Sawltak 2:1 - Tedim Bible

¹ Pentekost pawikham ni a tun’ ciangin amaute khempeuh mun khatah a omkhawm uh hi.

Tedim Bible Revision 2017

¹ Pentekos ni hong tun ciangin Jesu a um mi khempeuh mun khat ah kikhawm uh hi.

Sawltak 2:1 Referans Kwoze

ROM (Romans) 15:6

Khazih Zeisu deih bangin khat leh khat kilung tuakin na om nadingun , kithuakzawhna leh hehnepna a pia Pasian in hong hehpih ta hen.

Filippi 1:27

Note in galte hangin lau loin, lungsim kha khatah kipin, Lungdamna Thu tawh kipawl upna ading, lungsim kituakin na hahkatna uh, ka hong tun’ ciangin note tawh kimu-in ahi zongin, a kikhenin i om ahi zongin ka zak theih nadingin Khazih’ Lungdamna Thu tawh akilawm akituakin gamtat ding na hanciam un.

1 KORIN MASA 16:8

Pentekost pawikham ni dongin Efesa khua ah ka om ding hi.

Zefaniah 3:9

Tua ciangin minamte’ lungsim ka hei ding a, amaute in Topa tung bekah thu ngenin, lungsim kikhatin Topa’ na sem ding uh hi.

Sawltak 4:32

Thu-um mite in a lungsim leh a ngaihsut uh kikhat a, kuamah in ama neihsa khatpeuh peuh pen ama’ aa tuamin ngaihsun loin, a neih khempeuh uh a neikhawm uh hi.

Paikhiatna 23:16

Note in lo-a na tuh uh, na nasepna uh a gah masa, anlak pawi na bawl ding uh hi. Note in lo panin na nasepna uh a gah na kaihkhop uh kum bei ciangin kaihkhopna pawi na bawl ding uh hi.

Sawltak 20:16

Bang hang hiam i cih leh, Paul in Pentekost pawikham ni a tun’ ma-in Jerusalem khua a tun’ zawh man khak leh ci-in hahkat a, Asia gamah sawtpi om nuam lo ahih ciangin, Efesa khua-ah khawl loin pai ding a hanciam zo hi.

Sawltak 4:24

Tua mite in a zak uh ciangin lungsim kikhatin, Pasian kiangah kiko-in, “Vantung leh leitung, tuipi leh tuipi sungah a om khempeuh a Bawlpa, Topa aw,

Jeremiah 32:39

Amaute’ hoih nading leh amaute’ nung-a a tu a tate uh’ hoih nadingin a tawntungin kei hong zahtak nadingun lungsim kikhat leh nuntakdan kikhat ka pia ding hi.

Paikhiatna 34:22

Nipi kalte’ pawi, mangbuh a tung masa leh kum bei ciangin an kaihkhop pawi na bawl ding uh hi.

Sawltak 5:12

Sawltakte’ khut tungah mite mai-ah lim leh nalamdang tampi tak a kihih hi. Amaute in Solomon’ Talap-ah lungsim kikhatin a omkhawm uh hi.

2 KHANG TANGTHU NIHNATE 30:12

Topa’ thupiakna tawh kumpipa leh uliante’ sawlna a sem dingin Judah mite tungah Pasian in lungsim kikhatna guan hi.

Late 133:1

En un, sanggam bangin mite pumkhat suakin a tutkhawm ciangin bangzahin hoihin nuam ahi hiam!

2 KHANG TANGTHU NIHNATE 5:13

aw kikhatin phatin Topa tungah lungdam koh ding pen peengkul tumte leh lasate’ nasep ahi hi), peengkulte leh daltuahte leh adang lasaknate tawh, “Topa tungah lungdam koh ding hoih hi, bang hang hiam cih leh ama itna kip tawntung hi,” ci-in Topa phatna-in la a kisak ciangin, Topa’ inn in meii tawh kidim a,

Sawltak 2:46

Amaute in biakna innpi sungah ni simin lungsim kituakin a om uh a, amau innah anlum balnenin, a siangtho lungdamna tawh anne tuidawn uh a, Pasian a phat uh hi.

Sawltak 1:5

Bang hang hiam na cih uh leh, Johan in tui sungah hong baptaiz hi. Ahih hangin a sawt loin note in Kha Siangtho sungah na kibaptaiz ding uh hi,” a ci hi.

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Sawltak 4:31

Tua thu a nget khit uh ciangin a kikhopna mun uh liing a, amaute khempeuh Kha Siangtho tawh kidimin Pasian’ thu hang takin a gen uh hi.