Sawltak 20:29 - Tedim Bible

²⁹ Ka pai khit ciangin gilo ngiate in nomau lakah lutin, a tuute a hehpih kei ding uh hi.

Tedim Bible Revision 2017

²⁹ Kei ka om nawn loh ciangin, sa gilote in gannote a phial gawp bangin, mi pawl khat in thu um mite hong phial gawp ding lamtak ka thei hi.

Sawltak 20:29 Referans Kwoze

Mattiu 7:15

“A sungah hangsan ngia hi napi-in tuuvun silh a, no kiangah hong pai thuzuau hilhte na kingaihsun un.

2 PETER NIHNA 2:1

Ahih hangin mite lakah kamsang zuau hong piang mah bangin a kikhenthang thei up khialhna ngeina, kheemna tawh guangin, amau pumpi uh a lei Topa nangawn nialin, amau tungah a manlangin kisiatna a tungsak thu zuau hilh siate in note lakah zong a om ding uh hi.

Sawltak 20:28

Tua ahih ciangin Topa in a si tawh a lei pawlpi vaak dingin Kha Siangtho in note a hong koih, tuunote leh nomau pumpi uh pha takin na kem un.

Johan 10:12

Tuu neipa hi lo a kicial tuucing ahih leh, ngia hong pai a muh ciangin tuute nusia-in tai a; ngia in tuute manin a kithehthangsak hi.

Luka 10:3

Pai un. Ngia hon lakah tuuno kikhahte bangin no kong sawl hi.

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Zekhariah 11:17

Kiman’na a neilo tuucingpa, a tuuhonte a nusiapa in gimna ngah ta hen! Namsau in a ban bantan hen la, a taklam mit satkham hen. A ban beimang hen la, a taklam mit tawcip hen!” hong ci hi.

Jeremiah 23:1

Topa in a gen-inah: “Ka mite sisak a, a kikhenthang sak gam ukte in gimna ngah ta hen!” a ci hi.

Zefaniah 3:3

A uliante, a hawk thei humpinelkai gilkial bang a, a thukhente, keivom gilkial bang uh hi. Zing khuavak mateng a saguh nek a nusia nuam lo, a huaiham gamsate tawh kibang uh hi.

Jeremiah 13:20

“Jerusalem khua aw, khuadak in la, leilu lam pan-a hong paite en dih in. Nang a hong kipia a hoih mahmah na tuu honte koi-ah om ahi hiam?

Ezekiel 22:27

A kumpi uliante uh pen a samatsa uh a bal gawpgawp ngia hon tawh kibang hi. Sum ngah theihna dingin mi that uh hi.

Ezekiel 34:8

Keimah in a nungta Topa Pasian ka hih takpi mah bangin, keima thu nong ngaih zawk ding uh hi napi-in, tu-in a cing om lo ahih manin gamsate in ka tuute manin that in ne uh hi. Ka tuu a cingte in a tuu uh zong loin, amau pumpi bek mah kivakin ka tuute vak lo uh hi.

Daniel 11:34

Tua banga thahna a thuak lai takun, pawlkhat in huhna a ngah ding uh hi. Ahih hangin mi tampi in huhna a piak uh hangin, amau ading meetna a zong bek ahi uh hi.

Luka 12:32

“Tuu honno aw, na lau kei un. Bang hang hiam na cih uh leh, na Pa un note kiangah Gam a hong pia nuam hi.

Johan 21:15

Tua ahih ciangin an a nek khit uh ciangin Zeisu in, “Johan’ tapa Simon aw, hih mite in kei hong it sangin nang hong itzaw na hi hiam?” ci-in Simon Piter a dong hi. Piter in, “Ahi hi, Topa aw, nang kong it na thei hi,” a cih ciangin, “Ka tuunote na vak in,” ci-in thu a pia hi.

1 PETER MASA 5:2

Note lakah a om Pasian’ tuu honte cin’ nading thu panin, zawhthawhna tawh cing loin, a siangtho lo sum hauh nading hi loin, hehpihna lungsim tawh,

Juda 1:18

Amaute in, “A nunung bel hunin Pasian’ deihlohna tawh kipawl amau pumpi uh deihgawhnate bangin zui-in, a kosia thei mite hong kilang ding uh hi,” ci-in note kiangah hong gen zo uh hi.