Sawltak 19:9 - Tedim Bible

⁹ Mi kimkhat in lungkhauh a, um loin a om uh a, Lampi thu mite mai-ah a kosia uh ahih ciangin Paul in amaute kiang pan paikhia a, nungzuite atuamin a khen khit ciangin Tirannas laihilhna sanginn ah ni simin thu a kikum uh hi.

Tedim Bible Revision 2017

⁹ Ahi zongin mi pawl khat in kin het loin um nuam lo uh a, mipiʼ zakin Topaʼ thu pai ziate gensia gawp uh ahih manin Paul in amaute nusia-in thu um mite paikhiatpih a, Tirannas in thugenna-in a neih innpi sungah nisimin thugenna hun a zang hi.

Sawltak 19:9 Referans Kwoze

Sawltak 19:23

Tua lai takin Lampi thu hangin thusia a piang hi.

Sawltak 9:2

hih Lampi a zui numeite ahi zongin, pasalte ahi zongin a muh ciangin, khau tawh a khih khit ciangin Jerusalem khua-ah paipih dingin Damaskas khua kikhopna inn ukte kiangah vaikhakna lai piak nading siampi ukpa kiangah a ngen hi.

2 PETER NIHNA 2:12

Hih mite ahih uh leh, ngaihsut pilna nei lo ganhingte bangin ahi uh a, siatna a thuak ganhingte taktak bangin amaute in a theih tel loh uh nate kosia-in, a siatsak uh hangin, kisiatna a man takin tungin,

Sawltak 14:4

Khua sung mi honpite a kikhen uh a, kimkhat in Judah mite lamah, kimkhat in sawltakte lamah a kipawl uh hi.

Juda 1:10

Tua mite in ahih uh leh, amau theih loh na peuhpeuh a kosia uh hi. A ngaihsun thei lo ganhingte bangin ngeina bangin a theihtheih nate uh hangin, amau pumpi uh a siasak uh hi.

2 PETER NIHNA 2:2

Amau kihhuai gamtatnate mi tampi in mangin, thuman thutak lampi kosiatna a thuaksak ding uh hi.

Hebru 3:13

Mawh kheemna hangin note lakah a lung khauh mi a om khak loh nadingin, “Tu ni,” a kicih lai takin nisimin khat leh khat kihansuah un.

1 TIMOTI MASA 6:5

Tuate in Pasian biakna lamah nopsakna in sum hauhna hong piangsak hi ci-in a um uh hi.

ROM (Romans) 11:7

Tua bang ahih leh, bang ci ahi hiam? Israel mite in a zon’ uh hangin a mu kei uh hi. A teelsate bek in a ngah uh hi. A om lai mite in a lung a khauhsak uh hi.

ROM (Romans) 9:18

Tua mah bangin a hehpih nopte a hehpih hi, a lungkhauhsak nopte a lungkhauhsak hi.

Sawltak 22:4

Hih lampi a zui numei leh pasal henin, thong sungah khumin, a sih dongin ka bawlsia hi.

Sawltak 7:51

“Lungkhauh a, lungsim leh bil tawh vunat loh mite aw, note in Kha Siangtho a tawntungin na nial uh hi. Na pute na pate uh a gamtat bangin na gamta uh hi.

2 TIMOTI NIHNA 4:2

Pasian thu hilh in, a hun a om zongin a om kei zongin hahkatin mawhna lakin, taai in; lungnemna khempeuh tawh thu hilhin hansuah in.

2 TIMOTI NIHNA 3:5

Pasian biakna puatham teng zui uh a, ahih hangin a vangliatna a nial mi ahi ding uh hi. Tua bang mite na peel in.

2 TIMOTI NIHNA 1:15

Asia gamah a om mi khempeuh in kei kiangpan a pialkhiat zawh uh na thei hi. Tuate lakah Figelas leh Hermogenes zong a om uh hi.

Sawltak 28:22

Ahih hangin hih biakna in gam khempeuh ah kosiatna a thuak cih thei ka hih manun, na upna thu nangma kiang pan ka ngai nuam uh hi,” a ci uh hi.

Sawltak 24:21

‘Misite’ thawhkikna thu hangin note mai-ah tuni-in thu dotna ka thuak hi,’ cih ka kikona aw kam khat longal, keima tungah mawhna dang bang hong mu ahi uh hiam, tu-in hih mite in hong gen ta uh hen,” ci-in a gen hi.

Sawltak 20:31

Tua ahih ciangin kikem un. Keimah in kum thum tawntung sun tawh zan tawh pelh loin mi khempeuh khitui tawh hilhin, ka om na mangngilh kei un.

Sawltak 19:30

Paul in kikhopna sungah lut ding a kisak ciangin nungzuite in a kham uh hi.

Sawltak 17:4

Amaute kimkhat in thu um uh a, Pasian a bia uh Grikte tampi leh a minthang numeite in Paul leh Silas tawh a kipawl khawm uh hi.

Sawltak 11:26

A muh ciangin Antiok khua-ah a paipih hi. Tuate in pawlpi tawh kum khat omkhawm uh a, mi tampi kiangah thu a hilh uh hi. Zeisu’ nungzuite in Antiok khua-ah Christian a kici masa bel hi.

Johan 12:40

“A mit uh tawsakin, a lungsim uh a khauhsak hi. Tua bang hih kei leh, a mit uh tawh mu-in, A lungsim uh tawh thei ding uh a; Amau cinatna ka damsak ding hi,” a cihna thu hangin amaute in a um kei uh hi.

Mattiu 26:55

Tua lai takin Zeisu in, “Note in galgu mat bangin kei man dingin namsau leh molhtum tawi-in hong pai na hi uh hiam? Keimah in nisimin biakna innpi sungah tu a, thu ka hilh lai takin na hong man kei uh hi.

Mattiu 16:4

Gilo a pangtat khang mite in lim a nget uh hangin, Pasian’ kamsangpa Jonah lim longal lim dang a kilak kei ding hi,” a cih khit ciangin tua mite’ omna pan a paikhia hi.

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

Jeremiah 19:15

“A vanglian Topa, Israel mite’ Pasian in a cih-inah, En un, hih khuapi leh a kim-a khuaneute’ tungah ka gensa siatna khempeuh ka tung sak ding hi. Bang hang hiam cih leh amaute in a lung uh a khauhsak uh a, ka thute a ngai nuam kei uh hi, a ci hi,” ka ci hi.

Jeremiah 7:26

ahih hangin amau in ka thu hong ngai loin, a bil uh hong ngat lo uh a, a lung uh a khauhsak uh hi. A pute a pate uh sangin a siazaw uh hi.

Isaiah 8:14

Amah pen, bukna hi ding a, a siangtho’ luatna hangin mite’ kitukna leh puk theihna suangtum tawh kibang hi. Judah leh Israel kumpigam mite leh Jerusalem khua-a teeng mite a awk nading thangzak tawh kibang ding hi.

Paunak 8:34

Ka thugenna ngai mipa, ni simin ka kong gei-ah omin, ka inn-ah a ngak mipa in thupha ngah ding hi.

Late 95:8

Amaute in ka nasepna mu khin napi, Meribah leh Massah mun-ah na pate un kei hong ze-etin, gamtatna tawh ka lah ding hong kalh hun lai bangin, note in na lungsim uh khauhsak kei un.

Nehemiah 9:29

Tua hi a, na thukham lamah amaute hong kihei kik nading lim takin amaute na hilhkhol a, ahi zongin amaute kihisakin na thupiaknate don lo uh hi; a zuite tungah nuntakna a pia thei ahi na ngeina kip tungah amaute khial uh hi. Lung khauhin phengphi-in amaute kiheikhia uh a, thu mang nuam lo uh hi.

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

2 KHANG TANGTHU NIHNATE 30:8

Tu-in na pute na pate uh bangin lungkhauh kei un la, note kiang panin a lauhuai ama hehna a kiheikhiat theih nadingin Topa’ lamah kipia un la, amah in a tawntung dingin a sian’thosaksa a biakinn ah pai-in Topa na Pasian uh, bia un.

2 KUMPI NIHNATE 17:14

Ahih hangin amaute in thungai lo uh a, Topa a Pasian uh a um lo a pate uh mah bangin lungsim khauh uh hi.

1 KORIN MASA 16:9

Bang hang hiam na cih uh leh, lawhcin’ nadingin alian kongkhak a mansa-in kei ading a kihong hi. Hong langpan mi zong tampi a om uh hi.