Sawltak 2:42 - Tedim Bible

⁴² Amaute in sawltakte’ thuhilhna a mang uh a, kipawl khawmna, khomun balnenna leh thungetna a bawl tawntung uh hi.

Tedim Bible Revision 2017

⁴² Amaute in sawltakte tung panin thu sinin amaute tawh kikhawl uh a, amaute tawh an ne khawmin, thu zong a ngen khawm uh hi.

Sawltak 2:42 Referans Kwoze

Hebru 10:25

Mi kimkhatte’ ngeina bangin khat leh khat kikhopna thu pelh loin, khat leh khat kihansuah ni. A Ni hong nai zo ahih thu na thei uh ahih ciangin na hahkat zaw un.

Sawltak 1:14

Tua mi khempeuhte in Zeisu’ nu Mari a kipan numeite leh Zeisu’ sanggamte tawh lungsim kikhatin thu a ngen niloh uh hi.

1 JOHAN MASA 1:3

Ahi hi. Pa tawh, ama Tapa Zeisu Khazih tawh ka kihopih uh ahih ciangin, note in kote tawh na hong kihopih theih nadingun ko ka muh uh nate, ka zak uh nate, note kiangah ka hong lak uh hi.

1 JOHAN MASA 1:7

Amah in khuavak sungah a om mah bangin eite zong khuavak sungah i om leh, khat leh khat kihothei-in, a Tapa Zeisu’ si in eite mawhna khempeuh hong sawpsiang hi.

Sawltak 2:46

Amaute in biakna innpi sungah ni simin lungsim kituakin a om uh a, amau innah anlum balnenin, a siangtho lungdamna tawh anne tuidawn uh a, Pasian a phat uh hi.

Sawltak 20:7

Ni sagih sung pan ni masa bel ni-in khomun balnen dingin ka kikhop lai takun, Paul in zingsang cianga pai sawm ahih manin amaute tawh kihopih a, zankim dongin thu a hilh hi.

Efesa 6:18

Thungetna pawlpawlte, thuumna pawlpawlte, Kha Siangtho tawh a tawntungin thu na ngen un. Tua bang thunget nading thakiam loin, misiangtho khempeuh ading thu nget sakin om un.

Juda 1:20

Ka itte aw, note in na hih uh leh, a siangtho mahmah upna tungah na pumpi uh lamin, Kha Siangtho tawh thungenin,

Kolose 4:2

Thungen tawntung un la, hong hehpihna phatin ngak un.

2 TIMOTI NIHNA 3:14

Nang na hih leh, na sinsa thu leh na lungsim sunga na san’sa thu-ah ahi zongin, Khazih Zeisu sunga upna tungtawn a, gupkhiatna na ngah nadingin lungpilna a hong pia thei Lai Siangtho, na neu lai-a kipanin na theihsa thu ahi zongin, ciamteh in la, tua na sinsa, na upsa thute-ah kipin om in.

Efesa 2:20

Bang hang hiam na cih uh leh, sawltakte-a kipan kamsangte ahi, khuam tungah note in zomin a kilam mi na hi uh hi. Khazih in tua innkiunuai suang ahi hi.

Sawltak 14:22

“Eite in gimna tampi thuakin Pasian’ Gam sungah i tum ding ahi hi,” ci-in upna sungah a kip nadingun, hansuahin thu a hilh uh hi.

Sawltak 6:4

Kote ka hih uh leh, thungetna, leh thugenna ka hih niloh ding uh hi,” a ci uh hi.

Sawltak 4:31

Tua thu a nget khit uh ciangin a kikhopna mun uh liing a, amaute khempeuh Kha Siangtho tawh kidimin Pasian’ thu hang takin a gen uh hi.

1 KORIN MASA 10:21

Topa’ hai leh dawigilote’ hai na dawnkhawm zo kei ding uh hi. Topa’ sabuai leh dawigilote’ sabuai-ah an na nekhawm zo kei ding uh hi.

ROM (Romans) 12:12

Lawpin lungdam un. Gimna hong tun’ ciangin thuak un. Thungen tawntung un.

Hebru 10:39

Eite i hih leh, kisiatna tung dingin a nungkin mite lakah i om kei hi; gupkhiatna a ngah upna a nei mite lakah i om hi.

Sawltak 11:23

Barnabas a tun’ ciangin Pasian’ hehpihna thupha a muh ciangin a lungdamin amaute in a lungsim tawh Pasian beel dingin mi khempeuh a hansuah hi.

1 KORIN MASA 11:2

Note in na khempeuh sung pan kei nong ngaihsut uh a, ka hong piak bangin thu na zuih uh ciangin note ka hong phat hi.

Sawltak 20:11

Paul paito kik a, khomun balnenin a neek khit uh ciangin, amaute tawh khuavak dongin sawtveipi a kihopih khit uh ciangin paikhia hi.

1 JOHAN MASA 2:19

Tua mite in eite kiang pan a paikhiat uh hangin nidang lai-inah eite tawh a kipawl kei uh hi. Bang hang hiam na cih uh leh, eite tawh kipawl uh hi leh, eite tawh a omkhawm ding uh hi. Tua mite in eite tawh a kipawl loh thu a kilat nading eite kiang pan a paikhia uh hi.

Galati 1:6

Khazih’ hehpihna thupha hangah note hong sampa tawh hih zah taka manlangin kikhenin ‘lungdamna thu’ na sang uh ahih ciangin lamdang ka sa hi!

Sawltak 4:23

Sawltakte a kikhah khit uh ciangin amau mipawlte kiangah a pai uh a, siampi liante leh upate in amau kiangah a genna khempeuh a zasak uh hi.

Luka 24:35

amaute in zong lampi-ah thu piang khempeuh leh khomun a balnen lai takin a kilakna thu a gen uh hi.

Luka 24:30

Sabuai-ah amaute tawh a tutkhawm lai takin khomun la a, hehpihna a phat khit khit ciangin khomun balneenin a pia hi.

1 KORIN MASA 14:6

Ute naute aw, note kiangah kong tun’ ciangin pau namtuam tawh kong gen hangin hong piak kholhna gen kikna ahi zongin, lungpilna lahna ahi zongin, kamsan’na ahi zongin, thupiakna ahi zongin tuate khat beek hih loin note kiangah kong hilh leh, bang phattuamna a om ding hiam?