Sawltak 2:4 - Tedim Bible

⁴ amaute khempeuh in Kha Siangtho tawh kidimin, Kha Siangtho in thu a piak bangin kam tuamtuam tawh thu a hilh uh hi.

Tedim Bible Revision 2017

⁴ Amaute khempeuh Kha Siangtho tawh kidim uh a, tua Kha in minam dangteʼ pau tawh amaute a pau theisak hi.

Sawltak 2:4 Referans Kwoze

Marka 16:17

Thu um mite tungah hih na lamdang a piang ding hi: Keima min tawh dawite a hawlkhia ding uh a, kamthakin a pau ding uh hi;

Sawltak 13:52

Nungzuite in lungdamna leh Kha Siangtho tawh a kidim uh hi.

Sawltak 4:31

Tua thu a nget khit uh ciangin a kikhopna mun uh liing a, amaute khempeuh Kha Siangtho tawh kidimin Pasian’ thu hang takin a gen uh hi.

Efesa 5:18

Hong khamsak thei leenggahzu tangin, Kha Siangtho tawh kidimin om un.

1 KORIN MASA 12:10

Mi khat kiangah nalamdang bawlna thu, mi khat kiangah kamsan’na thu, mi khat kiangah lungsim kha khentel theihna thu, mi khat kiangah paunam tampi gen theihna thu, mi khat kiangah tua paute a khiatna gen theihna thute a pia hi.

Johan 14:26

Ahih hangin ka min tawh Pa in hong sawl ding Huhpa a kici Kha Siangtho in na khempeuh hong hilh ding a, no kiangah kong gen khempeuh hong phawkkik sak ding hi.

Sawltak 19:6

Paul in amaute tungah a khut a ngak khit ciangin, Kha Siangtho in amaute tungah hong tung a, amaute in kamtuam pau thei-in thu a hilh uh hi.

Sawltak 10:46

Bang hang hiam i cih leh, tua mite in kamtuam tawh pau-in, Pasian’ min a phat uh cih a za uh hi.

Sawltak 9:17

Ananias pai a, inn sungah lutin Saul tungah a khut nga a, “Ka nau Saul aw, na paina lampi-ah na kiangah hong kilang Topa Zeisu in khua na muhkik theih nading ahi zongin, Kha Siangtho tawh na dim nading ahi zongin, kei hong sawl hi,” a ci hi.

Sawltak 7:55

Amah in Kha Siangtho tawh dim a, vantung a ettoh ciangin Pasian’ vangliatna leh Pasian’ ziat lamah a ding Zeisu a muh ciangin,

Sawltak 1:5

Bang hang hiam na cih uh leh, Johan in tui sungah hong baptaiz hi. Ahih hangin a sawt loin note in Kha Siangtho sungah na kibaptaiz ding uh hi,” a ci hi.

1 KORIN MASA 13:8

Itna in a mangthang kei ding hi. Kamsangte’ thu a om leh a mangthang ding hi. Pautuam gen theihna a om leh, a bei ding hi. Lungpilna a om leh, a mangthang ding hi.

1 KORIN MASA 13:1

Keimah in leitungmite’ kam ahi zongin, vantungmite’ kam ahi zongin ka gen theih hangin itna ka neih kei leh, a ging thei dak, a ging thei daltuah tawh kibang ka hi ding hi.

Sawltak 13:9

Ahih hangin Paul kici Saul in Kha Siangtho tawh dimin tua pa lim takin enin,

Sawltak 2:11

Judah mi ahi zongin, Judah ngeina sungah a tum mite ahi zongin, Krete leh Arab ahi eite khempeuh in Pasian’ nalamdangte eite’ kam tawh hong gen uh i za hi!”a ci uh hi. Amaute khempeuh in lamdangsa-in lung-am uh a, “Bang ahi hiam?” ci-in khat leh khat a kikum uh hi.

Luka 12:12

Bang hang hiam na cih uh leh, na gen ding uh thu tua hun lai takin, Kha Siangtho in hong hilh ding hi,” ci-in a gen hi.

1 KORIN MASA 14:18

Note khempeuh sangin keimah in pautuam dang gen thei ka hih ciangin Pasian’ hehpihna ka phat hi.

ROM (Romans) 15:13

Note in Kha Siangtho’ vangliatna hangah lametna pha tawh na dim nadingun, upna nei-in lungdamna, noptuamna a pawlpawlte tawh na dim nadingun, muan’na hong pia Pasian in hong pia ta hen.

Sawltak 4:8

Tua lai takin Piter in Kha Siangtho tawh kidim a,

Johan 20:22

Tua ciangin amaute tungah mut a, “Kha Siangtho na sang ta un.

Luka 4:1

Zeisu in Kha Siangtho tawh kidimin Jordan gun pan a ciah ciangin, Kha Siangtho in gampa lakah paipih a,

1 PETER MASA 1:12

Amaute’ thuhilh nasepnate in amaute ading hi lo, note ading ahi ci-in amaute kiangah a kilang hi. Vantung pan hong sawl Kha Siangtho tawh note kiangah Lungdamna Thu hong hilh mite in tua nate note kiangah tu-in hong hilh uh hi. Tua nate vantungmite in zong a en nuam uh hi.

1 KORIN MASA 14:5

Note khempeuh in kamtuam tawh gen thei le-uh teh ka deih hi. Ahih hangin kamsang le-uh teh ka deihzaw hi. Bang hang hiam na cih uh leh, pau namtuam tawh a gen mi in pawlpi kipsak nadingin a khiatna a gen kei leh, amah sangin kamsang mi a lianzaw hi.

Sawltak 11:15

Keimah in thuhilh ka kipat lai takin, amasa-a eite tungah Kha Siangtho a hong tun’ mah bangin amaute tungah a tung hi.

Sawltak 6:5

Hih thu in mite lungkimsak ahih manin upna leh Kha Siangtho tawh a kidim Stefen akipan Filip, Prokhoras, Nikanor, Timon, Parmenas, Judah ngeina a zui Antiok khua mi Nikolas-te teel uh a, sawltakte mai-ah a koih uh hi.

Sawltak 6:3

Tua ahih ciangin ute naute aw, Kha Siangtho tawh ahi zongin, lungpilna tawh ahi zongin a kidim leh zahtakna a ngah, nomau lakah pasal sagih zong un la, hih na a sem dingin kote in ka koih ding uh hi.

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Luka 1:15

Bang hang hiam na cih leh, tua tapa in Topa mai-ah milian ahi ding hi. Amah in leenggahtui leh zu neukha beek dawn loin, a nu gil sung pan akipan Kha Siangtho tawh a kidim ding hi.

Isaiah 59:21

Note tawh hih bangin thuciamna ka bawl hi: Nang tunga a om ka kha leh na kamsung a, ka koih keima thukhamte leh ka thuhilhnate note tungah kong pia khin a, tu-a kipanin a tawntungin note in tua thute zui-in na suan na khakte uh kam pan paikhia lo ding a, a khang khangin na maimangsak kei ding uh hi,” a ci hi.

Isaiah 28:11

A mantakin, note in ka thugen na ngaih kei uh leh Topa in hih mite kiangah a pau na theih loh uh gamdang mite, note tungah thu hong hilhsak ding hi.

2 SAMUEL NIHNA 23:2

“Topa’ Kha in kei tung tawnin thu hong gen a, ka kam sungah ama thugente om hi.

Efesa 6:18

Thungetna pawlpawlte, thuumna pawlpawlte, Kha Siangtho tawh a tawntungin thu na ngen un. Tua bang thunget nading thakiam loin, misiangtho khempeuh ading thu nget sakin om un.

Efesa 3:19

nomau pilna tawh na theih zawh loh uh Khazih’ itna na theih tel nading uh ahi zongin, note in hih thei-in Pasian’ kicin’na a om khempeuh tawh na kidim nading uh thu ka ngen hi.

Sawltak 11:24

Bang hang hiam i cih leh, Barnabas in mipha hi a, Kha Siangtho leh thu-upna tawh dim a, Topa tawh mi tampi a kibehlap hi.

Sawltak 6:8

Stefen in hehpihna thupha leh vangliatna tawh kidimin mite mai-ah nalamdang a bawl hi.

Luka 21:15

Bang hang hiam na cih uh leh, na galte khempeuh un hong nial theih loh hong sel theih loh nadingin gen theihna kam leh pilna note kong pia ding hi.

Luka 1:67

Tua naungeek’pa Zekhariah in Kha Siangtho tawh kidim a, kamsan’na tawh a gen-inah:

Luka 1:41

Mari hopihna thu Elisabeth in a zak ciangin, a gil sunga om naungeek diang a, amah in Kha Siangtho tawh kidim hi.

Micah 3:8

Ahi zongin kei ka hih leh, Israel mite tungah a mawhna uh a gen khia dingin, Topa’ Kha vangliatna tawh kidimin, thutang gen ngamna lungsim ka nei hi.

Mattiu 10:19

Ahih hangin amaute in note hong piak uh ciangin, bang ka ci pau ding hiam, bang thu ka gen ding hiam ci-in lunghimawh kei un. Bang hang hiam na cih uh leh, na gen ding uh thu tua lai takin na ngah ding uh hi.

1 SAMUEL MASA 10:10

Amaute Gibeah ah a tun’ uh ciangin, en in, kamsang honkhat in amah na dawn hi; tua ciangin Pasian’ Kha ama tungah khauh takin hong tung a, amah in amaute lakah mailam thu genkhol hi.

2 PETER NIHNA 1:21

Bang hang hiam na cih uh leh, Pasian’ kamsangte’ thu in mi’ deih bangin hong tung ngei kei hi, Kha Siangtho hansuahna ngahin mite in Pasian kiang pan a gen sawn uh hi.

Ezekiel 3:11

Tua ciangin amaute in na thu hong ngai a, hong ngai kei zongin, sal-a a om na mipihte kiangah va pai in la, nang tungah kong thugen khempeuh amaute tungah va gen in,” hong ci hi.

Jeremiah 6:11

Tua ahih ciangin Topa aw, na hehna tawh ka dim a, ka thuak zo nawn kei hi,” ka ci hi. Tua ciangin Topa in hong hopih-a, “Ka hehna kongzing lak-a naupangte’ tungah bua in la, tangvalte’ kikhopna-ah zong bua in. Papite leh nupite zong kilakhia ding a, pitek putekte zong a kipai khiatpih ding hi.

1 SAMUEL MASA 1:14

Tua ciangin Eli in ama kiangah, “Bang tan vei zukham ding na hi hiam? Na kiang panin na leenggahzu hemkhia in,” a ci hi.

Sawltak 2:3

Tua lai takin meikuang tawh kibang leiite kikhenin, amaute kiangah kilang uh a, amau a vekpi tungah tung kim uh a,

Sawltak 8:17

Amaute in tua mite tungah a khut uh a ngak khit uh ciangin Kha Siangtho a ngah uh hi.

Sawltak 10:47

Tua ciangin Piter in, “Eite bangin Kha Siangtho a ngahte in tui sungah kibaptaiz loh nadingin kua in tui a kham zo hiam?” a cih ciangin,

Sawltak 15:8

Lungsim a thei Pasian in Kha Siangtho kote hong piak mah bangin amaute kiangah pia-in,