Sawltak 19:27 - Tedim Bible

²⁷ Eite nasepna hong siagawp ding tham loin, a lian dawi-numei Diana biakna inn nasim lo a, Asia gam akipan mi khempeuhte in a biak uh a minthan’na zong a kisiat ding lunghihmawh huai hi,” ci-in a gen hi.

Tedim Bible Revision 2017

²⁷ Tua ahih manin i nasepna a siat khak ding lauhuai hi. Tua bek hi loin, Asia gam sung mi le leitung mi khempeuh in a biak Artemis nusian biakna innpi a mawkna hong suahkhak ding le a liatna teng a maiman khak ding lauhuai mahmah hi,” a ci hi.

Sawltak 19:27 Referans Kwoze

Zefaniah 2:11

Topa in amaute lausak gawp ding a, leitung pasiante, neu bawl gawp ding hi. Tua ciangin, minam khempeuh in amau’ gam ciat panun amah bia ding uh hi.

1 TIMOTI MASA 6:5

Tuate in Pasian biakna lamah nopsakna in sum hauhna hong piangsak hi ci-in a um uh hi.

Mangmuhna 13:8

Leitung a cil panin thahna a thuak khin Tuuno’ nuntakna laibu sungah a min uh a kigelh lo leitung mi khempeuh in sahang a bia ding uh hi.

Mangmuhna 13:3

Tua sahang lutang khat in si dektaka sukkhakna liamma a nei hi. Tua liamma in a dam khin zo hi. Leitung mi khempeuh in tua sahang zui-in, lamdangsa-in,

1 JOHAN MASA 5:19

Eite in Pasian’ tate i hi hi cih thu i thei hi, leitung khempeuh in a gilo mi’ khut sungah a om thu zong i thei hi.

Sawltak 19:21

Tua nung ciangin Paul in Makedonia gam leh Akhaia gamah a pai khit ciangin Jerusalem khua-ah pai ding a lungsim sungah hanciamin, “Tua khua ka tun’ khit ciangin Rom khua ka phak teitei kul ding hi,” a ci hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Isaiah 44:17

Amah in a val lai teng, ama milim pasian khatin bawl hi; tua milim mai-ah kunin bia hi; amah in tua milim tungah thungen a, “Nang in keima pasian na hih ciangin kei hong honkhia in!” ci hi.

Mattiu 24:14

Mi namkimte tungah teci a pan’ nadingin leitung khempeuhah Lungdamna Thu kihilh ding hi. Tua khit ciangin beina a piang ding hi.”

Sawltak 19:10

Tua mah bangin kum nih tawntung hilh ahih ciangin Asia gam sungah a om Judah mi leh Grik mi khempeuhte in Topa’ thu a za za uh hi.

Mangmuhna 14:9

Tua nung ciangin thumna vantungmi khat in zui-in, “Mi khatpeuh mah in sahang leh ama milim bia-in, ama taltang tung ahih kei leh, a khut tungah ciamtehna a ngah leh,