Sawltak 2:45 - Tedim Bible

⁴⁵ Amaute in a neih a lamte uh a zuak khit uh ciangin mite’ kisapna bangin a hawmsak uh hi.

Tedim Bible Revision 2017

⁴⁵ Amaute in a neih a lam teng uh zuak uh a, a sumte pen amau kisapna tawh kizui-in amaute lakah a hawm uh hi.

Sawltak 2:45 Referans Kwoze

1 JOHAN MASA 3:17

Mi khat in leitung sumte nei-in a u a nau a zawngte a muh hangin hehpihna lungsim a neih kei leh, tua mi sungah Pasian itna bang ci om ahi hiam?

Sawltak 4:34

Amaute lakah mizawng khat beek a om kei uh hi. Bang hang hiam i cih leh, inn ahi zongin, lo ahi zongin, a neih khempeuh uh a zuak khit uh ciangin a ngah a mante,

Luka 18:22

Zeisu in tua a zak ciangin, “Na khat na sam lai hi. Na neihsa teng zuak in la, mizawngte kiangah na hawmsak in. Tua hi leh, vantungah sum na nei ding hi.Tua khit ciangin ka nung hong zui in,” a ci hi.

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

2 KORIN NIHNA 9:9

Lai Siangtho in: “Amah in a hawmthang zo hi, mi zawngte a thupha a hawm zo hi; Ama dikna in a kip tawntung hi,” a ci hi.

Sawltak 11:29

Nungzuite in a hih theih zah ciat bangun Judah gamah a om u leh naute kiangah huhna sum khak dingin a vaihawm uh hi.

Mattiu 19:21

Zeisu in, “Nang a siangtho nuam na hih leh, pai in la, na neihsa teng zuakin mizawngte na pia in. Tua ahih leh, vantung gam sungah sum na nei ding hi. Tua khit ciangin ka nung hong zui in,” a ci hi.

Luka 19:8

Zakkhias ding a, “Topa aw, keimah in ka neihsa kimkhat mizawngte ka pia ding hi. Mi khatpeuh na ka lakkhak leh, a zah li-in ka loh kik ding hi,” a ci hi.

Late 112:9

Amah in hawmkhia zuahzuah a, mizawngte tungah pia khin hi; ama migitna kip tawntung a, amah vanglianin, kipahtawi ding hi.

Luka 16:9

Ke’n kong cih-inah, aman lo sum tawh lawmte na ngah ding uh hi. Tua hi leh, tua sumte a bei ciangin a om tawntung buk sungah amaute in a hong tungsak ding uh hi.”

2 KORIN NIHNA 9:1

Misiangthote’ vakna thu note kiangah kong gelh hangin na phattuamna uh om tuam lo ding hi.

Sawltak 4:35

Sawltakte’ khe mai-ah koih uh a, mikim in a sapna tawh kituakin a vekpi-un a hawm ciat uh hi.