Sawltak 19:29 - Tedim Bible

²⁹ Khua sung khempeuh gamlumna tawh kidim hi. Amaute in Makedonia pana Paul’ khualzinpihte, Gaias leh Aristarkhus a mat khit uh ciangin, pawikhamna inn sungah lungsim kikhatin a tai uh hi.

Tedim Bible Revision 2017

²⁹ Khua sung khempeuh ah tua buaina hong kizel a, mihonte in Paul tawh a kikhawl Masedonia mi Gaias le Aristarkhas manin mihon kikhopna innpi ah a kai uh hi.

Sawltak 19:29 Referans Kwoze

Sawltak 20:4

Paul tawh Asia gam a zin dingin a paikhawm mite in Bera khua mi Pirras’ tapa Sopater, Thesalonika khua mi Aristarkhus leh Sekundus, Derbe mi Gaia, Listra mi Timoti, Asia gam mi Tikhikas leh Trofimas-te ahi uh hi.

Kolose 4:10

Kei tawh thong a kia khawm mi Aristarkhas akipan Barnabas’ nau Marka leh Justas a kici Zeisu te in note a hong hopih uh hi. Marka thu tawh kipawl note kiangah ka hong khak zo hi. Amah note kiangah a hong tun’ ciangin dawnin na tungsak un.

Sawltak 27:2

Asia gam tuipi gei-ah a om khuate ah pai dinga kisa Adramittium teembaw tungah tuangin ka pai uh hi. Makedonia gam Thesalonika khua mi Aristarkhas kote tawh a omkhawm hi.

1 KORIN MASA 4:9

Thah dinga kikoih mite bangin, mi khempeuh nungah sawltak kote, Pasian in hong lak zo hi ci-in ka um hi. Bang hang hiam na cih uh leh, vantungmite leh leitungmite mai-ah pawikham siim mi-in hong kikoih hi.

1 KORIN MASA 1:14

Krispas leh Gaias longal note lakah kuamah ka baptaiz kei hi ci-in Pasian’ hehpihna ka phat hi.

ROM (Romans) 16:23

Kei ahi zongin, pawlpi khempeuh ahi zongin, zin hong do thei Gaias in note hong hopih hi. Khuapi dangka keem Erastas leh i sanggampa Kuartas-te in note hong hopih uh hi. (

Sawltak 21:30

Khuazangin kigamlum a, mi tampite tai-in kikhawm uh a, Paul a mat khit uh ciangin biakna innpi sung pan a kaihkhiat khit uh ciangin kong a khak kik uh hi.

Sawltak 19:22

Ama nasem mi nih, Timoti leh Erastas Makedonia gamah a paisak khit ciangin amah in Asia gamah tawlkhat khawl lai hi.

2 KORIN NIHNA 8:19

Tua sanggampa in Pasian’ pahtawina ahi zongin, komau lungsim phatna ahi zongin kilangsak a, hehpihna sumpi piakna nasepna-ah kote tawh hong tonkhawm dingin pawlpite in teelin a koihpa ahi hi.

Sawltak 21:38

Nang in, nidang lai-inah mi suam ding hansuahin, a suamte tuili gampa lakah a paipih Izipt mi hilo na hi hiam?” ci-in a dong hi.

Sawltak 20:34

Hih ka khut in keimah leh keimah tawh a omkhawmte hong vaak note in na thei uh hi.

Sawltak 19:32

A kikhawm mite zong gamlumin om uh ahih ciangin, a thu atuam atuam a kiko uh hi. Mi tamzawte in amaute in bang hangin kikhawm ahi uh hiam cih zong a thei kei uh hi.

Sawltak 17:8

Mihonpi akipan khua ukte in hih thu a zak uh ciangin a lungmang uh hi.

Sawltak 16:9

Zan ciangin Paul in mang a mu hi. Tua mang sungah Makedonia mi khat ding-in, “Makedonia gamah galkah in la, kote hong huh in,” ci-in a thuum hi.

Sawltak 13:5

Salamis khua-ah a om lai takun Judah mite’ kikhopna inn sungah Pasian’ thu a hilh uh hi. Johan in amaute huh dingin a om

Sawltak 16:12

Tua khua panin paikhia-in Rom khua kici Makedonia gam sungah a lianbel khua ahi, Filippi khua ka tung uh a, sawt veipi ka tam uh hi.

Sawltak 19:21

Tua nung ciangin Paul in Makedonia gam leh Akhaia gamah a pai khit ciangin Jerusalem khua-ah pai ding a lungsim sungah hanciamin, “Tua khua ka tun’ khit ciangin Rom khua ka phak teitei kul ding hi,” a ci hi.

3 JOHAN THUMNA 1:1

Upa in a man takin ka it Gaias kong zasak hi.