Sawltak 19:8 - Tedim Bible

⁸ Paul in kikhopna innah lutin kha thum tawntung Pasian’ Gam thu gen a, zolin, lau loin a hilh hi.

Tedim Bible Revision 2017

⁸ Tua ciangin Paul in kikhopna inn sungah hang takin kha thum sung thu hilh a, mite in Pasianʼ Ukna thu a up zawh nadingun nakpi takin a gen hi.

Sawltak 19:8 Referans Kwoze

Sawltak 1:3

Tua Zeisu in gimna a thuak khit ciangin amau kiangah ni sawmli tawntung kilangin, hihna tampi tawh a nungta taktak ahihna lak a, Pasian’ Gam thu a hilh hi.

Sawltak 28:23

Kimuh nading ni a seh uh ciangin mi tampite in Paul’ omna-ah hong pai uh a, Paul in Pasian’ Gam thu teci pang a, tuate in Zeisu thu a up nadingun Moses’ Thukham lai leh Pasian’ kamsangte lai paulamin thu hilhin, zingsang akipan nitum dongin a zol hi.

Juda 1:3

Ka itte aw, eite in i ngah khawm gupna thu tawh kizomin note kiangah ka hong gelh thu hahkat a, ka bawl lai takin, misiangthote kiangah khatvei bek a piaksa upna thu ading, lungsim khauhin na do nadingun hansuahin ka hong gelh hi.

Sawltak 19:9

Mi kimkhat in lungkhauh a, um loin a om uh a, Lampi thu mite mai-ah a kosia uh ahih ciangin Paul in amaute kiang pan paikhia a, nungzuite atuamin a khen khit ciangin Tirannas laihilhna sanginn ah ni simin thu a kikum uh hi.

Sawltak 18:19

Efesa khua-ah a tun’ uh ciangin Akuila leh Prisilla a nusia hi. Paul ahih leh, kikhopna inn sungah lut a, Judah mite tawh a kikum hi.

Sawltak 18:4

Paul in Nipi ni simin kikhopna inn sungah thuhilhin Judah mi leh Grik mite a zol hi.

Sawltak 17:17

Tua ahih ciangin kikhopna inn sungah Judah mite tawh akipan Pasian a bia mite leh sumbuk lamah a kituahpihte tawh thu a kikum uh hi.

Sawltak 14:1

Ikonium khua Judah mi kikhopna inn sungah a lut uh a, thu a hilh uh ciangin, Judah mi leh Grik mi tampite in a um uh hi.

Sawltak 13:46

Paul leh Barnabas in, “Note kiangah Pasian’ thu hilh masa dingin thu a om hi. Ahih hangin no na paikhia uh a, nuntak tawntungna ngah dingin kilawm kisa lo na hih uh ciangin, Pasian in kote thu hong piak mah bangin Gentailte kiangah ka kihei ding uh hi.

Sawltak 13:14

Amaute in Perga gam a paisuak uh a, Pisidia gam sung Antiok khua-ah a tung uh a, Nipi ni-in kikhopna inn sungah tumin, a tu uh hi.

Sawltak 18:26

Amah in kikhopna inn sungah lau loin thu a hilh hi. Prisilla leh Akuila in ama thu a zak uh ciangin, a sam uh a, Pasian’ ngeina thu a tel zaw-in a hilh uh hi.

Sawltak 19:7

Tua mite a kisim ciangin pasal sawm-le-nih pha hi.

Sawltak 19:10

Tua mah bangin kum nih tawntung hilh ahih ciangin Asia gam sungah a om Judah mi leh Grik mi khempeuhte in Topa’ thu a za za uh hi.

Sawltak 20:31

Tua ahih ciangin kikem un. Keimah in kum thum tawntung sun tawh zan tawh pelh loin mi khempeuh khitui tawh hilhin, ka om na mangngilh kei un.