Sawltak 20:24 - Tedim Bible

²⁴ Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

Tedim Bible Revision 2017

²⁴ Ahi zongin Topa Jesu in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna ah bangbang hong piang taleh a thupi-in ka ngaihsun kei hi.

Sawltak 20:24 Referans Kwoze

2 KORIN NIHNA 4:1

Tua ahih ciangin komau in tua nasepna za ka ngah uh ahih ciangin, a hong hehpihna thupha ka ngah uh mah bangin thanem lungkiatna ka nei kei uh hi.

2 KORIN NIHNA 12:10

Tua ahih ciangin Khazih hangin thanemna, kosiatna, zawn’khalna, bawlsiatna, a haksa gimna ka thuak ciangin ka nuam hi. Bang hang hiam na cih uh leh, ka thanem ciangin ka thahat hi.

Sawltak 21:13

Paul in zong, “Bang dingin kapin ka lungsim kizan nading na hih uh hiam? Topa Zeisu’ min hangin Jerusalem khua-ah kihen tham loin, sihna nangawn thuak dingin ka omkhol hi,” a ci hi.

1 KORIN MASA 15:58

Tua ahih ciangin ka it ka ute ka naute aw, Topa’ nasep na hahkatna uh in Pasian tungah a mawkna hi lo hi cih thei na hih ciangun lungkipin, kicingin, kiam loin, hoi loin hahkat-in sem un.

ROM (Romans) 11:6

Hehpihna hangah ahih leh, gamtatna hang ahi kei hi. Tua bang ahih kei leh, hehpihna in hehpihna ahi kei hi.

Sawltak 14:3

Tua ahih ciangin a sawtpi tua san takah a om uh a, lau loin Topa’ min tawh thu a hilh uh hi. Topa in amaute’ khut tungah lim leh nalamdang bawl dingin thu pia-in, ama hehpihna thu ading teci a pang hi.

1 PETER MASA 5:12

Keimah in note hong hansuahin, hih thute in Pasian’ hehpihna thupha thu a man takpi ahi ci-in teci pangin hih lai a tomin ka gelh khit ciangin, midik ka sak sanggampa Silvanas’ khut sung pan ka hong pia hi.Tua sungah na kip un.

Galati 1:1

Mite kiang pan hi lo, mite’ thu tawh hi lo, Zeisu Khazih’ thu tawh ahi zongin, tua Zeisu sihna panin a thosak Pa Pasian’ thu tawh ahi zongin sawltak ahi keimah Paul akipan,

2 KORIN NIHNA 5:8

Pum leh tak tawh kikhenin Topa tawh innah omkhawm tawntung dingin ut zaw-in lau lohna lungsim ka nei uh hi.

Sawltak 20:32

Tu-in Pasian kiangah note kong pia hi. Note hong kipsak nading ahi zongin, misiangthote khempeuh tawh a kibangin note in luahna na ngah nading uh ahi zongin, ahih thei Pasian’ hehpihna thupha ah note kong ap hi.

Sawltak 11:23

Barnabas a tun’ ciangin Pasian’ hehpihna thupha a muh ciangin a lungdamin amaute in a lungsim tawh Pasian beel dingin mi khempeuh a hansuah hi.

Filippi 2:17

Tua tham loin, na piak uh biakna, note upna biakna tungah ka pumpi ka piakhia zongin, ka nuam hi; note khempeuh tawh ka lungdam khawm hi.

Sawltak 9:15

Topa in, “Pai ta in. Bang hang hiam na cih leh, amah in Gentailte mai-ah ahi zongin, kumpite mai-ah ahi zongin, Israelte mai-ah ahi zongin, ka min a puak dingin ka teelsa beel ahi hi.

Johan 17:4

Ka sep dinga nong piak na khempeuh sem zo ka hih man-inah leitungah na min ka thangsak zo hi.

Mangmuhna 12:11

Amaute in Tuuno’ sisan hangin ahi zongin, amaute teci pan’ na hangin ahi zongin zoin, sihna thuak dongin a nuntakna uh haza lo uh hi.

1 JOHAN MASA 3:16

Khazih in eite tangding a nuntakna a paih maninah eite in itna i thei hi. Eite in zong ute naute tangding i nuntakna paih ding a kilawm hi.

2 TIMOTI NIHNA 1:12

Tua thu hangah hih gimnate zong ka thuak hi. Ahih hangin ka zum kei hi. Bang hang hiam cih leh, ka uppa ka thei a, ama kiangah ka piak nate zong tua Ni dongin a kem zo ding hi ci-in ka um hi.

Kolose 1:24

Tu-in note adingin gimna thuakna ah lungdamin, Khazih’ gimna neu kha a kisam lai, pawlpi ahi ama pumpi adingin keima pumpi sungah hong kicingsak hi.

Efesa 3:13

Tua ahih ciangin note’ minthan’ nading ngaihsunin note ading ka thuak gimna hangin lungkia kei un ci-in kong hanthawn hi.

2 KORIN NIHNA 7:4

Note kiangah lau loin ka hong ci hi; note hangin ka kisathei mahmah hi. Hehnepna tawh ka dim hi. Ka thuakna uh gimna khempeuh ah a kigen thei loin ka lungdamzaw hi.

Hebru 10:34

Tua lai-in note in khihna a thuak mite na khasiat uh tham loin, neihsa a phazaw a kip tawntung sum a om hi ci-in thei-in na sum na paite uh hong kisuh ciangin na lungdam uh a, na mang uh hi.

Titu 2:11

Bang hang hiam na cih leh, thupha lametna, a lian Pasian leh eite Honpa Topa Zeisu Khazih, minthan’na tawh hong kilat ding eite in lamenin, Pasian thu tawh kituak lo gamtatna leh deihgawhnate

2 TIMOTI NIHNA 4:17

Thuhilhna khempeuh ka hilh theih nading ahi zongin, Gentail mi khempeuh in a zak nadingun ahi zongin, Topa in kei lamah om a, keima tha hong dimsak a, humpinelkai’ kam sung pan hong honkhia hi.

Sawltak 22:21

amah in, ‘Paikhia in. Gentailte kiangah gamlapi-ah nang kong sawl ding hi,’ hong ci hi,” ci-in a gen hi.

1 THESALONIKA MASA 3:3

Hih gimnate thuak dingin kote hong kikoih hi ci-in nomau mah in na thei uh hi.

1 THESALONIKA MASA 2:2

Note in na theih uh mah bangin kote in Filippi khua-ah zawn’khalna leh bawlsiatnate ka thuak khit uh ciangin, i Pasian suangin nakpi-in nialna tawh Pasian’ Lungdamna Thu nomau kiangah lau loin ka hong hilh uh hi.

Sawltak 20:21

Pasian mai-ah kisikkikna thu ahi zongin, eite Topa Zeisu Khazih upna ahi zongin, Judah mi leh Grik mite kiangah ka hilh hi cih note’n na thei uh hi.

Efesa 1:6

Zeisu Khazih hangin ama tapa-za i ngah nadingin hong deih hong hehpihna hangin, amahmah adingin amasa-ah hong koih khol hi.

2 TIMOTI NIHNA 3:11

Antiok khua, Ikonium khua leh Listra khuate-ah ka thuak gimna na thei hi. Tua thu khempeuhte pan Topa in kei hong gumkhia hi.

ROM (Romans) 4:4

Nasem mi in phattuamna a ngah ciangin hehpihna a ngah hi kici lo hi; thaman a ngah hi kici hi.

Johan 15:27

Note in zong a cil pan akipan kei tawh omkhawm na hih uh ciangin, teci na pang ding uh hi.”

Luka 16:28

Amaute in hih gimna sungah a tun’ loh nading thu a hilh dingin ka pa’ innah Lazaras nong sawlsak nadingin kong ngen hi,’ a ci hi.

Sawltak 13:25

Tua Johan in a nasepna a zawh lai takin, ‘Kei in kua mi ka hi hong um na hi uh hiam? Amah ka hi kei hi. Ahih hangin ka nungah hong pai mi khat a om lai hi. Ama khedap sut ding ka kilawm kei hi,’ a ci hi.

Sawltak 15:7

A tampi mah a kiseel khit uh ciangin Piter in ding a, thu a gen-inah: “Ute naute aw, Topa Pasian in a masa-in note lak pan keima kam tawh Gentailte in Lungdamna Thu za uh a, a up nadingun hong teel na thei uh hi.

Sawltak 18:5

Silas leh Timoti in Makedonia gam panin hong tun’ uh ciangin, Paul in thuhilh bek semin, Zeisu in Khazih hi ci-in Judah mite nakpi-in a hilh hi.

Sawltak 20:23

Ahih hangin kihenna leh thong sung khiat nadingte in kei hong ngak hi ci-in Kha Siangtho in khua khempeuh ah kei hong hilh hi.

Filippi 2:30

Bang hang hiam na cih uh leh, note in kei nong vaak, nong khoina uh a kicing lote amah in kicingsak dingin Khazih adingin ama nuntakna a sih dektak zah dongin a hanciam zo hi.

Mangmuhna 6:11

Tua lai takin amau khempeuh, puanpaak khat ciat a piak khit ciangin, amaute tawh nasem khawm mite akipan amaute mah bangin thahna a thuak ding sanggamte in kicin’na a tun’ dongin tomkha a ngak lai nading thupiakna a ngah uh hi.

1 KHANG TANGTHU MASATE 11:18

Tua ciangin a thahat mihing thumte in Filistiate’ giahphual phulin kulhkongpi gei-a om Bethlehem tuikhuk panin tui tawi uh a, a tui la-in David kiangah paipih uh hi. Ahih hangin David in tua tui dawn lo hi; amah in Topa adingin sung a,

2 KORIN NIHNA 4:12

Tua ahih ciangin sihna in kote sungah na hong seem hi. Note sungah ahih leh, nuntakna in na hong sem hi.