Sawltak 2:37 - Tedim Bible

³⁷ Tua mite in hih thu a zak uh ciangin a lung uh vut a, “Ute naute aw, bang ka ci hih ding uh hiam?” ci-in Piter a kipan adang sawltakte kiangah a dong uh hi.

Tedim Bible Revision 2017

³⁷ Amaute in hih thu a zak uh ciangin a lungsim uh nakpi takin su kha a, Peter le sawltak dangte kiangah, “Sanggamte aw, bangci gamtat ding ka hi uh hiam?” ci-in a dong uh hi.

Sawltak 2:37 Referans Kwoze

Luka 3:10

Mihonpite in, “Tua bang ahih leh, kote in bang ci hih ding ka hi uh hiam?” ci-in a dot uh ciangin,

Sawltak 22:10

Keimah in zong, ‘Topa aw, bang ka hih ding hiam?’ ci-in ka dot ciangin, ‘Tho in la, Damaskas khua sungah na tum ding hi. Tua khua panin na nasep ding vaikhakna thu khempeuh hong kihilh ding hi,’ hong ci hi.

Luka 3:14

Galkapte in zong, “Kote in zong bang ci hih ding ka hi uh hiam?” ci-in a dot uh ciangin Johan in, “Note in kuama kiangah zawhthawhna tawh la kei un la, midangte zuau thu tawh na mawhsak kei un. Na khasum ngah zah uh tawh lungkim un,” ci-in a gen hi.

Luka 3:12

Siahdongte in zong kibaptaiz dingin hong pai uh a, “Sia aw, kote in bang ci hih ding ka hi uh hiam?” ci-in a dot uh ciangin,

Johan 8:9

Tua thu a zak uh ciangin, a teekpen pan a khangnopen dongin khat nungah khat a paikhia uh hi. Zeisu guak om a, numei zong a lai zangah a om hi.

Ezekiel 7:16

Mi pawl khatte in vakhu lau bangin mualtung tuh ding uh a, ahi zongin amau’ mawhna hangin si veve ding uh hi.

ROM (Romans) 7:9

Nidang lai-inah thukham loin ka nungta hi. Ahih hangin thukham hong pian’ ciangin mawhna nungta kik a, kei ka si hi.

Sawltak 7:54

Amaute in hih thu a zak uh ciangin a lungso uh a, Stefen tungah a ha a gawi uh hi.

Sawltak 5:33

Amaute in hih thu a zak uh ciangin lungsim kitamkhia dektak zahin heh uh a, sawltakte that dingin khat leh khat a kikum uh hi.

Zekhariah 12:10

David’ suan-le-khakte leh Jerusalem khuamite tungah, hehpihna leh thunget nopna lungsim ka guan ding hi. Amaute in a sut lup uh mipa enin, ta khat neihsun a sihsuahte bangin kap ding uh a, a tacil a khuaisuahte bangin nakpi takin kapin thuum ding uh hi.

Sawltak 1:16

“Ute naute aw, Zeisu a man mite lam hilhpa Judas Iskariot thu Kha Siangtho in David’ kam sung panin thu hong genkholh Lai Siangtho sungah a om thu a tun’ nading a om hi. Bang hang hiam na cih uh leh, amah in kote tawh kisimkhawm a, thuhilhna za a ngah zo hi.

Late 73:21

Ka lung khamin ka lungsim hong nat ciangin,

Thuhilh-sia 12:11

Mipilte’ thugente in, tuucingte in tuu hawlna-in a zat ciangkhut hiam tawh kibang hi. Tua thute pen, eite khempeuh tuucin’ banga hong Cingpa Pasian’ piak ahi hi.

Isaiah 21:12

Gal vilpa in, “Zing ni hong suak a, zan khua zong hong mial hi. Thukan nuam na hih leh, hong paikik in la, hong kan in,” a ci hi.