Sawltak 2:24 - Tedim Bible

²⁴ Ahih hangin sihna in tua pa lencip zo lo ahih ciangin Pasian in sihna gimna a sutkhiat khit ciangin, a hing kiksak hi.

Tedim Bible Revision 2017

²⁴ Ahi zongin Pasian in misite lak panin amah hingkiksak a, sihna in amah lencip zo lo ahih manin sihna hanga gimna panin amah a suaktasak hi.

Sawltak 2:24 Referans Kwoze

1 KORIN MASA 6:14

Pasian in ama vangliatna tawh Zeisu thosak a, eite zong hong thosak ding hi.

1 PETER MASA 1:21

Note upna leh na lametna uh, Pasian paulamin a kip theih nadingin, Pasian in tua Topa sihna pan tho kiksakin minthan’na a pia hi.

Sawltak 2:32

Tua Zeisu Pasian in a thawhkiksakna thu kote khempeuh in teci ka hi uh hi.

Efesa 1:20

Tua vangliatna in Khazih sihna pan a thawh sak kik ciangin Khazih tungah a bawl vangliatna ahi hi.

Johan 10:18

Ka nuntakna kuamah in hong sut kei hi, keima ut thu-in ka paai hi. Ka nuntakna paaikhia-a lakkik theih nading thu ka nei hi. Tua thu ka Pa in hong pia hi,” ci-in a gen hi.

2 KORIN NIHNA 4:14

Topa Zeisu sihna pan a thosakpa in Zeisu tawh kote zong hong thosak kik ding a, note tawh a kiangah a hong tum khawmsak ding hi cih ka thei hi.

ROM (Romans) 8:11

Zeisu a thokiksak Pasian’ Kha Siangtho in note sungah a om leh, Khazih Zeisu a thokik sakpa in, note sungah a teeng a Kha Siangtho hangin, a si thei na pumpi uh zong hin’na a pia ding hi.

ROM (Romans) 6:4

Tua ahih ciangin sihna ah baptaizna-in Zeisu tawh i kivui khawm hi. Khazih in Pa’ vangliatna tawh sihna pan hong thawhkik mah bangin eite in zong hin’na thak i zuih theih nading ahi hi.

Hebru 13:20

A tawntung kiciamna sisan hangin Tuucing lianpa ahi, i Topa Zeisu sihna pan a thokiksak nopna Pasian in,

ROM (Romans) 10:9

Bang hang hiam na cih uh leh, “Zeisu in Topa ahi hi” ci-in na kam in mang a, Pasian in amah sihna pan a thosak kik zo hi ci-in na lungsim sungah na up leh, gupna na ngah ding hi.

ROM (Romans) 4:24

Eite adingin zong a gelh hi. Eite in Topa Zeisu sihna pan a tho kiksakpa i up leh, tua upna eite ading dikna bangin hong ciamteh ding hi.

Sawltak 17:31

Bang hang hiam na cih uh leh, amah in a sehkholhpa tawh leitung mite, thuman tawh thukhen nading ni a genkhol zo hi. Tua pa sihna pan a thawhkik ciangin a kitel zo hi ci-in mi khempeuh a thei sak zo hi,” ci-in Paul in a gen hi.

Sawltak 13:30

Ahih hangin sihna sung panin Pasian in a nungta kiksak a,

Sawltak 3:15

nuntakna hong pia Mangpa na that tazen uh hi! Ahih hangin Pasian in amah a thawhkiksak thu kote in teci ka hi uh hi.

Galati 1:1

Mite kiang pan hi lo, mite’ thu tawh hi lo, Zeisu Khazih’ thu tawh ahi zongin, tua Zeisu sihna panin a thosak Pa Pasian’ thu tawh ahi zongin sawltak ahi keimah Paul akipan,

Sawltak 3:26

Pasian in a Silapa hong thawhsak khit ciangin, note na vekpi un na khialhna uh pan hong kikheelsakin, note thupha hong pia dingin note kiangah hong paisak masa hi,” a ci hi.

1 KORIN MASA 15:15

Tua tham loin, kote in Pasian thu hilhna panin zuau teci ka hi ding uh hi. Bang hang hiam na cih uh leh, misite thokik lo hi leh, Pasian in Khazih a thokik sak kei ding hi. Tu-in Khazih a thokik sak hi ci-in Pasian ading teci ka hi uh hi.

Sawltak 13:37

Pasian in sihna panin a nuntakkik sakpa in ahih leh, muatna a thuak kei hi.

Sawltak 4:10

note in singlamteh tungah na thah khit uh ciangin, Pasian in sihna pan a thawhkik sak Nazareth mi Zeisu’ min tawh hih pa in note mai-ah cidamin a ding hi cih, note akipan Israel mi khempeuh in thei ta un.

Johan 20:9

Bang hang hiam i cih leh, Zeisu in sihna pan thokik ding a cihna Lai Siangtho sungah a om thu a thei nai kei uh hi.

Late 116:16

Topa aw, keimah in nangma nasem ka hi hi; nangma nasem ka hi a, na nasem nu’ ta ka hi hi. Keimah hong kikhihnate nong sutkhiatsak zo hi.

Mangmuhna 1:18

Nidang lai-in ka sih ngei hangin tu-in en in, a tawntungin ka nungta a,! sihna leh sihna gam konghon’na ka nei hi.

1 KORIN MASA 15:12

Tu-in Khazih in sihna pan a thawhkikna thu a kihilh ciangin, “Misite thawhkikna a om kei hi,” ci-in note lakah mi kimkhat in bang hangin a ci uh hiam?

ROM (Romans) 14:9

Khazih in misite leh mi nungtate’ Topa a suah nadingin sihna thuak a, a sih khit ciangin a hing kik hi.

ROM (Romans) 8:34

Mawhsakna thu a khenpa in kua ahi hiam? Sihna a thuak tham loin, sihna pan thokik a, Pasian’ ziat lamah omin, eite ading thu hong ngetsakpa in Khazih ahi hi.

Johan 12:39

Khatvei Isaiah in a gen kikna thu in:

Isaiah 26:19

Nangma mi a site hingkik ding a, amaute’ pumpi tho ding hi. Han sunga a lum mite aw, tho un la, lungdamin la sa un! Bang hang hiam cih leh zing daitui in leitung a nosak kik bangin, sawtpi a, a si mite, Topa in hingkik sak ding hi.

Isaiah 25:8

Amah in sihna beimang sak ding a, maitang khempeuh panin khitui nul ding hi; leitung khempeuh panin ama mite a kizahkona lakhia ding hi; bang hang hiam cih leh Topa in hih thu gen zo hi.

Hebru 2:14

Tua hi a, tua tate in a si a sa tawh kizom uh ahih ciangin Khazih in zong sihna a thuak ciangin, Dawimangpa ahi sihna a ukpa a suksiat nading ahi zongin, sihna kihta ahih manunah a nungta lai takun a tawntungin a kikhum bangin a omte a suahtak sak nadingin ahi zongin, tua tate bangin si-le-sa a la hi.

Mattiu 27:63

“Topa aw, tua mi khempa in, ‘Ni thum ni-in ka thokik ding hi,’ ci-in a nun’tak lai-in a cih tu-in ka phawk uh hi.

Isaiah 53:10

Ahih hangin amah a kisatnim ding pen Topa’ deihna ahi hi; amah in natna thuak sak hi; mawhna hangin ama pumpi a kipiak ciangin amah in a suan leh khakte mu ding a, ama khan’ sau ding hi; Topa’ deihna ama khut sungah pung ding hi;

Johan 10:35

Pasian thu a ngahte in pasiante ahi uh a kicih leh, Pasian Lai Siangtho kinial lo ahih ciangin,

Hosea 13:14

Leinuai-a misite’ omna-ah a pai nading uh panin honin, sihna panin tankhia ding ka hi hiam? Sihna aw, gimna na piakna-ah amaute ka hehpih kei hi. Leinuai-a mi site gam aw, na suksiatna-ah amaute ka khasiat kei hi.

Sawltak 1:16

“Ute naute aw, Zeisu a man mite lam hilhpa Judas Iskariot thu Kha Siangtho in David’ kam sung panin thu hong genkholh Lai Siangtho sungah a om thu a tun’ nading a om hi. Bang hang hiam na cih uh leh, amah in kote tawh kisimkhawm a, thuhilhna za a ngah zo hi.

Isaiah 10:7

Ahih hangin amah in tua bang bek sawm lo a, a lungsim in zong tua bang bek ngaihsun lo hi; ama lungsim sungah minam tampi suksiat nopna thu om hi;

Sawltak 5:30

Note in singlamteh tungah khai-in na thah uh Zeisu, i pu i pate’ Pasian in hong thokiksak zo hi.

1 KORIN MASA 15:4

A kivui khit ciangin Lai Siangtho sungah a kigelh mah bangin, nithum ni-in a thokik hi.

1 KORIN MASA 15:20

Tu-in Khazih in misite lakah a gah masabel suak a, sihna pan a thokik zo hi.