Sawltak 19:26 - Tedim Bible

²⁶ Hih Paul in, ‘Mi’ khut tawh kibawl Pasian om lo hi,’ ci-in Efesa khua bek hi lo, Asia gam khempeuh ah mi tampi zol a, a uuksak cih na mu uh, na thei uh hi.

Tedim Bible Revision 2017

²⁶ Nomau mahmah in hih Paulʼ thugen khempeuh za-in na thei uh hi. Amah in mihingteʼ bawl pasian-te pen pasian hi het lo hi, ci-in thu hilh a, hih Efesa khua le Asia gam sung khempeuh ah mi tampi tak a umsak hi.

Sawltak 19:26 Referans Kwoze

1 KORIN MASA 8:4

Milim biakna sa nekna pan ahih leh, leitungah milim in a mawkna taktak hi a, Pasian khat bek longal Pasian dang a om kei hi cih i thei hi;

Sawltak 17:29

Pasian’ suan i hih ciangin Pasian pen mi lungsim siamna leh khutsiamna tawh a kibawl kham tawh, ngun tawh, suang tawh kibang hi ci-a i up ding a kilawm kei hi.

Mangmuhna 9:20

Tua gimna hanga a si lo a om lai mite in dawi gilote tawh, a za ngeilo, amu ngeilo, a pai thei ngeilo kham milim, ngun milim, sumngo milim, suang milim, sing milimte, a biak loh nadingun a mau khut tawh a bawlnate a kisik lo tham loin,

Sawltak 19:10

Tua mah bangin kum nih tawntung hilh ahih ciangin Asia gam sungah a om Judah mi leh Grik mi khempeuhte in Topa’ thu a za za uh hi.

Sawltak 14:15

“Mite aw, bang hangin hih bangin bawl na hi uh hiam? Komau in note tawh kibang lungsim nei mite ka hi uh a, hih a mawkna paaikhia-in van leh lei, tui lianpi akipan leh a sungah a om teng a piangsak a nungta Pasian kiangah na kihei nadingun Lungdamna Thu kong hilh uh hi.

Thu-hilhkikna 4:28

Note in tua lai munah mite’ khut in a bawl, khua mu thei lo, khua za thei lo, a ne thei lo, a nam thei lo sing leh suang pasiante’ na na sem ding uh hi.

1 THESALONIKA MASA 1:9

Bang hang hiam na cih uh leh, kote in note lakah bang ci ka hong lut uh tham loin, a nungta leh thuman thutak Pasian’ na note in sem ding ahi zongin, a hong tung ding hehna pan eite hong gumkhia Zeisu ahi, sihna pan Pasian in a thawh kiksak a Tapa in vantung pan a hong kum kik ding a ngak ding ahi zongin, milimte pan Pasian kiangah bang na ci kihei uh, amau mah in a zasak uh hi.

Galati 4:8

Ahih hangin note in tua hun lai takin Pasian na theih loh lai takun a pian’ lim in Pasian ahi lo mite’ sila-in na om uh hi.

1 KORIN MASA 12:2

Note in Gentailte na hih lai takun, bang ci lam tawh na zuih uh ahi zongin, a pau thei lo milim omna lamah a zui mi na hih ngei uh na thei uh hi.

Jeremiah 10:11

Amaute tungah, “Vantungte leh leitung a bawl lo pasiante, leitung mun khempeuh panin a mangthang ding uh hi,” ci-in na gen ding hi.

Sawltak 18:19

Efesa khua-ah a tun’ uh ciangin Akuila leh Prisilla a nusia hi. Paul ahih leh, kikhopna inn sungah lut a, Judah mite tawh a kikum hi.

Hosea 8:6

Israel sunga om mi khat in tua milim bawl a, tua milim in Pasian hi lo hi. Samaria mite in a biak milim kisuzan ding hi.

Sawltak 19:1

Apollos in Korin khua-ah a om lai takin Paul in saklam gam a paisuak khit ciangin, Efesa khua-ah tungin nungzuite tawm a mu hi.

Sawltak 19:25

Tua pa in sumsungte leh tua bang nasemte a kikhopsak khit ciangin, “Lawmte aw, hih bang nasepna tawh eite in sum i ngah cih na thei uh hi.