Sawltak 2:22 - Tedim Bible

²² “No Israel mite aw, hih thu na ngai ta un. No na theih uh mah bangin Pasian in Nazareth mi Zeisu tungah vangliatnate leh nalamdangte leh lungman’nate, note lakah hong hih theihna tawh Pasian in note kiangah tua Zeisu a dik hi ci-in a lak hi.

Tedim Bible Revision 2017

²² “Ka mipih Israel-te aw, hih ka thugen na ngai un: Nazareth khuami Jesu tungtawnin Pasian in lim le nalamdangte bawlin na hong sem ahih manin, Jesu pen Pasianʼ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Sawltak 2:22 Referans Kwoze

Johan 3:2

Tua pa zan lai takin Zeisu kiangah pai a, “Rabbi aw, nangmah in Pasian kiang pan hong pai thuhilhpa na hi cih kote in ka thei uh hi. Bang hang hiam na cih leh, na bawl nalamdangte Pasian in nangmah tawh a omkhawm kei leh, kuamah in a bawl thei kei ding hi,” a ci hi.

Sawltak 4:10

note in singlamteh tungah na thah khit uh ciangin, Pasian in sihna pan a thawhkik sak Nazareth mi Zeisu’ min tawh hih pa in note mai-ah cidamin a ding hi cih, note akipan Israel mi khempeuh in thei ta un.

Luka 11:20

Ahih hangin, Pasian’ khutme tawh dawite ka hawlkhiat leh, Pasian’ Gam in note kiangah hong tung zo hi.

Mattiu 12:28

Keimah in Kha Siangtho suangin dawite ka hawlkhiat leh, Pasian’ Gam in note kiangah hong tung zo hi.

Mattiu 9:8

Mihonte in a muh uh ciangin a lau uh a, hih bang bawl theih nading thu mi tungah a pia Pasian a phat uh hi.

Hebru 2:4

Tua teci a pang mite tawh Pasian in lim tawh ahi zongin, a lamdang nate tawh ahi zongin, nalamdang tuamtuamte tawh ahi zongin, ama deihna bang a hawmsak Kha Siangtho piak thupha tawh ahi zongin teci a pang khawm hi.

2 KORIN NIHNA 12:12

Ahi takpi-in na khempeuh ah thuakna tawh nalamdangte leh dipkuat huaite, vangliatnate tawh, sawltakte’ lim note lakah a kilang khinzo hi.

Sawltak 26:26

Bang hang hiam na cih leh, kumpipa mai-ah ka gen ngam hih thute kumpipa in a thei hi. Hih thu a thei lo khat beek a om kei hi ci-in ka sin sungah ka um hi. Bang hang hiam na cih leh, hih thute a kilang lo-na munah kibawl ahi kei hi.

Sawltak 26:9

“Nazareth khua mi Zeisu’ min langpanin ahi thei zahzaha sep ding mah hi ci-in ka kizo khin a,

Sawltak 24:5

Bang hang hiam na cih leh, Nazareth mipawl ukpa ahi, leitung mun khempeuh ah Judah mi khempeuh misuam dingin a hansuah, hih mi gilo kote’n ka mu zo uh hi.

Sawltak 22:8

‘Topa aw, kua na hi hiam?’ ci-in ka dot ciangin, ‘Na bawlsiat, Nazareth khua mi, Zeisu ka hi hi,’ hong ci hi.

Sawltak 21:28

mi honpite hansuahin, “Israel mite aw, hong huh un! Hih pa in ei mi pawlte ahi zongin, Thukhamna ahi zongin, hih mun ahi zongin, a kituak loin bawl a, mun khempeuh ah mi vekpi kiangah thu a hilh hi. Tua tham loin Grik mite biakna innpi sungah lut sakin, hih mun siangtho a nin sak hi,” ci-in a man uh hi.

Sawltak 14:27

A tun’ uh ciangin pawlpite kikhawmsak uh a, amaute tungah Pasian’ bawlna leh Gentailte ading thu upna kong kihon’na thu teng a zasak uh hi.

Sawltak 13:16

Tua lai takin Paul ding a, a khut vaanin thu a hilh inah: “Israel mite leh Pasian kihta-te aw, ngai un.

Sawltak 6:14

Bang thu a gen hiam na cih uh leh, ‘Tua Nazareth mi Zeisu in hih inn a sugawp ding a, Moses in eite hong piak ngeina a kikheelsak ding hi,’ ci-a a gen thu ka za zo uh hi,” ci-in teci a pang uh hi.

Sawltak 5:35

“Israel mite aw, hih mite tungah bang bawl sawm na hi uh hiam na kikem un.

Sawltak 3:12

Piter in tua mite a muh ciangin, “Israel mite aw, hih thu bang hangin lamdangsa na hi uh hiam? Kote vangliatna leh phatna tawh kote in hih pa lam a paisak bangin bang hangin kote hong en gega na hi uh hiam?

Johan 19:19

Pilat in laigelh a, singlamteh tungah a suang hi. Tua lai in, “JUDAHTE’ KUMPIPA, NAZARETH KHUAMI ZEISU AHI HI,” ci-in a kigelh hi.

Johan 15:24

Midangte in a bawl ngei loh nalamdangte amaute lakah bawl lo hi leng, mawhna a nei kei ding uh hi. Ahih hangin tu-in amaute in hih nalamdangte mu khin napi-in kei leh ka Pa hong mudah veve uh hi.

Johan 12:17

Lazaras han sung pan samkhia a, sihna pan a thawhkiksak lai takin, Zeisu tawh a omkhawm mihonpite in teci a pang uh hi.

Johan 11:47

Tua ahih ciangin siampi liante leh Farisaite in upa vaihawmte kikhawmsak uh a, “Eite in bangci hih ding i hi hiam? Hih mi in nalamdang tampi a lak hi.

Johan 10:37

Kei in ka Pa’ ut bangin ka gamtat kei leh, hong um kei un.

Johan 9:33

Hih pa in Pasian kiang pan hong pai kei leh, bangmah a hih thei kei ding hi,” a ci hi.

Johan 7:31

Mihonpi lakah mi tampite in amah um uh a, “Khazih hong pai ciangin hih pa’ lah sangin nalamdang zaw a lak ding hiam?” a ci uh hi.

Johan 6:27

A sia thei an ngah nadingin hahkat kei un; Mihing Tapa in no hong piak ahing tawntung nuntak tawntungna an na ngah nadingun hahkat un. Bang hang hiam na cih uh leh, Pasian’ ciamtehna a ngahpa in tua Tapa ahi hi,” a ci hi.

Johan 6:14

Tua bangin Zeisu in nalamdang a bawl tua mite in a muh uh ciangin, “Hih pa in leitungah hong pai ding Pasian’ kamsangpa taktak ahi hi,” a ci uh hi.

Johan 5:36

Ahih hangin Johan’ teci pan’na sangin teci pan’na a lianzaw ka nei hi. Bang ahi hiam na cih uh leh, nasepna ka zawh nading ka Pa in hong piak tu-a ka sepna thute in, Pa in kei hong sawl ahihna thu keima ading teci hong pang uh hi.

Johan 4:48

Zeisu in, “Note in nalamdang leh lim na muh kei uh leh, na um kei ding uh hi.” a cih ciangin,

Johan 1:45

Filip in Nathanael zong a, “Moses in Pasian’ Thukhamna Lai Siangtho sung leh kamsangte in lai sungah a gelhkholhsa Nazareth mi Josef’ tapa Zeisu ka mu zo uh hi,” a ci hi.

Luka 24:18

Tuate khat Kleopas kici in, “Jerusalem khuapi-ah hawh napi-in tulai taka tua khua a, thu piangte khempeuh thei lo nang bek na hi hiam?” a ci hi.

Mattiu 2:23

Galile gamah pai a, “Khazih in Nazereth mi kici ding hi,” ci-a Pasian’ kamsangte’ gen bangin a tun’ nadingin Nazareth kici khua khatah tungin a teeng hi.

Isaiah 41:14

Lungno bang ahi lel Jakob, Israel mite aw, lau kei un! Note kong huh ding hi, Topa in ci hi; note hong Tanpa in Israelte’ Siangtho Pa ahi hi.

Sawltak 2:19

Tunglam vantungah nalamdang ka lak ding a, Van nuai leitungah lim ka lak ding hi. Si tawh, meikuang tawh, meikhu tawh ka lak ding hi.

Sawltak 2:43

Mi khempeuh a lau uh a, sawltakte in nalamdang tampi leh lim tampi a bawl uh hi.

Sawltak 3:6

Piter in, “Kham leh ngun ka nei kei hi. Ahih hangin ka neihsa kong pia ding hi.

Luka 18:37

Amaute in, “Nazareth mi Zeisu hong pai hi,” a ci uh hi.