu honte cin’ nading thu panin, zawhthawhna tawh cing loin, a siangtho lo sum hauh nading hi loin, hehpihna lungsim tawh,

Gamlak-vakna 16:15

Moses heh mahmah a, Topa kiangah, “Amau’ biakna thupi ngaihsut kei in. Amaute tung panin la khat zong la loin, amaute khat zong ka siasak kei hi,” a ci hi.

1 KORIN MASA 9:4

Kote in an neek na’ng, tui dawn na’ng thuneihna nei lo ka hi uh hiam?

2 KORIN NIHNA 11:7

Note pahtawi nadingin keima pumpi ka niamsak a, thaman la loin note kiangah Pasian’ Lungdamna Thu kong gen kong hilh ciangin ka mawh hiam?

3 JOHAN THUMNA 1:7

Bang hang hiam na cih leh, amaute in Topa’ min hangin Gentailte lakah huhna la loin a pai uh hi.