Sawltak 20:19 - Tedim Bible

¹⁹ Lungsim kiniamsakin, khitui luangin Judah mite’ hanciamna hoih lo bawlsiatna thuakin, Topa’ na ka sem hi.

Tedim Bible Revision 2017

¹⁹ Jew mite in kei hong thahsawmna hangin kiniamkhiatna le khitui naptui tawh haksapi-in Topaʼ na ka sem hi.

Sawltak 20:19 Referans Kwoze

Kolose 3:24

Bang hang hiam na cih uh leh, Topa Khazih’ nasem na hih uh ciangin luahna ahi thaman tua Topa’ khut tung pan na ngah ding uh hi ci-in na thei un.

2 KORIN NIHNA 2:4

Bang hang hiam na cih uh leh, lungman’na leh dahna tawh khitui tampi luangin lai ka hong gelh hi. Note heh nadingin ka hong gelh ahi kei hi: note ka hong itna lungsim na theih nadingun ka hong gelh hi.

ROM (Romans) 12:11

Nasep hahkat un la, thadah kei un. Lungdamna tawh Topa’na na sem un.

Sawltak 20:3

Kha thum a om khit ciangin teembaw tawh Siria gamah pai dinga akisak lai takin Judah mite in ama tungah bawlsiatna ding a hanciam uh ahih ciangin, Makedonia gam lamah paikik ding a hanciam kik uh hi.

2 KORIN NIHNA 7:5

Makedonia gamah ka tun’ uh ciangin ka pumpi ading tawlngakna bangmah om lo hi. Na khempeuh panin bawlsiatna ka thuak uh hi. Pua lamah kidona a om hi, sung lamah launa a om hi.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kapsim ding a, khitui luangin nakpi takin ka kap ding hi. Bang hang hiam cih leh Topa’ tuu honte sal dingin kikai zo hi.

Jeim 1:2

Ka u ka naute aw, ze-etna apawlpawl na thuak uh ciangin lungdam nading bek a hi ci-in na ciamteh un.

Filippi 3:18

Bang hang hiam na cih uh leh, nidang lai-in tam veipi kong genkhol a, tu-in zong khitui luangin ka hong gen mah bangin, Khazih’ singlamteh galin do-in a gamta mi tampi a om hi.

Galati 1:10

Tu-in keimah in mi’ deihna zui ka hi hiam? Ahih kei leh, Pasian’ deihna zui ka hi hiam? Mite’ pahtak ding hanciam ka hi hiam? Mite’ pahtak nading hanciam ka hih leh, Khazih’ sila ka hi kei hi.

2 KORIN NIHNA 3:5

Ahih hangin kote in ko’ siamna suangin komau ut thuin na khat peuhpeuh na hanciam nadingun a hih thei ka hi kei uh hi.

Sawltak 20:31

Tua ahih ciangin kikem un. Keimah in kum thum tawntung sun tawh zan tawh pelh loin mi khempeuh khitui tawh hilhin, ka om na mangngilh kei un.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

1 PETER MASA 1:6

Mei tawh a kize-et hangin a kisia thei kham sangin, note upna hong ze-etna un a pha zaw ahih maninah Zeisu Khazih hong kilat ciangin a phat nading, vangliat nading, minthan’ nading a suah nadingun, ze-etna apawlpawl thuak nading a om leh, note in tu-in tawlkhat na thuak uh a, na dah uh hangin a tungah ka gelhsa thupha ngaihsunin na lungdam mahmah un.

1 THESALONIKA MASA 1:9

Bang hang hiam na cih uh leh, kote in note lakah bang ci ka hong lut uh tham loin, a nungta leh thuman thutak Pasian’ na note in sem ding ahi zongin, a hong tung ding hehna pan eite hong gumkhia Zeisu ahi, sihna pan Pasian in a thawh kiksak a Tapa in vantung pan a hong kum kik ding a ngak ding ahi zongin, milimte pan Pasian kiangah bang na ci kihei uh, amau mah in a zasak uh hi.

ROM (Romans) 1:9

Keimah in thu ka nget ciangin, note thu tawh zomin thu ka ngen niloh hi ci-in a Tapa’ Lungdamna Thu hilhin ka lungsim sungah a na ka sep Pasian in keima lamah teci ahi hi.

ROM (Romans) 1:1

Mipawl lamsang ah David’ suan ahi, sihna pan a thawhkikna hangin a siangtho Kha lamsang ah vangliatna a nei, Pasian’ Ta kici i Topa Zeisu Khazih ahi,

Sawltak 27:23

Bang hang hiam na cih uh leh, hong uk leh kei in a na ka sepsak Pasian’ vantungmi khat in tuzanin ka kiangah ding a,

Sawltak 17:13

Ahih hangin Paul in Berea khua-ah Pasian’ thu a hilh thu Thesalonika khua Judah mite in a zak uh ciangin, Berea khua-ah hong pai uh a, mihonpi a hansuah khit uh ciangin, a nawngkai sak uh hi.

Johan 12:26

Ka na hong semte in ka nung hong zui ta hen. Keima omna munah ka nasemte zong a om ding hi. Ka na hong semte Pa in a pahtawi ding hi.”

Luka 19:41

Zeisu in a naih ciangin khuapi mu-in kap a,

Jeremiah 9:1

Aw, ka lu tuikhuk hi-in, ka mitte khitui nak hi tazen leh pawh, ka mite’ kithahlupna hangin a sun a zanin kapkap mai ning!

Late 119:136

Mite in nangma thu zui lo ahih manin ka khitui hawk luan’in a luang hi.

Mangmuhna 7:15

Tua ahih ciangin amaute in Pasian’ tokhom mai-ah omin ama biakinnpi sungah sun tawh zan tawh ama’ na a sem uh hi. Tokhom tungah tu-in a om mi in amau tungah a buk zal-in a lam ding hi.

Sawltak 17:5

Ahih hangin Judah mite in eengin, mi gilo kimkhatte a sap khit uh ciangin, mihonpi kikhawmsak-in khua sung a gamlumsak uh a, Jason’ innah a uumcip uh a, amaute mite mai-ah kaihkhiat nading a zong uh hi.

Sawltak 21:27

Tua ni sagih a cin’ dek tak ciangin Asia gam Judah mite in biakna innpi-ah Paul a muh uh ciangin,