Sawltak 20:3 - Tedim Bible

³ Kha thum a om khit ciangin teembaw tawh Siria gamah pai dinga akisak lai takin Judah mite in ama tungah bawlsiatna ding a hanciam uh ahih ciangin, Makedonia gam lamah paikik ding a hanciam kik uh hi.

Tedim Bible Revision 2017

³ tua gamah kha thum sung a taam hi. Syria gam manawh dingin a kithawi laitakin tua gam a om Jew mite in lamkal ah amah a thahsawmna thu za ahih manin Masedonia gam tawn kikin khualzin ding a ngaihsun hi.

Sawltak 20:3 Referans Kwoze

Sawltak 20:19

Lungsim kiniamsakin, khitui luangin Judah mite’ hanciamna hoih lo bawlsiatna thuakin, Topa’ na ka sem hi.

2 KORIN NIHNA 11:26

Tam veipi thuhilhin ka zin hi, gun galkah kihtakna, mi suamte kihtakna, ka mi pawlte’ hong bawlsiatna launa, Gentailte’ bawlsiatna launa, khuapi sungah a tung launa, gam lakah a tung launa, tuipi launa, u leh nau banga kibawl mite’ bawlsiatna launa, hih gimna khempeuh ka thuak zo hi.

Sawltak 25:3

Lampi-ah bukin thah ding a vaihawm uh a, Jerusalem khua-ah a paisak nadingin a thuum uh hi.

2 KORIN NIHNA 7:5

Makedonia gamah ka tun’ uh ciangin ka pumpi ading tawlngakna bangmah om lo hi. Na khempeuh panin bawlsiatna ka thuak uh hi. Pua lamah kidona a om hi, sung lamah launa a om hi.

Galati 1:21

Tua nung ciangin Siria gam leh Kilikia gamah pai-in

2 KORIN NIHNA 1:15

Tua bang lamenin ka om a, note in nih vei thupha na ngah nadingun note kiangah hong pai masa ning, ci-in ka lungngai hi.

Sawltak 21:3

Saipras tuikulh ka muh uh ciangin a tak lamah pai-in Siria gam galkahin Tai-ar khua-ah ka khawl uh hi. Bang hang hiam i cih leh, teembaw in tua khua-ah a van puak teng suahkhia ding ahi hi.

Sawltak 19:21

Tua nung ciangin Paul in Makedonia gam leh Akhaia gamah a pai khit ciangin Jerusalem khua-ah pai ding a lungsim sungah hanciamin, “Tua khua ka tun’ khit ciangin Rom khua ka phak teitei kul ding hi,” a ci hi.

Sawltak 18:18

Paul in ni tampi a tam khit ciangin ute naute tawh kikhen a, nidang lai-a a kiciamsa bangin Kenkhrea khua-ah a sam a met khit ciangin, Prisilla leh Akuila tawh teembaw tuangin Siria gamah a pai hi.

Sawltak 16:9

Zan ciangin Paul in mang a mu hi. Tua mang sungah Makedonia mi khat ding-in, “Makedonia gamah galkah in la, kote hong huh in,” ci-in a thuum hi.

Jeremiah 5:26

Ka mite lakah mi gilote kihel uh a, vasa thang siah bangin mite thang siah-in man uh hi.

Paunak 1:11

Amaute in, “Hong pai in, mi khatpeuh va that ni, Mi ommuang khat va muan suam ni,

Ezra 8:31

Tua ciangin Jerusalem zuan dingin kha masa a ni sawm-le-nih ni-in Ahava lui panin ka dingkhia uh hi; i Pasian in eite hong ompih ahih manin lam kal-ah galte leh pan’simna a tuamtuamte tawh hong kipelhsak hi.

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

Sawltak 16:12

Tua khua panin paikhia-in Rom khua kici Makedonia gam sungah a lianbel khua ahi, Filippi khua ka tung uh a, sawt veipi ka tam uh hi.

Sawltak 20:1

Tua gamlumna a bei khit ciangin Paul in nungzuite sam a, a hansuah khit ciangin, amaute tawh kikhenin Makedonia gamah a pai hi.

Sawltak 20:2

Tua gamah paisuakin thu-um mite a hansuah khit ciangin Grik gam a tung hi.