Sawltak 2:23 - Tedim Bible

²³ Tua Zeisu Pasian’ hanciamna leh theihkholhna hangah a kipiak khit ciangin note in migilote’ khut tungah pia-in singlamteh tungah na sisak uh hi.

Tedim Bible Revision 2017

²³ Pasian in thu a ma-theih kholhna le a ma-geelna tawh kizui-in noteʼ khut sungah tua Jesu a hong piak ding a ngaihsut sa hi a, note in singlamteh tungah khai-in migiloteʼ khut tawh amah na that uh hi.

Sawltak 2:23 Referans Kwoze

Luka 22:22

Mihing Tapa in a kisehkhol mah bangin a pai ding hi. Ahih hangin amah a lehheekpa in gimna a thuak ding hi,” a ci hi.

Sawltak 4:28

sathau na nilhsa na Sila siangtho Zeisu tungah hih ding a kikhawm takpi uh hi.

Sawltak 3:18

Amah Khazih in gimna a thuak ding hi ci-in Pasian in kamsang khempeuhte’ kam tawh a genkholh bangin a tungsak khin zo hi.

Piancilna 50:20

Note in ahih leh, kei’ tungah a sia dingin na ngaihsun uh hi; ahih hangin Pasian in tu ni hun-a mah bangin mi tampite a nuntak theihna a pian’ nadingin a hoih dingin a ngaihsut ahi hi.

1 PETER MASA 1:20

Tua Khazih in leitung a kipian’sak ma-in a kiciamteh khol hangin, amah hangin Pasian a um note ading a nunung bel hun ciangin hong kilang hi.

Sawltak 13:27

Bang hang hiam na cih uh leh, Jerusalem khuapihte leh amau ukte in amah ahi zongin, Nipi ni simin a kisim Pasian’ kamsangte’ lai ahi zongin thei lo uh ahih ciangin tua thute a tungsak dingin Zeisu a daantat uh hi.

Mattiu 26:24

Mihing Tapa in Lai Siangtho sungah a kigelh kholsa mah bangin a pai ding hi. Ahih hangin Mihing Tapa a lehheekpa in gimna a thuak ding hi. Tua mipa in a nu sung pan suak kei leh, amah ading a hoihzaw ding hi,” a ci hi.

ROM (Romans) 4:17

“Ke’n nangmah mipawl tampite’ pa ka hong suaksak zo hi,” ci-in Lai Siangtho sungah a kigelh mah bangin a site thosak a, a piang nai lote a piangsa bangin a ciamtehpa Pasian ahi, amah in a up Pasian mai-ah Abraham in eite khempeuh’ pa ahi hi.

Sawltak 5:30

Note in singlamteh tungah khai-in na thah uh Zeisu, i pu i pate’ Pasian in hong thokiksak zo hi.

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

Late 76:10

Mite’ hehna in nangmah hong kiphatna piangsak ding a, na hehna pan a suakta sun mite in nangmah pahtawina pawi bawl ding uh hi.

Mangmuhna 13:8

Leitung a cil panin thahna a thuak khin Tuuno’ nuntakna laibu sungah a min uh a kigelh lo leitung mi khempeuh in sahang a bia ding uh hi.

Juda 1:4

Bang hang hiam na cih uh leh, eite Pasian’ hehpihna thupha in kihhuai tat nopna suaksakin, eite hong uk khat bek ahi Topa Zeisu Khazih nialin, Pasian’ thu a deih lo mite in hih thutanna thuak dingin tanglai pek a, a kiciamtehsa mi kimkhat in note’ lakah hong lutsim uh hi.

1 PETER MASA 1:2

Pa Pasian’ theih kholh bangin a teelkhiat mite ahi, Pontas gam, Galati gam, Kappadokia gam, Asia gam, Bithunia gam leitung mun khempeuh ah kikhen thangin lal-a om mite kiangah ka hong zasak hi. Hehpihna thupha leh nopna in note tungah hong khang semsem ta hen.

Sawltak 15:18

ci-in a cil pan hih thu hong theisak Pasian in a gen hi,’ ci-in kigelh hi.

Luka 24:20

Siampi liante leh ei upate in tua pa a sih nadingin pia uh a, singlamteh tungah a that uh hi.

Luka 22:37

Ke’n kong cih-inah, ‘Amah mawhneite tawh a kisimkhawm ding hi,’ ci-in Lai Siangtho sungah a kigelhna thu in keima tungah hong tung ding hi. Bang hang hiam na cih uh leh, keima thu khempeuh in a tangtung ding hi,” a ci hi.

Sawltak 7:52

No na pute na pate un a bawlsiat loh kamsang kua ahi hiam? ‘Midik Pa hong pai ding ci-a a genkholh mite a that uh hi. Tu-in tua Midik Pa a heekte, a thatte na suak zo uh hi.

Johan 19:24

Tua ahih ciangin, “Hih puan balkeek kei ni. Kua in ngah ding hiam lai-ai i saan ding hi,” ci-in, Lai Siangtho sungah a kigelhna thu a tun’ nadingin galkapte a kikum uh hi. Tua thu in: “Amaute khat leh khat in ka puan a hawm uh hi; Ka puan tungah lai-ai a saan uh hi,” ci-in a kigelh hi. Galkapte in tua thu a bawl uh hi.

1 PETER MASA 2:8

“A puksak nading suangpi, a khialhsak nading suangpi zong ahi hi,” ci-in a kigelh zo hi. Bang hang hiam na cih uh leh, amaute in ngai loin, Pasian’ thu suikha-in a puk uh hi. Tua thu tawh a kituak nadingun tua mite a kikoih uh hi.

Isaiah 37:26

‘Sawt pek-a kipan ka sehsa hi a, ka geelsa ahih lamtak za lo na hi hiam? Nang in khuapi muanhuaite siasakin suang kiciang bang na suahsak nading, a sunga teeng mite a thahatna uh bei-in, lungkia-in a om mawk nading leh amaute pen, lo lai-a kungnote leh lopa ngeekte, innkhum zang a, a po, a khan’khit ma-a a keutum lopate tawh a kibat nading, tu huna ka tun’sak thute pen tang lai pek pan-a ka ngaihsutna ahi hi.

Mattiu 20:19

Amaute in amah a sih nading thu a khen khit uh ciangin, zahko-in sat uh a, singlamteh tungah thah dingin Gentailte’ khut tungah a pia ding uh hi. Ni thum ni-in a thokik ding hi,” a ci hi.

Mattiu 27:35

Zeisu singlamteh tungah a khai khit uh ciangin lai aisaanin a puante a hawm uh a,

Marka 15:24

Zeisu singlamteh tungah a khai khit uh ciangin, bang a la ciat ding uh hiam, ci-in lai aisaan-in a puante a hawm uh hi.

Luka 23:33

‘Lutang Guh’ kici mun a tun’ uh ciangin, Zeisu tawh migilo nih a ziatlam khat, a veilam khat singlamteh tungah a khaikhawm uh hi.

Johan 19:18

Tua san takah amaute in Zeisu singlamteh tungah a khai uh hi. Amah tawh a lang tuakah mi nih zong a khai uh hi. Zeisu a lai zangah a om hi.

Sawltak 2:36

Tua ahih ciangin note in singlamteh tungah na thah uh Zeisu pen Pasian in Topa leh Khazih a suaksak hi ci-in Israel mi khempeuh in a man takpi thei ta uh hen,” a ci hi.

Sawltak 5:28

siampi ukpa in, “Tua min tawh thu na hilh loh nadingun kote in pha takpi-in kong kham uh hangin, Jerusalem khua note’ thuhilhna tawh na dimsak zo uh a, kote tungah hihpa’ si hong tun’ nading note in na hanciam uh hi,” ci-in a gen hi.

ROM (Romans) 2:12

Thukham thei lo-a khialte in Thukham loin a sia ding uh hi. Thukham thei napi-in mawhna ahihte in Thukham bangin thukhenna a thuak ding uh hi.

1 THESALONIKA MASA 2:15

Tua Judah mite in, Topa Zeisu akipan kamsangte a that zo uh hi. Kote zong hong hawlkhia uh a, Pasian lungsim tawh kituak loin mi khempeuh tawh zong kilem lo uh hi.