Sawltak 2:17 - Tedim Bible

¹⁷ ‘A nunung nite ciangin Mi khempeuh tungah ka Kha ka bua ding hi. Na tapate na tanute un thu hilhkhol ding uh hi. Na tangvalte un mang a mu ding uh a, Na puteekte un mang a man’ ding uh hi.

Tedim Bible Revision 2017

¹⁷ ‘Pasian in hih bangin gen hi: Nitawp ni ciangin, mi khempeuh tungah ka Kha ka sung dinga, na tanute uh le na tapate un keima thu taangko ding uh hi; na tangvalte un maang mu ding uh a, na puteekte un mang man ding uh hi.

Sawltak 2:17 Referans Kwoze

Isaiah 44:3

Bang hang hiam cih leh a dangtak leitang tungah tui ka sung ding a, leikeu tungah lui tui ka luangsak ding hi; na suan leh khakte tungah ka Kha ka pia ding a, na tu na tate tungah ka thupha ka pia ding hi.

Sawltak 10:45

Piter tawh a paikhawm Pasian thu-um vunatte khempeuh in Gentailte tungah Kha Siangtho a tung a muh uh ciangin a lungmang uh hi.

Johan 7:39

Tua bang a cihna in a umte’ ngah ding Kha Siangtho a cihna ahi hi. Bang hang hiam i cih leh, Zeisu in minthan’na ngah nai lo ahih ciangin Kha Siangtho a kipia nai kei hi.

Zekhariah 12:10

David’ suan-le-khakte leh Jerusalem khuamite tungah, hehpihna leh thunget nopna lungsim ka guan ding hi. Amaute in a sut lup uh mipa enin, ta khat neihsun a sihsuahte bangin kap ding uh a, a tacil a khuaisuahte bangin nakpi takin kapin thuum ding uh hi.

Ezekiel 11:19

Amaute tungah kithu tuakin thumanna lungsim thak ka pia ding hi. Amaute’ suang lungtang paihkhiatsakin mihing lungtang ka guan ding hi.

1 KORIN MASA 12:28

Pasian in a masa belin sawltakte, a nihna thuhilhte, a thumna laihilhte, tua khit ciangin nalamdang a lak theite, tua khit ciangin cina damsak theite, huhte, pawlpi ukte, paunam tuam tampi a gen theite, pawlpi sungah a koih zo hi.

Luka 3:6

Mi khempeuh in Pasian’ gupna thu a thei ding uh hi,” ci-in a gelh hi.

Sawltak 21:9

Tua pa in thuhilh thei tanu li a nei hi.

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

2 PETER NIHNA 3:3

Amasa bel-a theih ding akilawm thu in a nunung bel nite ciangin a kosia thei mite in amaute’ deihgawhna bang gamta-in:

1 KORIN MASA 12:10

Mi khat kiangah nalamdang bawlna thu, mi khat kiangah kamsan’na thu, mi khat kiangah lungsim kha khentel theihna thu, mi khat kiangah paunam tampi gen theihna thu, mi khat kiangah tua paute a khiatna gen theihna thute a pia hi.

ROM (Romans) 5:5

Lawpna in hong zumsak lo ding hi. Bang hang hiam na cih uh leh, hong piak Kha Siangtho in Pasian’ itna eite sin sungah hong sung zo hi.

Ezekiel 39:29

Israel mite tungah ka kha ka pia ding a, amaute ka nungngat nawn kei ding hi. Topa Pasian in hih thu ka gen khin hi,” hong ci hi.

Isaiah 66:23

Khadet khat pan khadet khat, sabbath khat pan sabbath khat, kunsukin keimah a bia dingin Jerusalem ah mi khempeuh hong pai ding uh hi, Topa in ci hi.

Zekhariah 2:13

Mi khempeuh aw, Topa’ mai-ah gamdai-in om un. Bang hang hiam cih leh a siangtho ama omna mun panin amah hong paikhia ta hi.

Isaiah 2:2

Nidang ciangin Topa’ inn omna mual pen, mual liante lakah a sang penin kikipsak ding a, mual neute tungah kisangsak ding hi; tua-ah minamte khempeuh pai muamua ding uh a,

Paunak 1:23

Kong thuhilhna hong ngai un, ka ngaihsutna kong gen ding a, ka theihna kong zasak ding hi.

Late 72:6

Amah, pawn lak lopa tunga guah kia leh lei a kawtsak guahzu tawh kibang ta hen!

Johan 17:2

Nang in Ta’ khut sungah na piaksate khempeuh, nuntak tawntungna a piak nadingin mi pawl khempeuh uk nading thu Ta na pia hi.

Micah 4:1

Mai lam hunah, Topa’ biakinn a omna mual, a sang pen mual hong suak ding a, minam tampi in hong zuan ding uh hi.

Isaiah 40:5

Topa’ kam in gen khin ahih manin, Topa’ minthan’na hong kilang ding a, mi khempeuh in mu khawm ding uh hi,” a ci hi.

Piancilna 49:1

Tua ciangin Jakob in a tapate sam a, “A hong tung ding hunte ah note tunga hong tung ding thu kong gen theih nadingin note hong kikhawm un.

Isaiah 49:26

Nang hong nengniam mite pen amau’ satak mah ka ne sak ding a, zukham bangin amau’ si mah kham ding uh hi. Tua ciangin, kei pen, Jakob’ Vanglian Pa, nang hong Tankhiapa, nang hong Honpa Topa ka hihna mi khempeuh in thei ding hi,” a ci hi.

Jeim 5:3

Na kham na ngunte uh zong a keekseu khin hi. Tuate keekseuna in note lang khatah teci hi a, mei bangin note’ sa hong ne ding uh hi. Note in a nunung bel ni hi napi-in sum na khol uh hi.

Daniel 10:14

Mai lam hunah na mipihte’ tunga hong tung ding thu hilhkhol dinga hong pai ka hi hi. Hih in mai lama hong piang lai ding mangmuhna ahi hi.

Piancilna 6:12

Pasian in leitung mu hi, en un, kisia hi; bang hang hiam cih leh leitungah mi khempeuh a sia-in a gamta lo kuamah om lo hi.

Late 65:2

Nangmah in thungetna a za-pa na hi hi! Mawhna thu hangin nangma kiangah mi khempeuh hong pai ding uh hi.

Sawltak 11:28

Tuate lakah Agabas kici khat in ding a, “Gam khempeuh sungah kial hong tung ding hi,” ci-in Kha Siangtho tawh a hilh hi. Tua kialpi in kumpipa Klaudias a man’ lai-in a hong tung hi.

Sawltak 2:16

Hih thute in kamsangpa Joel in a hilh ngeisa thu ahi hi.

Sawltak 2:18

Tua lai takin ka nasem pasal leh numeite tungah, Ka kha ka bua ding a, thu a hilhkhol ding uh hi.

Sawltak 2:33

Tua ahih ciangin amah in Pasian’ ziat lamah pahtawina ngah a, Pa kiangah Kha Siangtho kiciamna a ngah khit ciangin, no na muh na zak uh nate hong bua zo hi.

Sawltak 11:27

Tua lai takin Jerusalem khua panin Antiok khua-ah Pasian’ kamsangte hong tung uh hi.