Sawltak 20:1 - Tedim Bible

¹ Tua gamlumna a bei khit ciangin Paul in nungzuite sam a, a hansuah khit ciangin, amaute tawh kikhenin Makedonia gamah a pai hi.

Tedim Bible Revision 2017

¹ Hih buaina thu a ven ciangin Paul in thu um mite kaikhawmin, hanthotna kam genin amaute mangpha khak a, Masedonia gam a zuan dingin ding khia hi.

Sawltak 20:1 Referans Kwoze

2 KORIN NIHNA 7:5

Makedonia gamah ka tun’ uh ciangin ka pumpi ading tawlngakna bangmah om lo hi. Na khempeuh panin bawlsiatna ka thuak uh hi. Pua lamah kidona a om hi, sung lamah launa a om hi.

Sawltak 19:21

Tua nung ciangin Paul in Makedonia gam leh Akhaia gamah a pai khit ciangin Jerusalem khua-ah pai ding a lungsim sungah hanciamin, “Tua khua ka tun’ khit ciangin Rom khua ka phak teitei kul ding hi,” a ci hi.

1 TIMOTI MASA 1:3

Thu hilhna tuamdang hilh lo ding ci-in ahi zongin, upna hangah a om Pasian ngeina kipsak loin khat leh khat kinialna a bawl thei tanglai thu leh khang ciamtehna mang lo ding ci-in ahi zongin, mi kimkhat na kham nadingin Efesa khua-ah na om nadingin, Makedonia gamah ka pai laitakin ka hong thuum bangin om lai in, kong ci kik hi.

1 THESALONIKA MASA 5:26

Ute naute khempeuh, a siangtho kinapna tawh na kihopih un.

1 KORIN MASA 16:20

Ute naute khempeuh in note hong hopih uh hi. Khat leh khat a siangtho napna tawh na kihopih ciat un.

1 KORIN MASA 16:5

Makedonia gam lam ka pai khit ciangin note kiangah ka hong tung ding hi. Bang hang hiam na cih uh leh, Makedonia gam lam ka tawn ding hi.

ROM (Romans) 16:16

Khat leh khat siangtho kinapna tawh na kihopih un. Khazih’ pawlpite khempeuh in note hong hopih uh hi.

Sawltak 20:37

Amaute khempeuh in nakpi-in a kap uh a, Paul’ ngawng kawi-in a nam uh hi.

Sawltak 20:10

Paul in a nuai-ah kumsukin, ama tungah lum a, a kawi khit ciangin, “Gamlum kei un. Ama sungah hin’na a om lai hi!” a ci hi.

Sawltak 16:9

Zan ciangin Paul in mang a mu hi. Tua mang sungah Makedonia mi khat ding-in, “Makedonia gamah galkah in la, kote hong huh in,” ci-in a thuum hi.

Sawltak 11:26

A muh ciangin Antiok khua-ah a paipih hi. Tuate in pawlpi tawh kum khat omkhawm uh a, mi tampi kiangah thu a hilh uh hi. Zeisu’ nungzuite in Antiok khua-ah Christian a kici masa bel hi.

Piancilna 48:10

Tu-in Israel’ mitte a khanghamna hangin mang a, amah in khua mu thei lo hi. Tua ahih ciangin Josef in ama' kiangah amaute paipih hi; amah in amaute nam-in kawi hi.

2 KORIN NIHNA 13:12

Khat leh khat a siangtho napna tawh na kihopih un.

Sawltak 16:12

Tua khua panin paikhia-in Rom khua kici Makedonia gam sungah a lianbel khua ahi, Filippi khua ka tung uh a, sawt veipi ka tam uh hi.

Sawltak 20:2

Tua gamah paisuakin thu-um mite a hansuah khit ciangin Grik gam a tung hi.

Sawltak 20:3

Kha thum a om khit ciangin teembaw tawh Siria gamah pai dinga akisak lai takin Judah mite in ama tungah bawlsiatna ding a hanciam uh ahih ciangin, Makedonia gam lamah paikik ding a hanciam kik uh hi.

ROM (Romans) 15:19

lim leh nalamdang vangliatna leh Kha Siangtho’ vangliatna lakin keima tungah a bawl nate bek ka gen ngam hi. Tua ahih ciangin Jerusalem khua panin Ilirikum gam dongin, kimkot mun khempeuh ah, Khazih’ Lungdamna Thu a vekpi-in ka hilh khin zo hi.