Sawltak 19:21 - Tedim Bible

²¹ Tua nung ciangin Paul in Makedonia gam leh Akhaia gamah a pai khit ciangin Jerusalem khua-ah pai ding a lungsim sungah hanciamin, “Tua khua ka tun’ khit ciangin Rom khua ka phak teitei kul ding hi,” a ci hi.

Tedim Bible Revision 2017

²¹ Hih bang thu teng a pian khit ciangin Masedonia gam le Akhaia gamah Paul zinin Jerusalem ah paisuak ding a ngaihsun hi. Tua khit ciangin Rom khua ah zong pai ning, a ci hi.

Sawltak 19:21 Referans Kwoze

Sawltak 20:22

Tu-in Kha Siangtho kikhihna thuakin Jerusalem khua-ah ka pai ding hi. Tua khua panin ka tungah bang thu a piang ding hiam ka thei kei hi.

Sawltak 20:16

Bang hang hiam i cih leh, Paul in Pentekost pawikham ni a tun’ ma-in Jerusalem khua a tun’ zawh man khak leh ci-in hahkat a, Asia gamah sawtpi om nuam lo ahih ciangin, Efesa khua-ah khawl loin pai ding a hanciam zo hi.

Sawltak 23:11

Zing nitak ciangin Topa in Paul kiangah ding a, “Paul aw, lunghimawh kei in. Keima thu Jerusalem khua-ah na gen zo hi. Tua mah bangin Rom khua-ah zong ka teci thu na pang lai ding hi,” a ci hi.

ROM (Romans) 1:13

Ute naute aw, Gentail adangte lakah gah ka ngah mah bangin nomau lakah zong ka ngah nadingin nomau kiangah pai ning ci-in tamveipi ka hanciam ci-in note in na theih loh ding uh ka deih kei hi. Ahih hangin tu dongin, hong kham a om hi.

Sawltak 18:21

“Pasian in hong awi leh, khatvei kong paikik ding hi,” ci-in amaute tawh kikhenin teembaw tuangin Efesa khua pan a paikhia hi.

1 THESALONIKA MASA 1:7

Tua ahih ciangin Makedonia gam leh Akhaia gamah thu-um mite khempeuh ading note in limpha a lak mi na hi uh hi.

Galati 2:1

Tua nung kumsawm leh kumli khit ciangin keimah in Titu samin, Barnabas tawh Jerusalem khua-ah ka paito kik hi.

1 KORIN MASA 16:5

Makedonia gam lam ka pai khit ciangin note kiangah ka hong tung ding hi. Bang hang hiam na cih uh leh, Makedonia gam lam ka tawn ding hi.

ROM (Romans) 1:15

Tua ahih ciangin ka hih theih zahin Rom khua-ah a om note kiangah zong Lungdamna Thu kong hilh nuam hi.

Sawltak 28:16

Rom khua-ah ka tun’uh ciangin Paul in a cing galkap tawh a ut bangin a om theih na’ng thu a ngah hi.

Sawltak 27:24

‘Paul aw, nang lunghimawh kei in. Kaisar kumpipa mai-ah na ding ding hi. Nangmah tawh teembaw sungah a omkhawm mi khempeuhte Pasian in nang hong pia zo hi,’ hong ci hi.

Sawltak 27:1

Italy gam teembaw-ah tuangin ka pai ding uh a kitel khit ciangin, Julias min nei Augustus pawl galkap mangpa’ khut tungah Paul leh thong sunga kikhum midangte a pai uh hi.

Sawltak 21:17

Jerusalem khua-ah ka tun’ uh ciangin ute naute in lungdamna tawh hong tungsak uh hi.

Sawltak 21:4

Tua lai-ah nungzuite ka muh uh ciangin ni sagih tawntung ka tam uh hi. Paul in Jerusalem khua ah pai lo dingin amaute in Kha Siangtho theihsakna tawh a gen uh hi.

Sawltak 18:12

Gallio in Akhaia gam mangpa za a ngah ciangin Judah mite in lungsim kikhatin Paul a man uh a, thukhenna tokhom mai-ah a paipih khit uh ciangin,

Kah la 3:37

Topa deihna bang bekin na khempeuh a piang hi.

Sawltak 16:12

Tua khua panin paikhia-in Rom khua kici Makedonia gam sungah a lianbel khua ahi, Filippi khua ka tung uh a, sawt veipi ka tam uh hi.

Sawltak 19:22

Ama nasem mi nih, Timoti leh Erastas Makedonia gamah a paisak khit ciangin amah in Asia gamah tawlkhat khawl lai hi.

Sawltak 19:29

Khua sung khempeuh gamlumna tawh kidim hi. Amaute in Makedonia pana Paul’ khualzinpihte, Gaias leh Aristarkhus a mat khit uh ciangin, pawikhamna inn sungah lungsim kikhatin a tai uh hi.

ROM (Romans) 1:11

Note na lungkip theih nadingun note kiangah Kha Siangtho’ thupha hehpihna khat peuhmah kong piak na’ngin nomau mu nuam ka hi hi.

1 KORIN MASA 4:19

Ahi zongin Topa’n a hong awi leh, a manlangin kong pai ding hi. Kong tun’ ciangin a kihisak mite’ kam ciamteh loin, amau vangliatna ka ciamteh ding hi.

2 KORIN NIHNA 10:16

Tua bang amau sepna sungah a kibawlsa nate-ah kisathei loin, note gam lang khatah galkah-in Pasian’ Lungdamna Thu hilh theihna om nadingin note thu-upna a khan’ lai takin kote nasepna in a tanzau mahmah ding hi ci-in ka lawp uh hi.