Sawltak 20:21 - Tedim Bible

²¹ Pasian mai-ah kisikkikna thu ahi zongin, eite Topa Zeisu Khazih upna ahi zongin, Judah mi leh Grik mite kiangah ka hilh hi cih note’n na thei uh hi.

Tedim Bible Revision 2017

²¹ Jew mi le Gentail mite a mawhna panun Pasianʼ lamah kihei-in i Topa Jesu a up nadingun thu ka gen khinzo hi.

Sawltak 20:21 Referans Kwoze

Sawltak 2:38

Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.

Sawltak 11:18

Amaute in hih thu a zak uh ciangin nial loin, “Pasian in Gentailte zong a nuntak nadingin kisikkikna thu a pia hi,” ci-in Pasian a phat uh hi.

Sawltak 20:24

Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

Luka 13:3

Ahi kei hi, kong ci hi. Note in zong na mawhna uh na kisikkik kei uh leh, tua mah bangin na kisia khin ding uh hi.

2 KORIN NIHNA 7:10

Bang hang hiam na cih uh leh, Pasian’ deihna tawh kituak dahna in hong gup nading tawh kizom kisik kikna lungsim hi a, a kikheel kik thei lo kisikna lungsim hong pia hi. Leitunga dahna in sihna a piangsak hi.

ROM (Romans) 10:9

Bang hang hiam na cih uh leh, “Zeisu in Topa ahi hi” ci-in na kam in mang a, Pasian in amah sihna pan a thosak kik zo hi ci-in na lungsim sungah na up leh, gupna na ngah ding hi.

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

1 JOHAN MASA 5:5

Zeisu in Pasian’ Tapa ahi ci-in a um mi sim loh, leitung a zo kua mi ahi hiam?

Sawltak 26:20

Amaute kisikkik a, kisikkikna tawh kilawm gamtatna bawlin Pasian kiangah a kihei na’ngun Damaskas khua-ah ka gen masak khit ciangin Jerusalem khua akipan Judah gamah a om mi khempeuh kiangah ahi zongin, Gentailte kiangah ahi zongin ka hilh hi.

1 JOHAN MASA 5:1

Zeisu in Khazih ahi ci-a a um mi in Pasian’ pian’sak mi ahi hi. Pa a it mi in Pa’ pian’sak mi zong a it ding hi.

Efesa 1:15

Tua ahih ciangin note in Topa Zeisu upna leh misiangtho khempeuhte na itna uh thu ka theih khit ciangin,

Galati 2:20

Keima pumpi a nungta lai ahi kei hi, Khazih in keima sungah a nungta hi. Tu-in ka pum sungah a nungta ka nuntakna in kei hong it a, keimah tangding ama pumpi a paai Pasian Tapa’ upna tawh a nungta hi.

ROM (Romans) 5:1

Tua ahih ciangin i upna tawh dikkisakna i ngah ahih ciangin eite Topa Zeisu Khazih hangin Pasian tawh i kilem hi.

ROM (Romans) 4:24

Eite adingin zong a gelh hi. Eite in Topa Zeisu sihna pan a tho kiksakpa i up leh, tua upna eite ading dikna bangin hong ciamteh ding hi.

ROM (Romans) 1:16

Khazih’ Lungdamna Thu hangin ka maizum kei hi. Bang hang hiam na cih uh leh, tua thu in a masa-in Judah mite, a nung ciangin Grik mite akipan a um mi khempeuh in gupna a ngah nading Pasian’ vangliatna ahi hi.

Sawltak 17:30

Pasian in mihingte’ theih nai loh hun bang mahin a sim loh hangin tu-in amau mawhna kisik kik nadingun mun khempeuh mite kiangah thu a pia zo hi.

Marka 6:12

Tuate paikhia uh a, mite mawhna kisik nading thuhilhin,

Marka 1:15

“A hun a kicing zo hi. Pasian Gam a hong nai zo hi. Na mawhna kisikkik un la, Lungdamna Thu na um ta un,” a ci hi.

Mattiu 4:17

Tua nung ciangin Zeisu in, “Na mawhna uh kisikkik ta un. Bang hang hiam na cih uh leh, Vantung Gam a hong nai zo hi,” ci-in thuhilh a kipan hi.

Galati 3:22

Tu-in ahih leh, a um mite in Zeisu Khazih upna tawh kipawl kiciamna a ngah nadingun Lai Siangtho in na khempeuhte mawhna sungah a khakcip hi.

Galati 2:16

Thukham zuihna hangin diktan’sakna a ngah lo, Khazih upna hangin diktan’sakna a ngah eite in zong Zeisu Khazih’ thu i um zo hi. Bang hang hiam na cih uh leh, Thukham zuihna hangin kuamah in dikkisakna a ngah kei ding hi.

1 KORIN MASA 1:22

Judah mite in nalamdang a ngen thei uh hi. Grik mite in lungpilna a zong thei uh hi.

ROM (Romans) 2:4

Pasian’ hehpihna thupha in nang kisikna lamah hong zol ciamteh loin na om lai takin, a kicing hehpihna leh lungduaina leh itnate don lo na hi hiam?

ROM (Romans) 1:14

Grik mite ahi zongin, mi pil lote ahi zongin, siamna a nei mite ahi zongin, siamna a nei lo mite ahi zongin tuate khempeuh tungah leiba nei ka hi hi.

Sawltak 28:23

Kimuh nading ni a seh uh ciangin mi tampite in Paul’ omna-ah hong pai uh a, Paul in Pasian’ Gam thu teci pang a, tuate in Zeisu thu a up nadingun Moses’ Thukham lai leh Pasian’ kamsangte lai paulamin thu hilhin, zingsang akipan nitum dongin a zol hi.

Sawltak 16:31

Amaute in, “Topa Zeisu na up leh, nangmah tawh, na innkuanpihte tawh gupna na ngah ding uh hi,” ci-in,

Sawltak 10:43

Amah a um mi khempeuh in ama min hangin mawhna maisakna a ngah ding hi ci-in Pasian’ kamsangte khempeuh in teci a pang zo uh hi,” ci-in thu a hilh hi.

Sawltak 8:25

Amaute in teci a pang uh a, Topa’ thu a hilh khit uh ciangin Jerusalem khuapi-ah a ciah uh a, Samaria mite khua tampi sungah Lungdamna Thu a hilh uh hi.

Sawltak 3:19

Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.

Sawltak 2:40

“Hih gilo khang mite lak panin kigumkhia un,” ci-in thudang tampi tawh hansuah a, thu a hilh hi.

Johan 20:31

Zeisu in Khazih hi a, Pasian’ Tapa ahih note’n na up theih nading uh leh, ama min umin tua min hangin nuntakna na ngah theih nadingun hih laibu a kigelh zo hi.

Johan 3:36

Tapa thu a umte khempeuh in nuntak tawntungna a nei hi. Ahih hangin Tapa a um lo mi in nuntakna a ngah kei ding hi, Pasian’ hehna in tua pa tungah a om hi.

Luka 15:10

Ke’n kong cih-inah, tua mah bangin a kisikkik mawhneipa khat hangin Pasian’ vantungmite’ omna munah nuamna a om ding hi,” a ci hi.

Luka 15:7

Ke’n kong cih-inah, tua bangin vantungah kisikkikna kisam a kisa lo sawmkua leh kuate sangin, mawhna a kisik migilo khat tungah nuamna a lianzaw hi.”

Luka 13:5

Ahi kei hi, kong ci hi. Note in zong na mawhna na kisikkik kei uh leh, tua mah bangin na kisia khin ding uh hi,” a ci hi.

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Kolose 2:5

Keima pumpi in note tawh kikhenin ka om hangin, ka lungsim note tawh omkhawm a, note in a ngeina bangin na bawl theihna uh ahi zongin, Khazih sungah upna kipin na om uh ahi zongin ka muh ciangin ka lung a dam hi.

Sawltak 24:24

Tua nung ciang a sawt loin Feliks Mangpipa in Judah mi ahi, a zi Drusilla tawh hong paikhawm a, Paul samin Zeisu Khazih upna thu a ngai uh hi.

Sawltak 19:17

Tua thu Efesa khua-ah a om Judah mite leh Grik mite khempeuh in a zak ciangin a lau uh a, Topa Zeisu’ min a phat uh hi.

Luka 16:28

Amaute in hih gimna sungah a tun’ loh nading thu a hilh dingin ka pa’ innah Lazaras nong sawlsak nadingin kong ngen hi,’ a ci hi.

Sawltak 20:23

Ahih hangin kihenna leh thong sung khiat nadingte in kei hong ngak hi ci-in Kha Siangtho in khua khempeuh ah kei hong hilh hi.