Sawltak 20:27 - Tedim Bible

²⁷ Bang hang hiam na cih uh leh, Pasian’ thu buppi note kiangah gen dingin ka pelh kei hi.

Tedim Bible Revision 2017

²⁷ Bang hang hiam cih leh note tungah Pasianʼ thu kong gen loh khat zong om nawn lo hi.

Sawltak 20:27 Referans Kwoze

Sawltak 20:20

Note ading thupha khat beek siit loin mi kikhopna sungah ahi zongin, inn khat pan inn khatah ahi zongin, ka hong hilh hi.

1 THESALONIKA MASA 2:4

Lungdamna Thu zui dinga kilawm mi ci-in Pasian in ko hong koih mah bangin mite lungsim uh kimsak bang hi loin, lungsim a hong dongtel Pasian lungkimsak bangin thu ka hilh uh hi.

2 KORIN NIHNA 4:2

Zumhuaina tawh kipawl a kiseel nate ka paaikhia zo uh hi. Kikheemna zang loin Pasian’ thu im loin, lumlet loin, thuman a tel takin hilhin Pasian mai-ah mi khempeuh in a kitheihna lungsim tawh hong phat nading phathuaina ka gamta uh hi.

Galati 4:16

Tua ahih leh, keimah in thuman thutak note kiangah ka hong gen ciangin note’ gal suak ka hi hiam?

Efesa 1:11

Ama deihna tawh kipawl hanciamna bangin tanglai peka eite hong ciamtehsa bangin eite in tua Khazih sungah luahna na i hi hi.

1 KORIN MASA 11:23

Bang hang hiam na cih uh leh, note kiangah ka hong piak thu in Topa kianga ka ngahsa hi. Ka ngahna in: Topa Zeisu a galte’ khut sungah a kipiak ding nitakin khomun la a,

Sawltak 20:35

Tua bangin note in na nasep uh a, thahat lo mite na huh ding uh a, ‘Ngahna sangin piakna-ah thupha lianzaw hi,’ ci-in Zeisu in a genna kammal na ngaihsut dingun na khempeuh ah note kiangah thugentehna kong lak zo hi,” ci-in a gen hi.

Sawltak 2:23

Tua Zeisu Pasian’ hanciamna leh theihkholhna hangah a kipiak khit ciangin note in migilote’ khut tungah pia-in singlamteh tungah na sisak uh hi.

Luka 7:30

Ahih hangin, Farisaite leh laitheite in amau noptuam nadingin Pasian’ deihna a nial uh a, Johan’ baptaizna a sang kei uh hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Late 32:11

Thumante aw, Topa sungah lungdamin kipak un, lungsim man mi khempeuh aw, lungdamin awng un!

Johan 15:15

Tu-a kipanin note sila kong ci nawn kei ding hi. Bang hang hiam na cih uh leh, silate in a topa bawlna thu a thei kei uh hi. Lawmte kong ci ding hi. Bang hang hiam na cih uh leh, ka Pa kiangah thu ka zakte no kong theisak zo hi.

Jeremiah 23:22

Ahih hangin amaute in ka lungsim tawng dong thei uh hi leh ka thu gente ka mite tungah a tangko ding uh a, a nuntakna hoihlote panin kikhel sakin, a gamtat hoih lote panin zong a kikhelsak khin zo ding uh hi.

Sawltak 13:36

David in Pasian’ deih bangin ama khan’ lai-in na a sep khit ciangin si a, a pute a pate tawh kivui khawm a, muatna a thuak hi.

Late 40:10

Nangma gupkhiatna huhna ka lung sungah ka im kei a, na thumanna leh na gupkhiatna thu ka gen khin hi; na itna kip leh na thumanna mi honpi tungah ka im kei hi.

Jeremiah 26:2

“Topa in kong cih-inah, Topa’ biakinnpi huang sungah va ding in la, Topa’ biakinnpi sunga bia dinga hong pai Judah gam khuapite khempeuh kiangah gen ding a, kong sawl khempeuh va gen in. Kam khat beek im kei in.

Jeremiah 42:21

Topa na Pasian un note’ kianga gen ding a, hong sawl teng tu ni-in kong gen khin zo hi. Ahih hangin note in khat beek na mang kei uh hi.

Ezekiel 40:4

Tua mipa in kei kiangah, “Ezekiel aw, tu-a kong lah ding nate, na mit tawh lim takin en-in, na bil tawh lim takin ngai in la, lim takin ngaihsun in. Hih lai-ah nang kong paipihna pen hih thu hang mah ahi hi. Na muh na khempeuhte, Israel mite tungah a gen ding na hi hi,” hong ci hi.

Joshua 8:35

Moses in a thupiak kammalte khempeuh Israel mi honpite, leh numeite, leh naupangte, leh amau lakah a teeng peemtate mai-ah Joshua in a sim loh khat zong om lo hi.

Jeremiah 34:6

Jeremiah in zong hih thu teng khempeuh Jerusalem khua-a Judah kumpipa Zedekiah kiangah a gen hi.